Share Market News: RBI રેટ કટ બાદ સેન્સેક્સ 447 પોઇન્ટ વધ્યો, બેંક શેરમાં તેજી

મિડકેપ 95 પોઇન્ટ વધ્યો હતો જ્યારે સ્મોલકેપ 345 પોઇન્ટ ઘટ્યો હતો. આરબીઆઈ દ્વાર રેટ કટ બાદ બેંક શેરમાં તેજી આવતા બીએસઇ બેંકેક્સ 571 પોઇન્ટ ઉછળ્યો હતો. કેપિટલ ગુડ્સ 285 પોઇન્ટ ઘટ્યો હતો. બીએસઇ માર્કેટકેટ 470.96 લાખ કરોડ રૂપિયા થઇ હતી.

સેન્સેક્સના 30 બ્લુચીપ શેર માંથી 7 શેર ઘટીને બંધ થયા હતા. સૌથી વધુ વધીને બંધ થયેલા ટોચના 5 શેરમાં એસબીઆઈ અઢી ટકા, બજાજ ફિનસર્વ સવા બે ટકા, બજાજ ફાઈનાન્સ 1.9 ટકા, મારૂતિ સુઝુકી 1.7 ટકા અને એચસીએલ ટેક 1.7 ટકા વધ્યા હતા. તો ટોપ 5 લુઝર શેરમાં એચયુએલ 3.5 ટકા, ઇટરનલ 1.1 ટકા, ટીએમપીવી, સન ફાર્મા અને ટ્રેન્ટ 1 ટકા આસપાસ ઘટ્યા હતા.

શેરબજાર સૂચકાંક સેન્સેક્સ નિફટી સતત બીજા દિવસે વધીને બંધ થયા છે. આરબીઆઈ દ્વારા રેપો રેટ ઘટાડ્યા બાદ શેરબજારનું સેન્ટિમેન્ટ સુધર્યું છે. સેન્સેક્સ 447 પોઇન્ટ વધીને 85712 અને નિફ્ટી 152 પોઇન્ટ વધી 26186 બંધ થયા હતા.

DGCA Withdraws Weekly Rest Rules To Indigo : ઈન્ડિગો એરલાઈન્સને રાહત આપતા DGCA એ સાપ્તાહિક આરામનો નિયમ પાછો ખેંચ્યો છે. નવા નિયમના કારણે ઈન્ડિગોની ઘણી ફ્લાઇટ મોડી થઇ છે અથવા કેન્સલ કરવાની ફરજિયાત પડી છે. …વધુ માહિતી

આરબીઆઈ દ્વારા રેપો કેટ બાદ શેરબજારમાં ઉછાળો આવ્યો છે. સેન્સેક્સ 450 પોઇન્ટથી વધુ ઉછળ્યો છે અને 85720 લેવલ ઉપર ટ્રેડિંગ કરી રહ્યો છે. એનએસઇ નિફ્ટી 150 પોઇન્ટ સુધર્યો છે અને 26200 લેવલ ઉપર મજબૂત છે. બેંક નિફ્ટી 450 પોઇન્ટ અને નિફ્ટી આઈટી ઇન્ડેક્સ 430 પોઇન્ટ ઉછળ્યો છે.

રિઝર્વ બેંક ગવર્નર સંજય મલ્હોત્રાએ આરબીઆઈ મોનેટરી પોલિસીની ઘોષણા કરી છે, જેમા રેપો રેટ 0.25 ટકા ઘટાડી 5.25 ટકા કર્યો છે. રેપો રેટ ઘટવાથી નવી હોમ લોન સસ્તી થશે. ઉપરાંત જુની હોમ લોન સહિત વિવિધ લોનના EMI પણ ઘટશે.

આજે આરબીઆઈ મોનેટરી પોલિસી 10 વાગે જાહેર થવાની છે. રિઝર્વ બેંક રેપો રેટ ઘટાડે છે કે નહીં તેના પર સૌની નજર છે. ત્રણ દિવસની આરબીઆઈ મોનેટરી પોલિસી મિટિંગ 3 ડિસેમ્બરે શરૂ થઇ હતી. આ બેઠકમાં લેવાયેલા નિર્ણયોની ઘોષણા આજે આરબીઆઈ ગવર્નર સંજય મલ્હોત્રા 10 વાગે કરશે. વધુ વાંચવા અહીં ક્લિક કરો

એશિયન બજારોમાં એકંદરે નરમાઇ હતી. જાપાન શેરબજાર સૂચકાંક નિક્કેઇ 25 ઇન્ડેક્સમાં 750 પોઇન્ટથી વધુ કડાકો બોલાયો હતો. ભારતનો ગિફ્ટ નિફ્ટી ઇન્ડેક્સ, હોંગકોંગ અને સિંગાપોર શેરબજાર પણ સાધારણ નરમ હતા. તો તાઇવાન, કોરિયા, ઈન્ડોનેશિયા અને શાંઘાઇ શેરબજાર સાધારણ વધીને ટ્રેડિંગ કરી રહ્યા હતા.

આરબીઆઈ ધિરાણનીતિની ઘોષણ પહેલા શેરબજાર સૂચકાંક સેન્સેક્સ નિફ્ટી ઘટાડે ખુલ્યા બાદ ફ્લેટ ટ્રેડિંગ કરી રહ્યા છે. સેન્સેક્સ પાછલા બંધ 85,265 લેવલથી 115 પોઇન્ટના ઘટાડે આજે 85,125 ખુલ્યો હતો. એનએસઇ નિફ્ટી પાછલા બંધ 26,033 લેવલથી 34 પોઇન્ટ ઘટી આજે 25,999 ખુલ્યો હતો.