Share Market News : શેરબજાર 13 મહિનાની ટોચ પર, નિફ્ટી 26000 ઉપર બંધ, સેન્સેક્સ 369 પોઇન્ટ વધ્યો

શેરબજારમાં સુધારાથી બીએસઇની કુલ માર્કેટકેપ 474.29 લાખ કરોડ રૂપિયા થઇ છે, જે ગઇકાલે 471.11 લાખ કરોડ રૂપિયા થઇ હતી. આમ બુધવારે શેરબજારના રોકાણકારોની સંપત્તિમાં 2.8 લાખ કરોડ રૂપિયાનો વધારો થયો છે. બીએસઇ પર 2482 શેર વધીને જ્યારે 1668 શેર ઘટીને બંધ થતા શેરબજારની માર્કેટ બ્રેડ્થ પોઝિટિવ થઇ હતી.

આજે સેન્સેક્સના 30 માંથી 21 બ્લુચીપ શેર વધ્યા હતા. જેમા અદાણી પોર્ટ્સ 2.8 ટકા, એનટીપીસી 2.8 ટકા, પાવરગ્રીડ 2.6 ટકા, એચસીએલ ટેક 2.4 ટકા અને ટાટા સ્ટીલ 1.8 ટકા વધ્યો હતો. તો સૌથી વધુ ઘટેલા 5 શેરમાં બીઇએલ 1.5 ટકા, ઇટરનલ સવા ટકા, મહિન્દ્રા મહિન્દ્રા 1.2 ટકા, બજાજ ફાઈનાન્સ 1.1 ટકા અને મારૂતિ 1 ટકા ઘટ્યા છે.

ચલણી શેરમાં ખરીદીથી મિડકેપ 319 પોઇન્ટ અને સ્મોલકેપ 302 પોઇન્ટ વધ્યા છે. સેક્ટોરિયલ ઇન્ડેક્સમાં ઓઇલ ગેસ સૌથી વધી 709 પોઇન્ટ અને કેપિટલ ગુડ્સ ઇન્ડેક્સ 700 પોઇન્ટ, મેટલ 588 પોઇન્ટ વધ્યા છે. ઓટો ઇન્ડેક્સમાં 319 પોઇન્ટના ઘટાડાને બાદ કરતા તમામ સેક્ટોરિયલ ઇન્ડેક્સ વધીને બંધ થયા છે.

શેરબજારમાં સુધારો યથાવત રહેતા સેન્સેક્સ નિફ્ટી નોંધપાત્ર વધીને બંધ થયા છે. સેન્સેક્સ 369 પોઇન્ટ વધી 84997 બંધ થયો છે. નિફ્ટી 118 પોઇન્ટની તેજીમાં 26000 લેવલ કુદાવી 26054 બંધ થયો છે. આમ નિફ્ટી 13 મહિનાની સૌથી ઊંચી સપાટી પર બંધ થયો છે. એનએસઇ નિફ્ટીનું રેકોર્ડ હાઇ લેવલ 26,104 છે. આજે ઇન્ટ્રા ડે ટ્રેડિંગમાં નિફ્ટી 26,097 અને સેન્સેક્સ 85,105 સુધી વધ્યા હતા.

શેરબજાર પોઝિટિવ ખુલ્યા બાદ સેન્સેક્સ નિફ્ટીમાં સુધારો યથાવત રહ્યો છે. સેન્સેક્સ 400 પોઇન્ટ વધી 85000 સપાટી કુદાવી ગયા છે. તો એનએસઇ નિફ્ટી 150 પોઇન્ટ વધીને 26000 લેવલ ઉપર ટ્રેડ કરી રહ્યો છે. સેન્સેક્સના એનટીપીસી, અદાણી પોર્ટ્સ, પાવરગ્રીડ, એચસીએલ ટેક અને ટાટા સ્ટીલના શેર 2 ટકા થી સવા 3 ટકા આસપાસ વધ્યા છે. આઈટી શેરમાં તેજીથી નિફ્ટી આઈટી ઇન્ડેક્સ 300 પોઇન્ટ વધ્યો છે.

