Share Market News: સેન્સેક્સ નિફ્ટી સાધારણ વધીને બંધ, ગુરુવારે એક્સિસ બેંક, વિપ્રો અને Jio પરિણામ જાહેર કરશે

બુધવારે આઈટી અને બેંક શેર રિકવર થયા હતા. બેંક નિફ્ટી 162 પોઇન્ટ અને નિફ્ટી આઈટી 236 પોઇન્ટ વધીને બંધ થયા છે. સેન્સેક્સના 15 શેર વધ્યા હતા અને 15 શેર ઘટ્યા હતા. સેન્સેક્સના ટોપ 5 ગેઇનર સ્ટોકમાં મહિન્દ્રા 2.1 ટકા, ટેક મહિન્દ્રા 2 ટકા, એસબીઆઈ 1.8 ટકા, ઇન્ફોસિસ 1.5 ટકા અને અદાણી પોર્ટ્સ શેર પોણા ટકા વધીને બંધ થયા હતા. તો ઘટેલા શેરમાં ઝોમેટો 1.6 ટકા, સન ફાર્મા 1.5 ટકા, ટાટા સ્ટીક 1.1 ટકા, ટાટા મોટર્સ અને બજાજ ફાઈનાન્સ શેર પોણા ટકા ઘટ્યા હતા. બીએસઇ પર 2338 શેર વધી જ્યારે 1718 શેર ઘટીને બંધ થતા માર્કેટ બ્રેડ્થ પોઝિટિવ રહી હતી. બીએસઇની માર્કેટકેપ 461.16 લાખ કરોડ રૂપિયા થઇ હતી.

કોર્પોરેટ રિઝલ્ટની દ્રષ્ટિએ ગુરુવારનો દિવસ શેરબજાર માટે મહત્વનો રહેશે. ગુરુવારે એક્સિસ બેંક, વિપ્રો અને જિયો ફાઈનાન્સ કંપની જૂન ક્વાર્ટરના નાણાકીય પરિણામો જાહેર કરવાની છે. પરિણામ પહેલા વિપ્રોનો શેર 2 ટકા અને એક્સિસ બેંકનો શેર સાધારણ વધીને બંધ થયા હતા. જ્યારે જિયો ફાઈનાન્સ સર્વિસીસનો શેર અડધો ટકા ઘટ્યો હતો.

શેરબજારમાં રેન્જ બાઉન્ડ ટ્રેડિંગ બાદ સેન્સેક્સ નિફ્ટી સાધારણ વધી પોઝિટિવ ઝોનમાં બંધ થયા છે. સેન્સેક્સ 63 પોઇન્ટ વધી 82,634 બંધ થયો છે. તો એનએસઇ નિફ્ટી 16 પોઇન્ટ વધી 25212 બંધ થયો છે. આજે સેશન દરમિયાન સેન્સેક્સ 82342 થી 82784 રેન્જમાં ટ્રેડ થયો હતો. માર્કેટનો અંડર કરંટ નરમ રહેતા મિડકેપ અને સ્મોલકેપ ઇન્ડેક્સ ફ્લેટ બંધ થયા હતા. પીએસયુ બેંક, આઈટી અને ઓટો ઇન્ડેક્સ વધીને બંધ થયા હતા.

આઈટી અને ઓટો શેરમાં રિકવરીથી શેરબજાર બપોર બાદ સુધર્યું છે. સેન્સેક્સ 200 પોઇન્ટ વધી 82760 ઉપર અને નિફ્ટી 45 પોઇન્ટના સુધારે 25240 લેવલ આસપાસ ટ્રેડ કરી રહ્યા છે.

બુધવારે સેન્સેક્સ 36 પોઇન્ટ ઘટી 82534 ખુલ્યો હતો. ઓટો અને બેંક શેરબજારમાં વેચવાલીના દબાણથી સેન્સેક્સ 200 પોઇન્ટ જેટલો ઘટી 82375 સુધી ગયો હતો. મંગળવાર સેન્સેક્સ 82570 બંધ થયો હતો. એનએસઇ નિફ્ટી બુધવારે ફ્લેટ 25196 ખુલ્યો હતો. નિફ્ટી 50 પોઇન્ટ જેટલો ઘટી 25150 આસપાસ ટ્રેડ કરી રહ્યો છે.