મુકેશ અંબાણી બન્યા ભારતના નંબર-2 ધનકુબેર, તો નં-1 ધનિક કોણ? કોની પાસે કેટલી સંપત્તિ છે, જાણો

ફોર્બ્સ મેગેઝીન દ્વારા ભારતના 100 સૌથી વધુ ધનવાન વ્યક્તિઓની યાદી જાહેર કરવામાં આવી છે. ભારતના સૌથી ધનિક વ્યક્તિના સ્થાન માટે બે દિગ્ગજ ઉદ્યોગપતિ મુકેશ અંબાણી અને ગૌત્તમ અદાણી વચ્ચે હરિફાઇ ચાલી રહી છે. છેલ્લા ઘણા વર્ષોથી ભારતના સૌથી ધનિક વ્યક્તિના સ્થાન પર રિલાયન્સ ઇન્ડસ્ટ્રીઝના માલિક અને ગુજરાતી ઉદ્યોગપતિ મુકેશ અંબાણીનું એકહથ્થું શાસન હતું જો કે આ વખતે તેમણે આ સ્થાન ગુમાવી દીધું છે. આ વખતે ફોર્બ્સની ભારતના ટોપ-10 ધનિકોની યાદીમાં એક મહિલાએ સ્થાન મેળવ્યુ છે.

ભારતના નં-1 ધનિક કોણ અંબાણી કે અદાણી?

ફોર્બ્સની બિલિયોનર યાદી મુજબ મુકેશ અંબાણીને પછાડીને ગૌત્તમ અદાણી ભારતના નંબર-1 ધનિક વ્યક્તિ બન્યા છે. જે વર્ષ 2008 બાદ પહેલી ઘટના છે જ્યારે ભારતના નંબર-1 ધનકુબેર વ્યક્તિ બદલાઇ છે, અત્યાર સુધી આ બિરુદ મુકેશ અંબાણીના નામે જ હતુ.

ચાલુ વર્ષે શેરબજારમાં 10 ટકાનો ઘટાો અને રૂપિયાના મૂલ્યમાં ધોવાણ થવા છતાં ભારતીયો ધનાઢ્યોની સંપત્તિ વધી છે. ચાલુ વર્ષે ભારતના ટોપ-100 ધનાઢ્યોની સંયુક્ત સંપત્તિ 25 અબજ ડોલગ વધીને 800 અબજ ડોલર થઇ છે. જેમાં ટોપ-10 ધનિક વ્યક્તિઓ પાસે 385 અબજ ડોલરની સંપત્તિ છે. ઉપરાંત ટોપ-3 ધનાઢ્યોમાં મૂળ ગુજરાતી ઉદ્યોગપતિ છે.

Also Read

સોનું ₹ 61600ની નવી ઉંચાઇએ, માર્ચમાં ₹4400 રૂપિયા મોઘુ થયુ : ચાંદીમાં ₹1000નો ઉછાળો

31 માર્ચ પહેલા ભૂલ્યા વગર પતાવી લો ઇન્કમ ટેક્સ સંબંધિત આ 5 કામકાજ, નહીંતર ચૂકવવો પડશે દંડ

હિંડનબર્ગે બ્લોક ઇંક વિશેના રિપોર્ટમાં અમૃતા આહુજાનો ઉલ્લેખ કર્યો, તે કોણ છે અને વિવાદ સાથે શું સંબંધ છે? જાણો

હિંડનબર્ગ રિસર્ચનો Twitterના સહ-સ્થાપક જેક ડોર્સી પર ગેરરીતિનો આક્ષેપ, એક જ દિવસમાં સંપત્તિમાં 52.6 કરોડ ડોલરનું ધોવાણ

(1) ગૌત્તમ અદાણીની સંપત્તિ બમણી થઇ

ગૌત્તમ અદાણી ભારતના નંબર-1 ધનાઢ્ય બન્યા છે. કેલેન્ડર વર્ષ 2021માં તેમની સંપત્તિમાં ત્રણ ગણો વધારો થયો હતો અને તેઓ દેશના સૌથી ધનિક વ્યક્તિ બની ગયા હતા. ફોર્બ્સના રિપોર્ટ અનુસાર કેલન્ડર વર્ષ 2022માં અદાણીની સંપત્તિમાં બમણી વૃદ્ધિ થઇ છે અને તે 150 અબજ ડોલરને પહોંચી ગઇ છે. ભારતીય ચલણમાં આ રકમ 1,211,460,11 કરોડ રૂપિયા થાય છે. આ સાથે જ તેઓ ભારતના નંબર-1 ધનિક વ્યક્તિ બની ગયા છે.

ઉલ્લેખનિય છે કે, ગૌત્તમ અદાણી થોડાક સમય માટે વિશ્વના બીજા નંબરના સૌથી ધનાઢ્ય વ્યક્તિ પણ બન્યા હતા. ટકાવારી અને યુએસ ડોલરની રીતે પણ અદાણીની સંપત્તિમાં ચાલુ વર્ષે સૌથી વધુ વૃદ્ધિ થયો છે. અદાણીએ આગામી દાયકામાં 100 અબજ ડોલરનું રોકાણ કરવાની જાહેરાત કરી છે, જેમાંથી 70 ટકા રોકાણ ગ્રીન એનર્જીમાં કરશે. અદાણી ગ્રૂપ રિન્યુએબલ એનર્જી સેક્ટરમાં આગળ વધવા આક્રમક રણનીતિ અપનાવી રહ્યુ છે.

