Amazon – Flipkart Sale Offers : એમેઝોન ગ્રેટ ઈન્ડિયન ફેસ્ટિવલ અને ફ્લિપકાર્ટ બિગ બિલિયન ડેઝ સેલ શરૂ થઈ ગયું છે. ફેસ્ટિવલ સીઝન સેલ હાલમાં ફ્લિપકાર્ટ પ્લસ અને એમેઝોન પ્રાઇમ સભ્યો માટે ઉપલબ્ધ છે. દિવાળી પહેલા શરૂ થનારા ઓનલાઇન સેલમાં આકર્ષક ડિસ્કાઉન્ટ, બેંક ઓફર, એક્સચેન્જ ડીલ્સ, કૂપન ડિસ્કાઉન્ટ સહિત ઘણી કેટેગરીમાં પ્રોડક્ટ્સ ઓફર કરવામાં આવી રહી છે. જે યુઝર્સ સેલમાં તેમના સ્માર્ટફોનને અપગ્રેડ કરવાનું વિચારી રહ્યા છે, તેમના માટે ઓનલાઇન સેલમાં એક મોટી તક છે. એપલ, મોટોરોલા, નથિંગ, વનપ્લસ, ઓપ્પો, સેમસંગ અને શાઓમી જેવા બ્રાન્ડેડ ફોન સેલમાં ડિસ્કાઉન્ટ પર ઉપલબ્ધ થશે. આ સિવાય ઘણા આઇફોન મોડેલો પણ રેગ્યુલર કિંમત કરતા ખૂબ ઓછા ભાવે ઉપલબ્ધ કરાવવામાં આવ્યા છે.
આઇફોન 16 પ્રો, આઇફોન 15 અને આઇફોન 14 પર બમ્પર ડિસ્કાઉન્ટ
iPhone 14 Deal Offer : આઇફોન 14
આઇફોન 14 ફ્લિપકાર્ટ પર આકર્ષક કિંમતે ખરીદી શકાય છે. ફ્લિપકાર્ટ બિગ બિલિયન ડેઝ સેલમાં, આઇફોન 14 નું 128 જીબી સ્ટોરેજ વેરિઅન્ટ 39,999 રૂપિયામાં ખરીદી શકાય છે. આ હેન્ડસેટ 79,900 રૂપિયામાં લોન્ચ કરવામાં આવ્યો હતો અને હવે તે 39,901 રૂપિયામાં ઉપલબ્ધ છે.
જો કે, ઉલ્લેખનીય છે કે આ સેલમાં આઇફોન 16ની અસરકારક કિંમતમાં 2000 રૂપિયાનું ડિસ્કાઉન્ટ પણ સામેલ છે.
iPhone 15 Deal Offer : આઇફોન 15
આઇફોન 15 એમેઝોન ઇન્ડિયા પર એક બમ્પર ડિસ્કાઉન્ટ પર ઉપલબ્ધ છે. વર્ષ 2023માં લોન્ચ થયેલા આ આઇફોનના 128 જીબી સ્ટોરેજ વેરિઅન્ટની કિંમત 79,900 રૂપિયા હતી. સામાન્ય રીતે આ આઇફોન 59990 રૂપિયાની કિંમતમાં ઉપલબ્ધ છે. ગ્રેટ ઈન્ડિયન ફેસ્ટિવલ સેલમાં આ ફોનને ઈ-કોમર્સ સાઈટ દ્વારા 46,999 રૂપિયાના બમ્પર ડિસ્કાઉન્ટ સાથે ઉપલબ્ધ કરાવવામાં આવ્યો છે.
ગ્રાહકો એસબીઆઈ ડેબિટ, ક્રેડિટ કાર્ડ અને ક્રેડિટ કાર્ડ ઇએમઆઈ ટ્રાન્ઝેક્શન સાથે 10 ટકા ડિસ્કાઉન્ટ પણ મેળવી શકે છે. આમ ઓનલાઇન સેલમાં આઇફોન 15ની કિંમત 43,749 રૂપિયા આસપાસ થઈ શકે છે.
iPhone 16 Deal Offer : આઇફોન 16
આઈફોન 17 સિરીઝના લોન્ચિંગ બાદ એપલે આઇફોન 16ની કિંમતમાં ઘટાડો કર્યો હતો અને આ ફોન 69,900 રૂપિયામાં ખરીદવા માટે ઉપલબ્ધ હતો. પરંતુ ફ્લિપકાર્ટ બિગ બિલિયન ડેઝ સેલમાં આ હેન્ડસેટને મોટા ડિસ્કાઉન્ટ બાદ 51,999 રૂપિયામાં ખરીદી શકાય છે.
ગ્રાહકો એક્સિસ બેંક અને આઈસીઆઈસીઆઈ બેંક ક્રેડિટ અને ડેબિટ કાર્ડથી 10 ટકાનું ઇન્સ્ટન્ટ ડિસ્કાઉન્ટ પણ મેળવી શકે છે. આ ઓફરથી ફોનની અસરકારક કિંમતમાં વધુ ઘટાડો થશે.
iPhone 16 Pro Deal Offer : આઇફોન 16 કિંમત
આઇફોન 16 પ્રો એપલ દ્વારા સત્તાવાર રીતે બંધ કરવામાં આવી છે, પરંતુ આઇફોન હમણાં ઇ-કોમર્સ વેબસાઇટ પર ખરીદી માટે ઉપલબ્ધ છે. પરંતુ ધ્યાનમાં રાખો કે જ્યારે સ્ટોક ઉપલબ્ધ હશે ત્યારે જ તમે ફોન ખરીદી શકશો. 128 જીબી સ્ટોરેજ મોડેલ 1,19,900 રૂપિયામાં લોન્ચ કરવામાં આવ્યું હતું, પરંતુ હવે તેને 74,900 રૂપિયામાં ખરીદી શકાય છે.
ભાવમાં ઘટાડા ઉપરાંત તમને પસંદગીના બેંક કાર્ડ્સ સાથે 5000 રૂપિયાનું ડિસ્કાઉન્ટ પણ મળશે, ત્યારબાદ અસરકારક કિંમતમાં વધુ ઘટાડો કરવામાં આવશે.
iPhone 16 Pro Max Deal Offer : આઇફોન 16 પ્રો મેક્સ કિંમત
આઇફોન 16 પ્રો મેક્સ મોડલના 256 જીબી સ્ટોરેજ બેઝ વેરિઅન્ટને 89,999 રૂપિયાની અસરકારક કિંમતે વેચાણમાં ખરીદવા માટે ઉપલબ્ધ કરવામાં આવ્યું છે. ફ્લિપકાર્ટ બિગ બિલિયન ડેઝ સેલમાં આ આઈફોનને 5000 રૂપિયાનું ડિસ્કાઉન્ટ મળી રહ્યું છે.
જો કે, બેંક ઓફરનો લાભ મેળવવા માટે પાર્ટનર કાર્ડ હોવું જરૂરી છે. નોંધનિય છે કે, આ હેન્ડસેટને 1,44,900 રૂપિયાની કિંમતે લોન્ચ કરવામાં આવ્યો હતો.
