Iphone 17 Series Expected price in India: એપલ આઈફોન 17 સીરિઝ 9 સપ્ટેમ્બરે લોન્ચ થશે. એપલની બહુપ્રતિક્ષિત Awe Dropping ઇવેન્ટ 9 સપ્ટેમ્બરે યોજાશે. આ લોન્ચિંગ ઇવેન્ટ પહેલા અપકમિંગ આઇફોન 17 સીરિઝની ડિઝાઇન અને સ્પેસિફિકેશન્સની વિગત લીક થઇ ગઇ છે. છેલ્લા કેટલાક અઠવાડિયાના તાજેતરના લીક અને સતત અહેવાલો સૂચવે છે કે આઇફોન 17 સીરિઝ વર્તમાન આઇફોન 16 સીરિઝની તુલનામાં મોટા અપગ્રેડ મેળવી શકે છે. આ ઉપરાંત આગામી આઇફોન સીરીઝમાં રેગ્યુલર અને પ્રો વેરિઅન્ટ ઉપરાંત નવું આઇફોન 17 એર મોડલ પણ રજૂ કરવામાં આવે તેવી આશા છે.
ગયા વર્ષે આવેલી આઇફોન 16 સીરીઝની જેમ આ વખતે આઇફોન 17 સીરીઝમાં ઘણા મોટા અપગ્રેડ થવાની આશા છે. એક વર્ષ જૂના આઇફોન 16 વપરાશકર્તાઓનો ઉપયોગ કરતા યુઝર્સ માટે નવા આઇફોનમાં મોટા અપગ્રેડ્સ ન હોઈ શકે, પરંતુ ચોક્કસપણે જૂના આઇફોન અને એન્ડ્રોઇડ સ્માર્ટફોન યુઝર્સ ક્યુપરટિનો સ્થિત કંપનીના નવા પર સ્વિચ કરવાનું વિચારી શકે છે.
ચાલો લીક રિપોર્ટ અને સમાચારોમાં અત્યાર સુધી આઇફોન 17 સીરીઝ વિશે આવેલી વિગતો વિશે જાણીયે.
iPhone 17 સિરીઝ: ડિઝાઇનમાં થઈ શકે છે મોટા ફેરફાર
આઇફોન 17 સીરિઝની ડિઝાઇનમાં સૌથી મોટો ફેરફાર Air વેરિએન્ટ હોઇ શકે છે. આ મોડલ આઇફોન 16 પ્લસને રિપ્લેસ કરશે. લીક રિપોર્ટમાં જણાવાયું છે કે આઇફોન 17 એરની બોડી માત્ર 5.5 એમએમની જાડાઈ સાથે આવશે અને તેમાં 6.6 ઇંચની મોટી OLED ડિસ્પ્લે હશે. ડિઝાઇનની દ્રષ્ટિએ, ડિવાઇસમાં એક્શન બટન તેમજ કેમેરા કંટ્રોલ બટન હોવાની અપેક્ષા છે. ડિવાઇસમાં પાછળના ભાગમાં સિંગલ કેમેરા સેટઅપ હોવાની સંભાવના છે જે એર વેરિઅન્ટને અન્ય મોડેલોથી અલગ બનાવશે.
આ સાથે જ આઇફોન 17 પ્રો અને આઇફોન 17 પ્રો મેક્સની ડિઝાઇન લગભગ સમાન હોઇ શકે છે. આ ડિવાઇસમાં ઉપરના ભાગ પર નવો કેમેરા બમ્પર મળશે. હાલના આઇફોનની સરખામણીએ નવા વેરિએન્ટને બોલ્ડ નવા ઓરેન્જ અને ડાર્ક બ્લુ કલર વેરિઅન્ટમાં લોન્ચ કરી શકાય છે. આ સિવાય આઇફોનના પ્રો વેરિઅન્ટમાં ટાઇટેનિયમને બદલે એલ્યુમિનિયમ બોડી આપી શકાય છે જેથી યુનિટનું વજન ઓછું થઇ જાય.
