સુખી જીવન જીવવાની વાત આવે છે, ત્યારે બે બાબતો સૌથી મહત્વપૂર્ણ છે, પ્રથમ આરોગ્ય અને બીજું સંપત્તિ. સ્વાસ્થ્ય વીમો એટલે કે હેલ્થ ઇન્શ્યોરન્સ એક એવું માધ્યમ છે, જે તમારા સ્વાસ્થ્ય અને સંપત્તિ બંનેની સારી રીતે કાળજી રાખે છે. પરંતુ આપણા દેશમાં સૌથી મોટી ગેરસમજ છે કે – યુવાનો માટે હેલ્થ ઇન્શ્યોરન્સની શું જરૂર છે.
વર્લ્ડ હેલ્થ ઓર્ગેનાઈઝેશન (WHO) અનુસાર, દર વર્ષે લગભગ 58 લાખ લોકો બિન- સંક્રમિત રોગો (NCDs)થી મૃત્યુ પામે છે. આનો અર્થ એ થયો કે ચારમાંથી એક ભારતીયને સિત્તેર વર્ષની ઉંમર પહેલા જીવલેણ બિન-સંક્રમિત રોગ લાગવાનું જોખમ છે. યુવાન લોકો પણ તેનાથી બચી શકતા નથી, કારણ કે આ રોગ તમામ વય જૂથના લોકોને શિકાર બનાવે છે. બદલાતી જીવનશૈલી, કામકાજમાં શારીરિક શ્રમનો અભાવ અને વધતું પ્રદૂષણ એ બિન-સંક્રમિત બીમારીમાં વધવા પાછળનું મુખ્ય કારણ છે.
હેલ્થ ઇન્શ્યોરન્સ વિશે જાગૃતિનો અભાવ
BMC હેલ્થ સર્વિસિસ દ્વારા કરવામાં આવેલા એક સંશોધનમાં જાણવા મળ્યું છે કે ભારતમાં આરોગ્ય પાછળ થતા કુલ ખર્ચની 63% રકમ ખિસ્સામાંથી ખર્ચાય આવે છે એટલે કે મોટાભાગના ભારતીયોએ તેમની બચતમાંથી કેટલીક રકમ તેમની સારવાર માટે અને કેટલીકવાર તબીબી ખર્ચ માટે પણ ખર્ચ કરવી પડે છે. આવી પરિસ્થિતિને ટાળવા માટે જ હેલ્થ ઈન્સ્યોરન્સ કરવામાં આવે છે, કારણ કે મોટાભાગના મેડિકલ ખર્ચ હેલ્થ ઈન્સ્યોરન્સમાં આવરી લેવામાં આવે છે.
તંદુરસ્ત જીવનશૈલી માટે, વ્યક્તિએ સ્વાસ્થ્ય વીમો લેવો જ જોઈએ, જેથી તમે કોઈપણ સમાધાન વગર તમારા સ્વાસ્થ્ય અને તબીબી ખર્ચાઓનું ધ્યાન રાખી શકો. આવી સ્થિતિમાં, ઘણી વખત પ્રશ્ન ઊભો થાય છે કે શું હેલ્થ ઇન્સ્યોરન્સ લેવા માટે વૃદ્ધ કે સિનિયર સિટીઝન થવાની રાહ જોવી જોઈએ કે પછી કોઈ બીમારી થાય ત્યાં સુધી રાહ જોવી જોઈએ? આજે અમે તમને આવા જ કેટલાક સવાલોના જવાબ જાણવામાં મદદ કરીશું. સાથે જ અમે તમને જણાવીશું કે 40 વર્ષની ઉંમર પહેલા હેલ્થ ઈન્સ્યોરન્સ શા માટે લેવો જરૂરી છે?
