Home Loan EMI Calculation After RBI Repo Rate Cut: આરબીઆઈ એ રેપો રેટ 0.25 ટકા ઘટાડતા હોમ લોન ફરી સસ્તી થવાની છે. રિઝર્વ બેંક દ્વારા સતત બીજી વખતે રેપો રેટમાં ઘટાડવામાં આવ્યો છે. જેનાથી હોમ લોન, ઓટો લોન સહિત વિવિધ બેંક લોનના ઇએમઆઈ ઘટશે. 9 એપ્રિલ, 2025ના રોજ આરબીઆઈ મોનેટરી પોલિસીમાં રેપો રેટ 0.25 ટકા ઘટાડી 6 ટકા કરવામાં આવ્યો છે. રેપો રેટ ઘટતા હોમ લોન ધારકો તેમનો Home Loan EMI કેટલો ઘટશે તેની ગણતરી કરવા લાગ્યા છે. ચાલો જાણીયે તમારી 30 લાખ રૂપિયાની હોમ લોન પર સંભવિત કેટલી બચત થશે.
ટલે કે રેપો રેટમાં 25 બેસિસ પોઈન્ટનો ઘટાડો જાહેર કરીને લોન લેનારાઓને મોટી રાહત આપી. RBIનો નવો રેપો રેટ 6.00% જાહેર કરવામાં આવ્યો છે. આ નિર્ણય પછી, એવી અપેક્ષા છે કે હોમ લોન લેનારાઓના માસિક EMIમાં ઘટાડો થશે. ચાલો સમજીએ કે RBIના આ નિર્ણયથી તમારી હોમ લોન EMI કેટલી ઓછી થવાની અપેક્ષા રાખી શકાય છે. સમજવામાં સરળતા માટે, આપણે 30 લાખ રૂપિયાની હોમ લોન પર સંભવિત બચતની પણ ગણતરી કરીશું.
Home Loan EMI calculator: આરબીઆઈ એ રેપો રેટ ઘટાડતા હોમ લોન ઇએમઆઈ ઘટી શકે છે. (Photo: Freepik)
હોમ લોન ઇએમઆઈ અને વ્યાજદર કેટલો ઘટશે?
તમારી હોમ લોન EMI ખરેખર કેટલી ઘટશે તે તમારી બેંક દ્વારા વ્યાજ દર ( હોમ લોન વ્યાજ) માં ઘટાડો જાહેર કર્યા પછી જ નક્કી કરવામાં આવશે . પરંતુ RBIના નિર્ણય પછી બેંકો પણ તે જ પ્રમાણમાં વ્યાજ દરો ઘટાડશે તેવી અપેક્ષા રાખી શકાય છે. આના આધારે આપણે વ્યાજ ચુકવણી પર સંભવિત લાભની ગણતરી કરી શકીએ છીએ.
જો તમે 20 વર્ષ માટે 30 લાખ રૂપિયાની હોમ લોન લીધી હોય, તો તમારે કુલ 240 માસિક EMI ચૂકવવા પડશે.જો તમારી હોમ લોનનો વાર્ષિક વ્યાજ દર 9% છે, તો તમારો માસિક લોન EMI લગભગ રૂ. 26,992 હશે.20 વર્ષમાં, તમારે કુલ 34,78,027 રૂપિયા વ્યાજ તરીકે ચૂકવવા પડશે.લોનની રકમ અને વ્યાજ સહિત, તમારે બેંકને 64,78,027 રૂપિયા ચૂકવવા પડશે.રેટ કટ બાદ લોન EMI ગણતરી
રેપો રેટમાં 25 બેસિસ પોઈન્ટના ઘટાડા પછી, જો તમારી બેંક વ્યાજ દરમાં તેટલા પ્રમાણે ઘટાડો કરે છે, તો તમારી હોમ લોનનો વાર્ષિક વ્યાજ દર 9% થી ઘટીને 8.75% થઈ જશે.
- આવી સ્થિતિમાં, તમારો EMI ઘટીને લગભગ 26,511 રૂપિયા થઈ જશે.
- એટલે કે તમારે દર મહિને EMI તરીકે 481 રૂપિયા ઓછા ચૂકવવા પડશે.
