OnePlus Pad Lite Tablet Price in India: OnePlus એ એક મોટું પગલું ભર્યું છે અને સસ્તા ટેબ્લેટ સેગમેન્ટમાં પ્રવેશ કર્યો છે. કંપનીએ OnePlus Pad Lite લોન્ચ કર્યું છે, જેની કિંમત સસ્તા સ્માર્ટફોન જેટલી છે.આ ટેબલેટ 12999 રૂપિયાની શરૂઆતની કિંમતે ખરીદી શકાય છે. OnePlus Pad Lite માં 11 ઇંચ ડિસ્પ્લે, 9340 mAh બેટરી જેવી મુખ્ય સુવિધાઓ છે.
આ સસ્તા ટેબ્લેટ અંગે કંપનીએ કહ્યું છે કે તેને દૈનિક જરૂરિયાતોને ધ્યાનમાં રાખીને ડિઝાઇન કરવામાં આવ્યું છે. તેની જાડાઈ 7.39mm અને વજન 530 ગ્રામ છે. ચાલો OnePlus Pad Lite ની કિંમત અને મુખ્ય સુવિધાઓ વિશે વિગતવાર જાણીએ.
ભારતમાં OnePlus Pad Lite ની કિંમત
OnePlus Pad Lite એરો બ્લુ ફિનિશમાં લાવવામાં આવ્યું છે. તેના 6GB RAM અને 128GB (Wi-Fi) મોડેલની કિંમત 12999 રૂપિયા છે. 8GB RAM અને 128GB સ્ટોરેજ મોડેલ (Wi-Fi + 4G LTE) 14,999 રૂપિયાની અસરકારક કિંમતે મેળવી શકાય છે. આ કિંમતમાં 2,000 અને 1,000 રૂપિયાના ઇન્સ્ટન્ટ બેંક ડિસ્કાઉન્ટનો પણ સમાવેશ થાય છે. OnePlus Pad Lite 1 ઓગસ્ટના રોજ બપોરે 12 વાગ્યે એમેઝોન, ફ્લિપકાર્ટ જેવી બધી મુખ્ય ઓનલાઈન વેબસાઇટ્સ પર વેચાણ માટે ઉપલબ્ધ થશે.
OnePlus Pad Lite કિંમત સુવિધાઓ, સ્પેશિફિકેશન
OnePlus Pad Lite માં 11-ઇંચ LCD ડિસ્પ્લે છે. તે 90 Hz નો રિફ્રેશ રેટ, 500 nits ની બ્રાઇટનેસ આપે છે. સ્ક્રીન ટુ બોડી રેશિયો 85.3 ટકા છે, જેનો અર્થ છે કે બેઝલ્સ થોડા જાડા હોઈ શકે છે. ડિસ્પ્લેનું રિઝોલ્યુશન 1920 x 1200 પિક્સેલ છે. OnePlus Pad Lite માં ક્વાડ સ્પીકર્સ આપવામાં આવ્યા છે, જે Hi-Res Audio પ્રમાણિત છે.
OnePlus Pad Lite માં 9340 mAh બેટરી છે, જે 33 વોટ SuperVOOC ચાર્જિંગને સપોર્ટ કરે છે. ચાર્જિંગ માટે ટેબમાં ટાઇપ-C પોર્ટ આપવામાં આવ્યો છે. 6 અને 8 GB RAM વિકલ્પોમાં આવતા નવા OnePlus Tab, MediaTek Helio G100 ચિપસેટ દ્વારા સંચાલિત છે. OxygenOS 15.0.1 પર ચાલે છે. આ ટેબ્લેટમાં 5-5 મેગાપિક્સલનો ફ્રન્ટ અને રીઅર કેમેરા છે, જે વીડિયો કોલ કરવા માટે ઉપયોગી થશે.
આ પણ વાંચોઃ- Apple Foldable iphone: એપલના ફોલ્ડેબલ સ્માર્ટફોનની કિંમત થઈ લીક, જાણો ક્યારે થશે લોંચ અને કેવા મળશે ફીચર્સ?
ઓનલાઈન અભ્યાસ કે ઓફિસ મીટિંગમાં હાજરી આપવા માટે તમારે ટેબની જરૂર તો આ ટેબ ફેસ અનલોક સપોર્ટ સાથે આવે છે. નોંધનીય છે કે કંપની બોક્સમાં ટેબ સાથે ટાઇપ C કેબલ, 15 વોટનો સુપર VOOC પાવર એડેપ્ટર જેવી આવશ્યક વસ્તુઓ પૂરી પાડી રહી છે. એ પણ ધ્યાનમાં રાખવું જોઈએ કે કંપની દ્વારા જણાવવામાં આવેલી કિંમત કાર્ડ ડિસ્કાઉન્ટ સાથે છે. જો તમે કાર્ડ ડિસ્કાઉન્ટનો લાભ લઈ શકતા નથી, તો તમારે વધુ પૈસા ચૂકવવા પડી શકે છે.