ઓછું પ્રીમિયમ
હેલ્થ ઇન્શ્યોરન્સનું પ્રીમિયમ ઉંમર અને આરોગ્યના જોખમ સહિત અનેક પરિબળો પર આધાર રાખે છે. વૃદ્ધ લોકોની સરખામણીમાં યુવાનોમાં આરોગ્યનું જોખમ ઓછું હોય છે, જેના કારણે અહીં વીમા કંપનીની જવાબદારી પણ ઓછી થઇ જાય છે. જો તમે નાની ઉંમરે હેલ્થ ઇન્શ્યોરન્સ લેવાનું પસંદ કરો છો, તો તમારે તેના માટે ઓછું પ્રીમિયમ ચૂકવવું પડશે.
વેઇટિંગ ટાઇમ પર નિયંત્રણ
તમામ હેલ્થ ઇન્શ્યોરન્સ પોલિસીમાં પહેલાથી લાગુ પડેલી બીમારીઓ અને અમુક ચોક્કસ રોગો માટે અલગ-અલગ વેઇટિંગ પીરિયડ હોય છે, જે સામાન્ય રીતે 12 થી 48 મહિના સુધીનો હોઈ શકે છે. કારણ કે નાની ઉંમરે સ્વાસ્થ્યનું જોખમ અન્ય વય જૂથોની સરખામણીમાં ઓછું હોય છે. તેથી તમે કોઈપણ દાવા કર્યા વગર વેઇટિંગ પીરિયડનો સમય સરળતાથી પાર કરી શકો છો. આ સાથે જ, તમે આ સમય પણ સરળતાથી પસાર કરી શકો છો, પરંતુ જો તમે કોઈ રોગથી પીડિત છો, તો તમે વેઇટિંગ ટાઇમ પૂરો થવાની પહેલા દાવો કરી શકો છો.
કોર્પોરેટ કવર પૂરતું નથી
મોટાભાગના લોકો માને છે કે કોર્પોરેટ પોલિસી તેમની અને તેમના પરિવારની તબીબી જરૂરિયાતોને પહોંચી વળવા માટે પૂરતી છે, પરંતુ ઘણી કોર્પોરેટ પોલિસી મૂળભૂત રીતે ફક્ત મુખ્ય વેતન કમાવનાર અને તેમના પરિવારના સભ્યોને વધારાનું પ્રીમિયમ ઇન્શ્યોરન્સ કવરની ચૂકવણી કર્યા બાદ જ આપવામાં આવે છે. જો તમે નોકરી બદલો છો, તો કંપની તમારું ઇન્શ્યોરન્સ કવર તરત જ પાછી ખેંચી લે છે.
નો-ક્લેમ બોનસ
આ એક આકર્ષક સુવિધા છે જે પોલિસી ધારકને કોઈપણ દાવા ન કરવા પ્રોત્સાહિત કરે છે. બીજા શબ્દોમાં કહીએ તો, જો પોલિસી ધારક પોલિસી વર્ષ દરમિયાન કોઈ ક્લેમ ન કરે, તો ઇન્શ્યોરન્સ કંપની નો-ક્લેમ બોનસ તરીકે વીમાની ચોક્કસ રકમ પુરી પાડે છે. જે પાછળથી વીમાની કુલ રકમમાં ઉમેરવામાં આવશે. યુવાન વયમાં હેલ્થ પ્રોબ્લમ સમસ્યા ઓછી હોય છે, આવી સ્થિતિમાં તમે નો ક્લેમ બોનસનો લાભ લઈ શકો છો. તમે તેને તમારી હાલની વીમા રકમ સાથે જમા કરી શકો છો અને તમારી જરૂરિયાતના સમયે તેનો ઉપયોગ કરી શકો છો.
સ્વસ્થ રહેવાની પ્રેરણા
આપણી રોજિંદી જીવનશૈલી એવી છે કે મોટાભાગના લોકો પોતાના માટે કોઈ સમય કાઢતા નથી. આવી સ્થિતિમાં મોટાભાગના લોકો એક યા બીજી રીતે મોટિવેશન મેળવી કે ધક્કાથી આગળ વધે છે. તેને ધ્યાનમાં રાખીને ઘણી હેલ્થ ઇન્શ્યોરન્સ કંપનીઓ પોલિસી ધારકો માટે વેલનેસ પ્રોગ્રામ ચલાવે છે.