- તમારી કુલ વ્યાજ ચુકવણી પણ 20 વર્ષમાં ઘટીને રૂ. 33,62,717 થઈ જશે.
- લોનની રકમ અને વ્યાજ સહિત, તમારે બેંકને 63,62,717 રૂપિયા ચૂકવવા પડશે.
- 20 વર્ષમાં તમારી કુલ બચત લગભગ રૂ. 1,15,310 થશે.
લોન ઇએમઆઈ ઘટાડવી કે મુદ્દત ઘટાડવી ?
જ્યારે વ્યાજ દરમાં ઘટાડો થાય છે, ત્યારે બેંકો તમને તમારા EMI ઘટાડવા અથવા લોનની મુદત ઘટાડવાનો વિકલ્પ આપે છે. જો તમે EMI ઘટાડવાને બદલે લોનની મુદત ઘટાડવાનું નક્કી કરો છો, તો તમે કુલ વ્યાજ ચુકવણીમાં વધુ પૈસા બચાવી શકો છો અને તમારી લોન વહેલા પૂર્ણ કરી શકો છો. ઉદાહરણ તરીકે, ઉપરોક્ત ગણતરીમાં:
ધારો કે, વ્યાજ દર 9% થી ઘટીને 8.75% થયા પછી પણ તમે તમારા માસિક EMI રૂ. 26,992 પર જાળવી રાખો છો.
આવી સ્થિતિમાં, તમારી લોનના કુલ EMI 240 થી ઘટીને 229 થઈ જશે.
આનો અર્થ એ કે તમારે સમાન લોન માટે 11 EMI ઓછા ચૂકવવા પડશે.
આનો અર્થ એ કે તમારી લોન 11 મહિના વહેલા પૂર્ણ થઈ જશે.
આ કિસ્સામાં, તમારી કુલ બચત 11×26,992 રૂપિયા = 2,96,912 રૂપિયા થશે.
આનાથી સ્પષ્ટ થાય છે કે EMI રકમ ઘટાડવાની સરખામણીમાં મુદત ઘટાડવાનો ફાયદો બમણાથી વધુ છે. તેથી, જો તમારા બજેટ મુજબ લોન ઇએમઆઈ રકમ જાળવી રાખી લોનની મુદત ઘટાડવાનો વિકલ્પ પસંદ કરવો વધુ સારું રહેશે.
રેપો રેટ બેંકોને કેવી રીતે અસર કરે છે?
RBI દ્વારા રેપો રેટમાં ઘટાડાની જાહેરાતનો અર્થ એ નથી કે વાણિજ્યિક બેંકોના વ્યાજ દર આપ મેળે ઘટશે. પરંતુ ઓક્ટોબર 2019 થી બધી ફ્લોટિંગ રેટ હોમ લોન રેપો રેટ સહિત એક્સટર્નલ બેન્ચમાર્ક સાથે જોડાયેલી છે. તેથી, રેપો રેટમાં ઘટાડો હોમ લોનના વ્યાજ દરોને અસર કરે છે.
આ પણ વાંચો | હોમ લોન માટે સિબિલ ક્રેડિટ સ્કોર સુધારવાની 7 ટીપ્સ, બેંક આપશે ઓછા વ્યાજે લોન
રેપો રેટ એ વ્યાજ દર છે જેના પર RBI વાણિજ્યિક બેંકોને ટૂંકા ગાળા માટે ભંડોળ આપે છે. એટલે કે, જ્યારે RBI રેપો રેટમાં ઘટાડો કરે છે ત્યારે બેંકો માટે ઉધાર લેવાનું સસ્તું બને છે, જેનાથી તેમના ભંડોળ મેળવવાનો ખર્ચ ઘટે છે. તેથી, તેઓ તેમના ગ્રાહકોને ઓછા વ્યાજ દરે લોન આપી શકે છે. રેપો રેટને પોલિસી રેટ અથવા પોલિસી વ્યાજ દર તરીકે પણ ઓળખવામાં આવે છે, જે દર્શાવે છે કે રિઝર્વ બેંક હાલમાં કેવા પ્રકારની નાણાકીય નીતિ અપનાવી રહી છે અને વાણિજ્યિક બેંકો માટે તેનો સંકેત શું છે.
