Share Market News: GST રિફોર્મ્સથી શેરબજાર જોશમાં, સેન્સેક્સ 676 પોઇન્ટ ઉછળ્યો, રોકાણકારો 6 લાખ કરોડ કમાયા

શેરબજારમાં તેજીથી રોકાણકારોને 6 લાખ કરોડ રૂપિયાની કમાણી થઇ હતી. સોમવારે બીએસઇ પર લિસ્ટેડ તમામ કંપનીઓની કુલ માર્કેટકેપ 450.96 લાખ કરોડ રૂપિયા થઇ હતી, જે અગાઉ 444.78 લાખ કરોડ રૂપિયા થઇ હતી. બીએસઇ 2562 શેર વધીને જ્યારે 1627 શેર ઘટીને બંધ થતા માર્કેટ બ્રેડ્થ પોઝિટિવ થઇ હતી.

જીએસટી ઘટવાની અપેક્ષાએ ઓટો કંપનીઓના શેર વધ્યા હતા. સેન્સેક્સના 30 માંથી 20 બ્લુચીપ શેર વધ્યા હતા. જેમા મારૂતિ 9 ટકા, બજાજ ફાઈના 5 ટકા, અલ્ટ્રાટેક સિમેન્ટ 3.7 ટકા, બજાજા ફિનસર્વ 3.8 ટકા અને મહિન્દ્રા 3.5 ટકા વધી સેન્સેક્સના ટોપ 5 ગેઇનર શેર બન્યા હતા. એનએસઇ નિફ્ટી 50 ઇન્ડેક્સના 38 શેર વધીને બંધ થયા હતા.

શેરબજારમાં સોમવારે મોટા ઉછાળે ખુલવાની સાથે સેન્સેક્સ નિફ્ટી પોઝિટિવ ઝોનમાં બંધ થયા હતા. સોમવારે સેન્સેક્સ 676 પોઇન્ટ વધી 81,273 બંધ થયો છે. ઇન્ટ્રા-ડેમાં સેન્સેક્સ 1100 પોઇન્ટથી વધુ ઉછળી 81765 ટોચે પહોંચ્યો હતો. તો એનએસઇ નિફ્ટી 245 પોઇન્ટ વધી 24877 બંધ થયો છે. પીએમ નરેન્દ્ર મોદી દ્વારા જીએસટી રિફોર્મ્સના ઘોષણા બાદ શેરબજારમાં તેજી આવી છે. ઓટો, કેપિટલ ગુડ્સ અને કન્ઝ્યુમર ડ્યુરેબલ્સ શેર નોંધપાત્ર વધ્યા છે.

એએનબી મેટલ કાસ્ટ કંપનીનું શેર લિસ્ટિંગ ધમાકેદાર થયું છે. એએનબી મેટલ કાસ્ટ કંપનીનો શેર 156 રૂપિયાની ઇશ્યુ પ્રાઇસ સામે આજે NSE SME પર 164 રૂપિયાના ભાવે લિસ્ટેડ થયો છે. એટલે કે શેર 5.13 ટકા પ્રીમિયમે લિસ્ટેડ થયો છે. લિસ્ટિંગ બાદ શેર તેજીની સર્કિટમાં ઉછળીને 172 રૂપિયા સુધી પહોંચ્યો હતો. આમ રોકાણકારોને શેર લિસ્ટિંગના પ્રથમ દિવસે જ 10.38 ટક રિટર્ન મળ્યું છે.

Car Bike May Cheaper Before Diwali : દિવાળી પહેલા બાઇક, કાર જેવા પેસેન્જર વ્હીકલ સસ્તા થઇ શકે છે. હાલ આ વાહનો પર 28 ટકા જીએસટી અને સેસ વસૂલવામાં આવે છે. ટુંક સમયમાં સરકાર જીએસટી દરમાં સંશોધન કરી ઓટો સેક્ટરને બુસ્ટર ડોઝ આપી શકે છે. …વધુ માહિતી

IPO Open And Share Listing This Week : 18 ઓગસ્ટથી થયેલા અઠવાડિયામાં નવા 8 આઈપીઓ ખુલશે, જેમા 5 મેઇનબોર્ડ સેગમેન્ટના છે. ઉપરાંત શેરબજારમાં 6 કંપનીઓના શેર લિસ્ટિંગ થવાના છે. …સંપૂર્ણ વાંચો

બીએસઇ કન્ઝ્યુમર ડ્યુરેબલ્સ ઇન્ડેક્સ 1350 પોઇન્ટ ઉછળ્યી 60,531 લેવલ પર ટ્રેડ કરી રહ્યો છે. કલ્યાણ જ્વેલર્સને બાદ કરતા કન્ઝ્યુમર ડ્યુરેબલ્સ ઇન્ડેક્સના તમામ 12 શેર વધ્યા હતા. જેમાં બ્લુસ્ટાર 7.5 ટકા, પીજીઇએલ 7.2 ટકા, વોલ્ટાસ 6.2 ટકા, વ્હર્લપુલ, હેવેલ્સ, ડિક્સન, બાટા ઈન્ડિયા, ક્રોપ્ટન, બર્ગર પેઇન્ટ, એશિયન પેઇન્ટના શેર 5 થી અડધા ટકા સુધી વધ્યા હતા.

આજે શેરબજારમાં ઉછાળા પાછળ ઓટો શેરમાં તેજી જવાબદાર છે. બીએસઇ ઓટો ઇન્ડેક્સ પાછલા બંધ 53937 લેવલથી મોટા ઉછાળે સોમવારે 55117 ખુલ્યો હતો. ઓટો શેરમાં તેજીથી ઓટો ઇન્ડેક્સ 2000 પોઇન્ટ જેટલો ઉછળી 56000 લેવલ કુદાવી ગયો હતો. ઓટો ઇન્ડેક્સ તમામ 20 શેર વધ્યા હતા. શેરબજારના શરૂઆતના સેશનમાં હીરો મોટો 7.5 ટકા, હ્યુન્ડાઇ 7 ટકા, મારૂતિ 7 ટકા, અશોક લેલેન્ડ 6.5 ટકા, ટીવીએસ મોટર્સ 6.2 ટકા, બજાજ ઓટો 4.5 ટકા, મહિન્દ્રા મહિન્દ્રા 4 ટકા વધ્યા હતા.

શેરબજારમાં નવા સપ્તાહના પ્રથમ દિવસે સેન્સેક્સ નિફ્ટી મોટા ઉછાળે ખુલ્યા હતા. સેન્સેક્સ પાછલા બંધ 80597 સામે સોમવારે 718 પોઇન્ટ ઉછળી 81315 ખુલ્યો હતો. ઓટો અને ફાઈનાન્સ શેરમાં તેજીથી સેન્સેક્સ ઓપનિંગ સેશનમાં જ 100 પોઇન્ટથી વધુ ઉછળી 81619 ટોચે પહોંચ્યો હતો. તો એનએસઇ નિફ્ટી પાછલા બંધ 24631 સામે મોટા ઉછાળે સોમવારે 24938 ખુલ્યો હતો.