(2) મુકેશ અંબાણી

વર્ષ 2013 બાદ પહેલીવાર ભારતના સૌથી મોટા ધનાઢ્ય રહેલા રિલાયન્સ ઇન્ડસ્ટ્રીઝના ચેરમેન મુકેશ અંબાણી આ વખતે નંબર-1થી નંબર-2 પર આવી ગયા છે. મુકેશ અંબાણીની સંપત્તિ હાલ 88 અબજ ડોલર એટલે કે 7,10,723.26 અબજ રૂપિયા છે. વર્ષ 2013 બાદ પહેલી વાર ફોર્બ્સની બિલિયોનર યાદીમાં મુકેશ અંબાણીની પીછેહઠ થઇ છે.

(3) રાધાકિશન દામાણી

સુપરમાર્કેટ ચેઇન ડી-માર્ટના માલિક રાધાકિશન દામાણી ભારતના ટોપ-100 ધનાઢ્યોની યાદીમાં આ વખતે ત્રીજા ક્રમે છે. કેલેન્ડર વર્ષ 2022માં તેની સંપત્તિ 6 ટકા ઘટીને 27.6 અબજ ડોલર એટલે કે 2,22,908.66 કરોડ રૂપિયા થઇ છે.

(4) સાયરસ પૂનાવાલા

કોરોના વાયરસની રસી બનાવતી સિરમ ઇન્સ્ટિટ્યૂટના ચેરમેન સાયરસ પૂનાવાલ 21.6 અબજ ડોલર એટલે કે 173,642.62 કરોડ રૂપિયાની સંપત્તિ સાથે ભારતના ચોથા ક્રમના સૌથી મોટા ધનિક વ્યક્તિ છે.

(5) શિવ નાદર

આઇટી કંપની એચસીએલ ટેકનોલોજીના ચેરમેન શિવ નાદર ભારતના ટોપ-100 બિલિયોનરની યાદીમાં પાંચમાં ક્રમે છે. તેની સંપત્તિ 21.4 અબજ ડોલર એટલે કે 1,72,834.97 કરોડ રૂપિયા છે. તેમણે ચાલુ વર્ષે શિક્ષણ માટે 66.2 કરોડ ડોલરનું દાન કર્યુ છે અને આ કારણે જ ચાલુ વર્ષે તેમની સંપત્તિમાં સૌથી વધારે ઘટાડો જોવા મળ્યો છે.

(6) સાવિત્રી જિંદાલ

સાવિત્રી જિંદાલ એ ભારતના ટોપ-10 ધનાઢ્યોમાં સ્થાન મેળવનાર એક માત્ર મહિલા છે. ઓપી જિંદાલ ગ્રૂપના ચેરપર્સન સાવિત્રી જિંદાલ 16.4 અબજ ડોલર એટલે કે 132,452.97 કરોડ રૂપિયાની સંપત્તિ સાથે ફોર્બ્સની યાદી અનુસાર ભારતના છઠ્ઠા ક્રમના સૌથી ધનિક વ્યક્તિ છે.

(7) દિલીપ સંઘવી

દિલીપ સંઘવી એ દવા બનાવતી કંપની સન ફાર્માસ્યુટિકલ્સના સ્થાપક અને માલિક છે. તો 125,184.21 કરોડ રૂપિયાની સંપત્તિ સાથે ભારતના સાતમાં ક્રમના સૌથી ધનિક વ્યક્તિ છે. ઉપરાંત ભારતના ટોપ-10 ધનાઢ્યોમાં સ્થાન મેળવનાર ચોથા ગુજરાતી ઉદ્યોગપતિ છે. ઉલ્લેખનિય છે કે, ગૌત્તમ અદાણી, મુકેશ અદાણી અને રાધાકિશન દામાણી મૂળ ગુજરાત ઉદ્યોગપતિ છે.

ત્રણ ધનાઢ્યોનું અવસાન થયું

કેલેન્ડર વર્ષ 2022માં ભારતના ત્રણ અગ્રણી ધનિક વ્યક્તિઓનું અવસાન થયુ છે. તેમાં ઓટો મોબાઇલ કંપની બજાજ ઓટો ગ્રૂપના રાહલ બજાજ, ભારતના બિગબુલ અને વોરેન બુફે તરીકે જાણીતા રાકેશ ઝૂનઝૂનવાલાનું અવસાન થયુ છે. અને સાપુરજી પાલોનજી ગ્રૂપના સાયરસ મિસ્ત્રીનું કાર અકસ્માતમાં નિધન થયુ છે.

યાદીમાં 9 નવા ધનાઢ્યો ઉમેરાયા

ચાલુ વર્ષે ભારતીય ધનાઢ્યોની યાદીમાં નવ નવા ધનકુબેર ઉમેરાયા છે, જેમાંથી ત્રણ વ્યક્તિ IPO લાવીને ધનિક બન્યા છે. આ 3 વ્યક્તિઓમાં નાયકા કંપનીના માલિક ફાલ્ગુની નાયર છે, જે ભારતની સૌથી ધનિક સેલ્ફ-મેડ વુમન છે. તો એથનિક ગાર્મેન્ટ ઉત્પાદક રવિ મોદી; અને શૂઝ મેકર રફીક મલિકે આ યાદીમાં સ્થાન મેળવ્યુ છે.