એલપીજી સિલિન્ડર ભાવ : લોકસભા ચૂંટણીના પરિણામો પહેલા સામાન્ય લોકોને મોટી રાહત, LPG સિલિન્ડરના ભાવમાં ઘટાડો

Lok Sabha election 2024, LPG cylinder price : લોકસભા ચૂંટણીના પરિણામો પહેલા સામાન્ય જનતાને મોટી રાહત મળી છે. કોમર્શિયલ એલપીજી સિલિન્ડરના ભાવમાં ઘટાડો કરવામાં આવ્યો છે. કોમર્શિયલ એલપીજી સિલિન્ડરની કિંમતમાં 72 રૂપિયા સુધીનો ઘટાડો કરવામાં આવ્યો છે. 1 જૂનથી દિલ્હીમાં કોમર્શિયલ ગેસ સિલિન્ડર 69.50 રૂપિયા, કોલકાતામાં 72 રૂપિયા, મુંબઈમાં 69.50 રૂપિયા અને ચેન્નાઈમાં 70.50 રૂપિયા સસ્તું થયું છે.

છેલ્લા ત્રણ મહિનાથી ભાવમાં ઘટાડો થઈ રહ્યો છે

તમને જણાવી દઈએ કે તેલ કંપનીઓ સતત નફો કરી રહી છે અને એટલા માટે છેલ્લા ત્રણ મહિનાથી સિલિન્ડરની કિંમતો સતત ઘટી રહી છે. 1 મે ​​2024ના રોજ કોમર્શિયલ એલપીજી સિલિન્ડરની કિંમતમાં 19 રૂપિયાનો ઘટાડો કરવામાં આવ્યો હતો. સિલિન્ડરના ભાવમાં સતત ઘટાડો એ આર્થિક પડકારો વચ્ચે ખર્ચ સાથે સંઘર્ષ કરી રહેલા વ્યવસાયો માટે એક પગલું છે.

એપ્રિલમાં 19 કિલોના કોમર્શિયલ સિલિન્ડરની કિંમત 30.50 રૂપિયા ઘટીને 1764.50 રૂપિયા થઈ હતી. સરકાર ઘરોમાં રસોઈ બનાવવા માટે એલપીજી સિલિન્ડરના ઉપયોગને પ્રોત્સાહન આપવા માટે વિવિધ યોજનાઓ અમલમાં મૂકી રહી છે. જેમાં પ્રધાનમંત્રી ઉજ્જવલા યોજના હેઠળ પરિવારોને સબસિડી આપવામાં આવે છે.

કોંગ્રેસની આગેવાનીમાં વિપક્ષ તેલ અને એલપીજીના ભાવ વધારા સામે સતત વિરોધ પ્રદર્શન કરી રહ્યું છે. વિપક્ષી નેતાઓ તેમના નિવેદનો દ્વારા કેન્દ્રની ભાજપ સરકાર પર મોંઘવારી કાબૂમાં ન હોવાનો આરોપ લગાવી રહ્યા છે.

આ પણ વાંચોઃ- Vivo X Fold 3 Pro Launch: ભારતનો પ્રથમ મેડ ઈન ઈન્ડિયા ફોલ્ડેબલ ફોન ટુંક સમયમાં લોન્ચ થશે, જાણો તારીખ અને ફીચર્સ

જોકે, કોમર્શિયલ એલપીજી સિલિન્ડરની કિંમતમાં ઘટાડાનું ચોક્કસ કારણ જાણી શકાયું નથી. આંતરરાષ્ટ્રીય તેલના ભાવમાં વધઘટ, ટેક્સ પોલિસીમાં ફેરફાર અને માંગ આના મુખ્ય કારણો હોવાનું કહેવાય છે. કોમર્શિયલ અને ડોમેસ્ટિક એલપીજી સિલિન્ડરની કિંમતોમાં સુધારો સામાન્ય રીતે દર મહિનાના પ્રથમ દિવસે થાય છે.

આ પણ વાંચોઃ- World Milk Day 2024 : દર વર્ષે કેમ મનાવવામાં આવે છે વર્લ્ડ મિલ્ક ડે, જાણો ઇતિહાસ અને મહત્વ

આ નિયમો 1લી જૂનથી બદલાઈ રહ્યા છે

તમને જણાવી દઈએ કે 1 જૂનથી નવા પરિવહન નિયમો લાગુ થઈ રહ્યા છે. હવે ડ્રાઇવિંગ લાઇસન્સ મેળવવા માટે આરટીઓમાં જ ટેસ્ટ આપવો ફરજિયાત રહેશે નહીં. આવી સ્થિતિમાં હવે ડ્રાઇવિંગ લાયસન્સ ટેસ્ટ પાસ કરવાની પ્રક્રિયા વધુ સરળ થવાની આશા છે. 1 જૂનથી, તમે સરકાર દ્વારા માન્યતા પ્રાપ્ત ખાનગી સંસ્થાઓમાં પણ ડ્રાઇવિંગ ટેસ્ટ આપી શકો છો. આ સાથે, ડ્રાઇવિંગ લાયસન્સની પરીક્ષા આપવા માટે આરટીઓની મુલાકાત લેવાની જરૂર રહેશે નહીં.