Share Market News Highlight: સેન્સેક્સમાં 690 પોઇન્ટનો કડાકો, રોકાણકારોને 3.50 લાખ કરોડનું નુકસાન

સેન્સેક્સ નિફ્ટીમાં કડાકાથી શુક્રવારે શેરબજારના રોકાણકારોને 3.50 લાખ કરોડ રૂપિયાનું નુકસાન થયું છે. શુક્રવારે બોમ્બે સ્ટોક એક્સચેન્જ પર લિસ્ટેડ તમામ કંપનીઓની કુલ માર્કેટકેપ 456.59 લાખ કરોર રૂપિયા થઇ હતી. જ્યારે ગુરુવારે બીએસઇ માર્કેટકેપ 460.18 લાખ રૂપિયા થઇ હતી. શુક્રવારે બીએસઇ 1551 શેર વધીને જ્યારે 2453 શેર ઘટીને બંધ રહેતા માર્કેટ બ્રેડ્થ નેગેટિવ થઇ હતી.

શેરબજારમાં આઈટી શેરમાં ભારે વેચવાલીથી નિફ્ટી આઈટી ઈન્ડેક્સ 683 તૂટ્યો હતો. અપેક્ષા કરતા નબળાં પરિણામ બાદ ટીસીએસ 3.5 ટકા ઘટી 3265 બંધ થઇ સેન્સેક્સનો ટોપ લૂઝર સ્ટોક બન્યો હતો. સેન્સેક્સના 30 માંથી 22 બ્લુચીપ સ્ટોક ઘટીને બંધ થયા હતા. જેમા મહિન્દ્રા મહિન્દ્રા 2.7 ટકા, ભારતી એરટેલ 2.2 ટકા, ટાટા મોટર્સ 2 ટકા અને ટાયટન 1.7 ટકા તૂટ્યો છે. તો બીજી બાજુ એચયુએલ 4.6 ટકા, એક્સિસ બેંક, સન ફાર્મા, એનટીપીસી અને ઝોમેટો શેર અડધા ટકા આસપાસ વધ્યા હતા.

શેરબજાર સેન્સેક્સ નિફ્ટી સતત બીજા દિવસે ઘટીને બંધ થયા હતા. આઈટી અને ડિફેન્સ સ્ટોકમાં વેચવાલીના દબાણથી સેન્સેક્સ 689.91 પોઇન્ટ ઘટી 82500 બંધ થયો હતો. એનએસઇ નિફ્ટી 205 પોઇન્ટ ઘટી 25149 બંધ થયો છે. સેશન દરમિયાન સેન્સેક્સ 82,442 અને નિફ્ટી 25,129 ઇન્ટ્રા ડે તળિયે પહોંચ્યો હતો. ટીસીએસ, ઇન્ફોસિસ સહિતના બ્લુચીપ આઈટી શેરમાં વેચવાલીથી આઈટી નિફ્ટી ઈન્ડેક્સ 683 પોઇન્ટ અને બેંક નિફ્ટી 201 પોઇન્ટ તૂટ્યો હતો.

આઈટી શેરમાં વેચવાલીથી શેરબજાર 500 પોઇન્ટથી વધુ તૂટ્યો છે. સેન્સેક્સ 560 પોઇન્ટ ઘટી 82600 લેવલ નીચે ટ્રેડ કરી રહ્યો છે. નિફ્ટી 150 પોઇન્ટથી વધુ તૂટી 25200 લેવલ નીચે ટ્રેડિંગ કરી રહ્યો છે. ટીસીએસ કંપનીના જૂન ક્વાર્ટરના અપેક્ષા કરતા નબળાં પરિણામથી માર્કેટ સેન્ટિમેન્ટ ખરડાયું છે. ટીસીએસ, ઇન્ફોસિસ સહિત બ્લુચીપ આઈટી સ્ટોકમાં ભારે વેચવાલથી આઈટી ઇન્ડેક્સ 1.5 ટકાથી વધુ તૂટ્યો છે. નિફ્ટી આઈટી ઇન્ડેક્સ 600 પોઇન્ટથી વધુ એટલે કે 1.6 ટકા તૂટ્યો છે. બેંક નિફ્ટી પણ 260 પોઇન્ટ ઘટીને ટ્રેડ કરી રહ્યો છે.

ટીસીએસ કંપનીના જૂન ક્વાર્ટરના પરિણામ અપેક્ષા કરતા નબળાં આવ્યા છે, જેના કારણે શેર તૂટ્યો છે. શુક્રવારે ટીસીએસ શેર 1.75 ટકા ઘટી 3323 રૂપિયા બોલાયો છે, આ સાથે સેન્સેક્સનો ટોપ લૂઝર શેર બન્યો છે. જૂન્ ક્વાર્ટરમાં ટીસીએસનો ચોખ્ખો નફો વાર્ષિક ધોરણે 6 ટકા વધી 12760 રૂપિયા થયો છે. આવક 1.3 ટકા વધી 63437 રૂપિયા થયો છે. જ્યારે માર્કેટ એક્સપર્ટ્સને 64636 રૂપિયાની આવક થવાની અપેક્ષા હતી. કંપનીએ 1 રૂપિયાની ફેસ વેલ્યૂવાળા શેર માટે 11 રૂપિયા વચગાળાનું ડિવિડન્ડ જાહેર કર્યું છે.

શુક્રવાર સેન્સેક્સ નિફ્ટી ફરી બ્લેક ફ્રાઇડે બની રહ્યો હતો. સેન્સેક્સ પાછલા બંધ 83190 સામે શુક્રવારે 370 પોઇન્ટ ઘટીને 82820 ખુલ્યો હતો. ઓપનિંગ સેશનમાં સેન્સેક્સ 400 પોઇન્ટ ઘટી 82791 થયો હતો. એનએસઇ નિફ્ટી પાછલા બંધ 25355 સામે 100 પોઇન્ટ ઘટી આજે 25255 ખુલ્યો હતો અને નીચામાં 25244 સુધી ઘટ્યો હતો.