Share Market News: IT શેરમાં ભારે વેચવાલીથી સેન્સેક્સ 375 ઘટ્યો, નિફ્ટી IT ઇન્ડેક્સ 522 પોઇન્ટ તૂટ્યો

ગુરુવારે બીએસઇ પર લિસ્ટેડ તમામ કંપનીઓની કુલ માર્કેટકેપ 460.87 લાખ કરોડ રૂપિયા થઇ હતી. જ્યારે બુધવારે માર્કેટકેપ 461.16 લાખ કરોડ રૂપિયા રહી હતી. આમ ગુરુવારે શેરબજારના રોકાણકારોને 50 હજાર કરોડ રૂપિયાનું નુકસાન થયું છે. બીએસઇ પર 2007 શેર વધીને અને 2049 ઘટીને બંધ થતા માર્કેટ બ્રેડ્થ ન્યુટ્રલ રહી હતી.

સેન્સેક્સના 30માંથી 23 બ્લુચીપ શેર ઘટીને બંધ થયા હતા. જેમા ટેક મહિન્દ્રા 2.7 ટકા, ઇન્ફોસિસ 1.6 ટકા, એચસીએલ ટેક 1.2 ટકા, ઝોમેટો અને લાર્સન 1 ટકા આસપાસ ઘટ્યા હતા. તો બીજી બાજુ ટાટા સ્ટીલ, ટ્રેન્ટ, ટાયટન, ટાટા મોટર્સ અને અલ્ટ્રાટેક સિમેન્ટના શેર અડધા થી 1.5 ટકા જેટલા વધ્યા હતા. બોર્ડર માર્કેટમાં લેવાલી રહેતા મિડકેપ અને સ્મોલકેપ મજબૂત હતા.

શેરબજાર સાંકડી વઘઘટ બાદ ગુરુવારે ઘટીને બંધ થયા હતા. જેમા સેન્સેક્સ 375 પોઇન્ટ ઘટી 82259 અને નિફ્ટી 100 પોઇન્ટ ઘટી 25111 બંધ થયો હતો. સેશન દરમિયાન સેન્સેક્સ 82757 થી 82219 અને નિફ્ટી 25238 થી 25101 રેન્જમાં અથડાયા હતા. આઈટી અને ટેક શેરમાં ભારે વેચવલાથી માર્કેટ અંડર પ્રેશર રહેતા શેરબજારની માર્કેટ બ્રેડ્થ તટસ્થ રહી હતી. ટેક મહિન્દ્રા 2.7 ટકા ઘટી સેન્સેક્સનો ટોપ લૂઝર શેર રહ્યો હતો.

Reliance Power And Reliance Infrastructure Fundrise: અનિલ અંબાણી અને તેની કંપનીઓ છેલ્લા ઘણા સમયથી મુશ્કેલીઓ સામનો કરી રહી છે. જો કે હવે પરિસ્થિતિ સુધરી રહી છે. તેમની બે કંપનીઓએ 9000 – 9000 કરોડ રૂપિયા ઊભા કરવાનો નિર્ણય કર્યો છે. …સંપૂર્ણ માહિતી

ગ્લોબલ બ્રોકરેજ ફર્મ સિટી ગ્રૂપે ભારતીય શેરબજારનું રેટિંગ ઓવરવેટ થી ઘટાડીને ન્યૂ્ટ્રલ કર્યું છે. ભારતીય બજારનું રેટિંગ ઘટાડવાનું કારણે શેરની ઉંચી વેલ્યૂએશન માનવામાં આવે છે. બ્રોકરેજ ફર્મે ગુરુવારે જારી કરેલા એક રિપોર્ટમાં આ માહિતી આપી છે. તો બીજી બાજુ ચીન અને દક્ષિણ કોરિયન માર્કેટનું રેટિંગ સુધાર્યું છે અને ઇમર્જિંગ માર્કેટ્સ (EM) ને ઓવરવેટ કેટેગરીમાં મૂક્યા છે.

શેરબજારમાં કોન્સોલિડેશન મોડ વચ્ચે સેન્સેક્સ નિફટી ઘટ્યા છે. સેન્સેક્સ 200 પોઇન્ટથી વધુ તૂટી 82,397 સુધી ગયો હતો. તો એનએસઇ નિફ્ટી 50 પોઇન્ટના ઘટાડે 25170 નીચે ટ્રેડ કરી રહ્યો છે. આજે બેંક અને આઈટી શેરમાં ભારે વેચવાલી હતી. બેંક નિફ્ટી 300 પોઇન્ટ અને નિફ્ટી આઈટી ઇન્ડેક્સ 425 પોઇન્ટ ઘટીને ટ્રેડ કરી રહ્યા છે.

સેન્સેક્સ પાછલા બંધ 82634 સામે 120 પોઇન્ટ વધીને આજે 82753 ખુલ્યો હતો. જો કે ટેક મહિન્દ્રા અને ઇન્ફોસિસ સહિતના બ્લુચિપ સ્ટોકમાં ઘટાડાથી માર્કેટમાં આરંભિત સુધારો ટકી શક્યો નહીં અને સેન્સેક્સ નેગેટિવ ઝોનમાં આવો ગયો હતો. એનએસઇ નિફ્ટી પાછલા બંધ 25,212 સામે આજે 25,230 ખુલ્યો હતો. સેન્સેક્સ 70 પોઇન્ટ અને નિફ્ટી 24 પોઇન્ટના ઘટાડે ટ્રેડ કરી રહ્યા છે.