New Rules Changes November 2025 : 1 નવેમ્બર, 2025થી દેશમાં ઘણા મોટા નિયમોમાં ફેરફાર થવા જઈ રહ્યા છે. આ ફેરફારોની અસર સામાન્ય માણસના ખિસ્સા પર પડી શકે છે. …અહીં વાંચો

OnePlus Ace 6 Price And Features : OnePlus Ace 6 સ્માર્ટફોન 5 વેરિયન્ટમાં લોન્ચ કરવામાં આવ્યો છે.નવા સ્માર્ટફોનમાં સ્નેપડ્રેગન 8 એલિટ ચિપસેટ, ડ્યુઅલ-કેમેરા રીઅર કેમેરા અને 50MP રીઅર કેમેરા જેવા ફીચર્સ છે. કિંમત અને તમામ ફીચર્સ જાણો અહીં …વધુ વાંચો

વૈશ્વિક આર્થિક અસ્થિરતા અને યુએસ ટેરિફની પ્રતિકુળ અસરના લીધે ભારતના ઔદ્યોગિક ઉત્પાદન વૃદ્ધિ પર ખરાબ અસર થઇ રહી છે. MOSPI દ્વારા 28 ઓક્ટોબરે જાહેર કરાયેલા આંકડા મુજબ સપ્ટેમ્બરમાં ઔદ્યોગિક ઉત્પાદનક આંક એટલે કે આઈઆઈપી ગ્રોથ વાર્ષિક તુલનાએ 4 ટકા વધ્યો છે, જે છેલ્લા મહિનાનો સૌથી નીચો વૃદ્ધિ દર છે. ઓગસ્ટમાં આઈઆઈપી ગ્રોથ 4.12 ટકા નોંધાયો હતો.

Gold Silver Price Crash : સોના ચાંદીના ભાવ દિવાળી પર ઐતિહાસિક ટોચે પહોંચ્યા બાદ સતત ઘટી રહ્યા છે. એક જ દિવસમાં સોનામાં 4500 અને ચાંદીમાં 8000 રૂપિયાનો કડાકો બોલાયો છે. …સંપૂર્ણ માહિતી

અમેરિકાની મધ્યસ્થ બેંક ફેડ રિઝર્વની બે દિવસીય પોલિસી મિટિંગ 28 ઓક્ટોબરે શરૂ થઇ છે, જેના નિર્ણયો 29 કે 30 ઓક્ટોબરે જાહેર થઇ શકે છે. યુએસ ફેડ રિઝર્વની પોલિસી મિટિંગમાં વ્યાજદર 0.25 ટકા ઘટાડવાનો નિર્ણય લેવાઇ શકે છે. યુએસ ફેડની મિટિંગ દરમિયાન સોનું સ્થિર છે અને 3960 ડોલર પ્રતિ ટ્રોસ ઔંસની નીચે બોલાઇ રહ્યું છે, જે 7 ઓક્ટોબર પછીનો સૌથી નીચો ભાવ છે.

શેરબજાર ગ્લોબલ માર્કેટના સકારાત્મક સંકેતોના પગલે મજબૂત ખુલ્યા હતા. સેન્સેક્સ પાછલા બંધ 84,628 લેવલ સામે બુધવારે 84,663 ખુલ્યો હતો. ઓપનિંગ સેશનમાં જ સેન્સેક્સ 250 પોઇન્ટ વધી 84,916 લેવલ આસપાસ ટ્રેડિંગ કરી રહ્યો છે. એનએસઇ નિફ્ટી પાછલા બંધ 25,982 લેવલથી ઉંચા ગેપમાં 25982 ખુલ્યો હતો. શરૂઆતમાં જ નિફ્ટીએ 26000 લેવલ ક્રોસ કર્યું અને ત્યાર પછી ફરી 26000 લેવલની નીચે આવી ગયો હતો.