Google Alert: જો તમે પણ જીમેલ (Gmail) એકાઉન્ટનો ઉપયોગ કરો છો, તો ગૂગલ તરફથી આવી રહેલી મહત્વપૂર્ણ ચેતવણી ચોક્કસપણે જાણી લો. સર્ચ જાયન્ટે જીમેલ એકાઉન્ટ ચલાવતા દરેક યુઝર માટે ચેતવણી જાહેર કરી છે. આ એલર્ટમાં ગૂગલે એક નવા સ્કેમનો ઉલ્લેખ કર્યો છે, જે યુઝર્સને છેતરવા માટે મોકલવામાં આવી રહ્યો છે. આ સાયબર હુમલામાં ગૂગલની બ્રાન્ડિંગનો ઉપયોગ કરવામાં આવી રહ્યો છે. અને યુઝર્સને મોકલવામાં આવતા ઈમેલમાં વિષયની લાઇન તરીકે ‘Online Reward Program’ લખવામાં આવ્યું છે.
Gmail ના નામે થઈ રહ્યું છે નવું કૌભાંડ
તમને જણાવી દઈએ કે, જીમેલમાં આવનાર ઈમેલ યૂઝર્સને રિવોર્ડ સબજેક્ટ લાઇનથી મોકલવામાં આવી રહ્યો છે. આ સંદેશમાં લખ્યું છે કે, “Congratulations! You are a lucky Google user! “Every 10 millionth search is reached worldwide, we will proclaim a lucky user to send out a thank-you gift. You are the lucky user!”
ઈમેલ અનુસાર, આ પછી જીમેલ યુઝર્સે મેલમાં આપેલી લિંક પર ક્લિક કરવાનું કહેવામાં આવે છે. અને આ લિંક પર ક્લિક કરીને યુઝર્સ તેમના ઇનામનો દાવો કરી શકશે. ફક્ત લિંક પર ક્લિક કરવું એજ આખી રમત છે. ગૂગલનું કહેવું છે કે, આ કૌભાંડની નવી પદ્ધતિ છે. આ રીતે હેકર્સ જીમેલ યુઝર્સના પર્સનલ ડેટાને એક્સેસ કરી શકશે. તેનાથી યુઝર્સના પૈસા અને ઓળખની ચોરી થઈ શકે છે.
હવે આ કૌભાંડથી બચવા માટે ગૂગલ જીમેલ યુઝર્સને એલર્ટ જારી કરી રહ્યું છે. તેથી તમારા ઇનબોક્સને યોગ્ય રીતે તપાસો અને કોઈપણ શંકાસ્પદ વસ્તુની તરત જ જાણ કરો. વધુમાં
એક પોપ-અપ જે તમને તમારું ઈમેલ અથવા અન્ય અંગત માહિતી દાખલ કરવાનું કહે છે. Google આ ફોર્મેટમાં આપમેળે કોઈ પ્રાઈઝ ઓફર કરતું નથી. તેથી, સર્વેક્ષણ પૂર્ણ કરવા અથવા વ્યક્તિગત વિગતો દાખલ કરવા માટે તમને કોઈ ઇનામ મળશે નહીં. પોપ-અપ વિન્ડો બંધ કરો અને તમારી વ્યક્તિગત માહિતી દાખલ કરશો નહીં.
આ કૌભાંડો ટાળવા માટે Google ની ટિપ્સ
આવા કૌભાંડો મોટે ભાગે તાત્કાલિક દેખાતા સંદેશાઓના સ્વરૂપમાં રચાયેલ છે. પ્રશ્નો પૂછવા માટે તમારો સમય કાઢો અને તેમના વિશે વિગતવાર વિચાર કરો.
મેલમાં તમને મળેલી કોઈપણ માહિતીને બે વાર તપાસો, અને રિસર્ચ પણ કરો. એટલે કે, આ ઇમેઇલ્સની સત્યતા જાણવા માટે તમે જે કરી શકો તે કરો.
આ પણ વાંચો – Telecom Industry : રિલાયન્સ જિયો અને ભારતી એરટેલ અનલિમિટેડ 5G પર ટ્રાઈના રેડ ફ્લેગનો સામનો કરી શકે
ઉલ્લેખનીય છે કે, કોઈપણ જાણીતી એજન્સી કે વ્યક્તિ તમારી પાસેથી ઓન-ધ-સ્પોટ પેમેન્ટ અથવા અંગત માહિતી માટે ક્યારેય પૂછશે નહીં.
ધ્યાનમાં રાખો કે, ગૂગલે તેના યુઝર્સને આવા કૌભાંડોથી બચવા માટે તેના વેબપેજ પર ઘણી ટીપ્સ આપી છે.