આ સિવાય આઇફોન 17માં સ્ટાન્ડર્ડ આઇફોન 16 જેવી જ ડિઝાઇન મળશે.
આઇફોન 17, આઇફોન 17 એર, પ્રો અને પ્રો મેક્સ ફીચર્સ
આઇફોન ૧૭ સીરિઝમાં બીજો મોટો ફેરફાર તેમાં જોવા મળતી હાઇ રિફ્રેશ રેટ ડિસ્પ્લે હોઈ શકે છે. સ્ટાન્ડર્ડ આઇફોન 17 અને આઇફોન 17 એરમાં 120 હર્ટ્ઝ OLED સ્ક્રીન મળશે, જ્યારે આઇફોન 17 પ્રો અને આઇફોન 17 પ્રો મેક્સમાં 1-120Hz વેરિયેબલ રિફ્રેશ રેટ પેનલ્સ મળી શકે છે.
પ્રોસેસરની વાત કરીએ તો સ્ટાન્ડર્ડ iPhone 17 અને iPhone 17માં અપગ્રેડેડ A19 ચિપસેટનો ઉપયોગ કરવામાં આવી શકે છે. ફોનમાં મોડરેટ પરફોર્મન્સ અપગ્રેડ અને 8જીબી રેમ મળવાની આશા છે. આઇફોન 17 પ્રો વેરિઅન્ટમાં વધુ શક્તિશાળી A19 Pro ચિપસેટ મળશે જે હાઇ ક્લોક સ્પીડ સાથે આવી શકે છે.
આ ચારેય મોડલને iOS 26 ના સ્ટેબલ વર્ઝન સાથે લોન્ચ કરી શકાય છે, જે એપલના અત્યાર સુધીના શ્રેષ્ઠ હાર્ડવેર પર નવી લિક્વિડ ગ્લાસ ડિઝાઇન થીમ રજૂ કરશે.
બેટરી લાઇફની વાત કરીએ તો iPhone 17 Air પોતાની સ્લિમ પ્રોફાઇલ માટે એક મોટી સમજૂતી કરી શકે છે. માત્ર 2900mAhની નાની બેટરી મળવાની ચર્ચા છે, જેના કારણે આખા દિવસના બેટરી બેકઅપની ચિંતા વધી શકે છે. સાથે જ રેગ્યુલર અને પ્રો વેરિઅન્ટમાં થોડી મોટી બેટરી મળવાના કારણે બેકઅપમાં સુધારો થતો જોઇ શકાય છે.
આઇફોન 17 સીરીઝની કિંમત કેટલી હશે?
કમ્પોનન્ટ્સની વધતી કિંમતો અને સપ્લાય ચેઇનમાં દબાણને જોતા, ઉદ્યોગના નિષ્ણાતો માને છે કે એપલ ઉત્પાદન ખર્ચને સમાયોજિત કરવા માટે આઇફોન 17 સીરિઝની કિંમત ઉંચી હશે.
આઇફોન 17નું બેઝ મોડલ 89,999 રૂપિયાથી શરૂ થઇ શકે છે, જે અત્યાર કરતા 10,000 રૂપિયા મોંઘું છે. નવો આઇફોન 17 એર, જે ‘પ્લસ’ વેરિઅન્ટને રિપ્લેસ કરશે. સાથે જ બેઝ મોડલની કિંમત 99,999 રૂપિયા રાખી શકાય છે. આ બાબત તેને Samsung Galaxy S25 Edgeના વેલ્યૂ સેટ્રિક પરંતુ પ્રીમિયમ વિકલ્પ બનાવે છે.
ઉપરાંત આઇફોન 17 પ્રોનું બેઝ મોડેલ લગભગ 1,45,000 રૂપિયામાં આવી શકે છે. તેમાં સ્ટાન્ડર્ડ તરીકે 256જીબી સ્ટોરેજ મળવાની આશા છે. બીજી તરફ આઇફોન 17 પ્રો મેક્સનું બેઝ 256જીબી મોડલ લગભગ 1,64,999 રૂપિયાની કિંમતે લોન્ચ થઇ શકે છે.
