Share Market News: સેન્સેક્સ 370 પોઇન્ટ વધ્યો, સ્મોલકેપ અને મિડકેપમાં ઉછાળો

શેરબજારમાં તેજીથી રોકાણકારોને કમાણી થઇ હતી. મંગળવારે બીએસઇની માર્કેટકેપ વધીને 454.40 લાખ કરોડ રૂપિયા થઇ હતી. જ્યારે આગલા દિવસે બીએસઇની માર્કેટકેપ 450.96 લાખ કરોડ રૂપિયા થઇ હતી. બીએસઇ પર 2631 શેર વધીને જ્યારે 1437 શેર ઘટીને બંધ થતા માર્કેટ બ્રેડ્થ પોઝિટિવ થઇ હતી.

ચલણ શેરોમાં તેજીના પગલે સ્મોલકેપ અને મિડકેપ જબરદસ્ત ઉછળ્યા હતા. બીએસઇ સ્મોલકેપ 510 પોઇન્ટ અને મિડકેપ ઇન્ડેક્સ 440 પોઇન્ટ ઉછળ્યા હતા. ઓટો શેરમાં તેજી યથાવત રહેતા બીએસઇ ઓટો ઇન્ડેક્સ સૌથી વધુ 817 પોઇન્ટ વધ્ય હતો. પોઝિટિવ સેન્ટિમેન્ટ વચ્ચે શેરબજારના તમામ સેક્ટોરિયલ ઇન્ડેક્સ વધીને બંધ થયા હતા.

મંગળવારે સેન્સેક્સના 30 માંથી 19 બ્લુચીપ શેર વધ્યા હતા. જેમા ટાટા મોટર્સ 3.5 ટકા, અદાણી 3.2 ટકા, રિલાયન્સ 2.8 ટકા, ઇટરનલ 2.2 ટકા અને ટેક મહિન્દ્રા 1.7 ટકા વધીને સેન્સેક્સના ટોપ 5 ગેઇનર શેર બન્યા હતા. તો બીઇએલ, એચસીએલ ટેક, મહિન્દ્રા, પાવર ગ્રીડ અે બજાજ ફિનસર્વ કંપનીના શેર અડધાથી 1 ટકા સુધી ઘટ્યા હતા.

શેરબજારમાં સતત બીજા દિવસે આગેકૂચ ચાલુ રહેતા સેન્સેક્સ નિફ્ટી વધીને બંધ થયા હતા. સેન્સેક્સ 370 પોઇન્ટ વધી 81644 બંધ થયો છે. તો એનએસઇ નિફ્ટી 104 પોઇન્ટ વધીને 24980 બંધ થયો છે. જો કે નિફ્ટી ઇન્ટ્રા-ડેમાં 25000 લેવલ કુદાવી ગયો હતો. જો કે ત્યારબાદ વેચવાલીના દબાણથી માર્કેટ ઉંચા સ્તરેથી ઘટ્યું હતું.

Reliance Industries Acquires Stake In Naturedge Beverages: મુકેશ અંબાણીની રિલાયન્સ ઇન્ડસ્ટ્રીઝે નેચરએજ બેવરેજીસ કંપનીમાં બહુમતી હિસ્સો ખરીદ્યો છે. આ બિઝનેસ ડીલ બાદ રિલાયન્સનો શેર 2.5 ટકા ઉછળ્યો છે. …વધુ માહિતી

શેરબજારમાં સતત બીજા દિવસે આગેકૂચ ચાલુ રહેતા સેન્સેક્સ નિફ્ટી વધ્યા હતા. સેન્સેક્સ 450 પોઇન્ટથી વધુ ઉછળ્યો અને 81,756 સુધી પહોંચ્યો હતો. તો એનએસઇ નિફ્ટી 140 પોઇન્ટ જેટલો વધી 25000 લેવલ કુદાવી ગયો હતો, જો કે બપોર પછી નિફ્ટી 25000 નીચે ટ્રેડ કરી રહ્યો હતો. ટાટા મોટર્સ, રિલાયન્સ, અદાણી પોર્ટ્સના શેર 2 થી 4 ટકા જેટલા વધ્યા હતા.

OpenAI India plan : OpenAI એ આજે (19 ઓગસ્ટ 2025) ભારતમાં ChatGPT Go નામનો નવો સબ્સ્ક્રિપ્શન પ્લાન લોન્ચ કર્યો છે. તેની કિંમત 399 રૂપિયા પ્રતિ માસ રાખવામાં આવી છે. …સંપૂર્ણ વાંચો

મંગળવારે એશિયન શેરબજારો નરમ હતા. સિંગાપોર શેરબજાર અને શાંઘાઇ માર્કેટને બાદ કરતા તમામ એશિયન માર્કેટ નરમ હતા. ગિફ્ટ નિફ્ટી ઇન્ડેક્સ પણ ફ્લેટ ટ્રેડ કરી રહ્યો હતો.

શેરબજાર મંગળવારે ફ્લેટ ખુલ્યા બાદ વધ્યા હતા. સેન્સેક્સ પાછલા બંધ 81273 સામે આજે 81319 ખુલ્યો હતો. એનએસઇ નિફ્ટી પાછલા બંધ 24876 સામે મંગળવારે 24891 ખુલ્યો હતો. ઓપનિંગ સેશનમાં રિલાયન્સ, એનટીપીસી, અદાણી પોર્ટ્સ્, ભારતી એરટેલ અને ટ્રેન્ટ શેર અડધાથી દોઢ ટકા જેટલા મજબૂત હતા.