Bank Holidays in October 2025: ઓક્ટોબર મહિનામાં બેંક કામકાજ પતાવવામાં ઉતાવળ રાખવી પડશે. ઓક્ટોબર મહિનામાં જ દશેરા, દિવાળી, ગોવર્ધન પુજા જેવા મુખ્ય તહેવારો આવી રહ્યા છે, આથી આ દરમિયાન બેંકોમાં રજા રહેવાની છે. ઓક્ટોબર મહિનામાં અલગ અલગ રાજ્યોમાં કુલ 21 દિવસ બેંક બંધ રહેવાની છે. RBIના કેલેન્ડર મુજબ 4 રવિવાર અને બીજા – ચોથા શનિવાર સિવાય 15 દિવસ અલગ અલગ શહેરોમાં બેંકોમાં રજા રહેવાની છે.
ઓક્ટોબર મહિનામાં 21 દિવસ બેંક બંધ રહેશે
ઓક્ટોબર મહિનામાં અલગ અલગ રાજ્યોમાં કુલ 21 દિવસ બેંકમાં રજા રહેવાની છે. ઓક્ટોબર મહિનામાં દુર્ગા પૂજા, દશેરા, દિવાળી, ગાંધી જયંતી, દિવાળી લક્ષ્મી પૂજા, ગોવર્ધન પૂજા, ભાઇ બીજ, છઠ્ઠ પૂજા, સરદાર વલ્લભભાઇ પટેલની જયંતી વગેરે છે. આ નિમિત્તે જે તે તારીખે બેંકમાં કામકાજ થશે નહીં.
ઉલ્લેખનિય છે કે, ભારતમાં તમામ રવિવાર તેમજ મહિનાના બીજા અને ચોથા શનિવારે બેંકમાં રજા રહેશે. જો કે પ્રથમ અને ત્રીજા શનિવારે બેંકમાં કામકાજ થાય છે. અહીં રિઝર્વ બેંકના હોલી ડે કેલેન્ડર મુજબ ઓક્ટોબર મહિનામાં ક્યારે બેંક બંધ રહેશે તેની જાણકારી આપી છે.
| તારીખ | તહેવાર | ક્યા બેંક બંધ રહેશે |
|---|---|---|
| 1 ઓક્ટોબર | મહાનોમ, દુર્ગા પૂજા | આંધ્રપ્રદેશ, કર્ણાટક, મહારાષ્ટ્ર, ઓરિસ્સા, અરુણાચલ પ્રદેશ, અસમ, ઝારખંડ, સિક્કિમ, ત્રિપુરા અને પશ્ચિમ બંગાળ |
| 2 ઓક્ટોબર | ગાંધી જયંતી, દશેરા | સમગ્ર દેશમાં બેંક બંધ રહેશે |
| 3 ઓક્ટોબર | દુર્ગા પૂજા | સિક્કિમ |
| 4 ઓક્ટોબર | દુર્ગા પૂજા | સિક્કિમ |
| 5 ઓક્ટોબર | રવિવાર | દેશભરની બેંકોમાં રજા રહેશે |
| 6 ઓક્ટોબર | મહર્ષિ વાલ્મિકી જયંતી, શરદ પુનમ | કર્ણાટક, પંજાબ, હરિયાણા, હિમાચલ પ્રદેશ, ઓરિસ્સા |
| 10 ઓક્ટોબર | કરવા ચોથ | હિમાચલ પ્રદેશ |
| 11 ઓક્ટોબર | બીજો શનિવાર | દેશભરની બેંકો બંધ રહેશે |
| 12 ઓક્ટોબર | બીજો રવિવાર | બેંકમાં જાહેર રજા |
| 18 ઓક્ટોબર | કાટી બિહુ | અસમ |
| 19 ઓક્ટોબર | ત્રીજો રવિવાર | બેંકમાં જાહેર રજા |
| 20 ઓક્ટોબર | કાળી ચૌદશ, નરક ચતુર્દશી | ગુજરાત, ત્રિપુરા, કર્ણાટક, મધ્યપ્રદેશ, હરિયાણા, આંધ્રપ્રદેશ, હિમાચલ પ્રદેશ, અસમ, મણિપુર સહિત દેશના ઘણા રાજ્યોમાં બેંક બંધ રહેશે |
| 21 ઓક્ટોબર | દિવાળી | મહારાષ્ટ્ર, મધ્યપ્રદેશ, ઓરિસ્સા, સિક્કિમ, મણિપુર, જમ્મુ કાશ્મીર |
| 22 ઓક્ટોબર | નવા વિક્રમ સંવત આરંભ, ગોવર્ધન પૂજા | ગુજરાત સહિત દેશભરના મોટાભાગના રાજ્યોમાં બંધ રહેશ રહેશે |
| 23 ઓક્ટોબર | ચોથો શનિવાર | દેશભરની બેંકોમાં જાહેર રજા |
| 24 ઓક્ટોબર | ચોથો રવિવાર | તમામ બેંકો બંધ રહેશે |
| 28 ઓક્ટોબર | છઠ્ઠ પૂજા | બિહાર અને ઝારખંડ |
| 31 ઓક્ટોબર | સરદાર વલ્લભભાઇ પટેલ જયંતી | ગુજરાત |
ઓનલાઇન બેંક સુવિધા ચાલુ રહેશે
રવિવાર અને તહેવારોના દિવસે બેંક ભલે બંધ રહે પણ ઓનલાઇન બેંક સુવિધા ચાલુ હોય છે. આવી સ્થિતિમાં મોબાઇલ બેંક એપ્લિકેશન અને વેબસાઇટ દ્વારા તમારા બેંક કામકાજ સરળતાથી પતાવી શકાય છે.
