Share Market News: સેન્સેક્સ 540 પોઇન્ટ અને નિફ્ટી 159 ઉછળ્યા, માર્કેટ બ્રેડ્થ નેગેટિવ

સેન્સેક્સ નિફ્ટીમાં તેજીથી બુધવારે શેરજારના રોકાણકારોને લગભગ 2 લાખ કરોડ રૂપિયાની કમાણી થઇ હતી. બુધવારે બીએસઇ પર લિસ્ટેડ તમામ કંપનીઓની કુલ માર્કેટ વેલ્યૂએશન 460.40 લાખ કરોડ રૂપિયા હતી, જે મંગળવારે 458.45 કરોડ લાખ રૂપિયા રહી હતી. બીએસઇ પર 1998 શેર વધીને જ્યારે 2032 શેર ઘટીને બંધ રહેતા માર્કેટ બ્રેડ્થ નેગેટિવ થઇ હતી. આજે બેંક નિફઅટી ઇન્ડેક્સ 454 પોઇન્ટ, નિફ્ટી આઈટી 93 પોઇન્ટ, બીએસઇ મિડકેપ ઇન્ડેક્સ 112 પોઇન્ટ વધ્યા હતા.

આજે ટાટા મોટર્સનો શેર 2.5 ટકા ઉછળી સેન્સેક્સનો ટોપ ગેઇનર સ્ટોક બન્યો હતો. સેન્સેક્સના 30 માંથી 22 અને નિફ્ટી 50 ઇન્ડેક્સના 37 સ્ટોક વધ્યા હતા. ટાટા મોટર્સ અઢી ટકા, ભારતી એરટેલ 2 ટકા, બજાજ ફાઇનાન્સ 1.6 ટકા, મારૂતિ 1.1 ટકા અને બજાજ ફિનસર્વ 1 ટકા વધ્યા હતા. તો બીજી બાજુ હિન્દુસ્તાન યુનિલિવર, બીઇએલ, અલ્ટ્રાટેક સિમેન્ટ, આઈટીસી અને ટાયટન શેર 1 ટકા સુધી ઘટ્યા હતા.

શેરબજારમાં તેજીના પગલે બુધવારે સેન્સેક્સ 540 પોઇન્ટ ઉછળી 82726 બંધ થયો હતો. તો નિફ્ટી 159 પોઇન્ટ ઉછળી 25219 બંધ થયો છે. આજે ઓટો બેંક શેર નોંધપાત્ર વધ્યા હતા. વૈશ્વિક બજારોના મિશ્ર સંકેત અને કોર્પોરેટ કંપનીઓના પ્રોત્સાહક પરિણામથી માર્કેટ સેન્ટિમેન્ટ સુધર્યું છે. શેરબજારના 4 કારણોમાં અમેરિકા જાપાન ટ્રેડ ડિલ, વૈશ્વિક બજારોના સારા સંકેત, વોલેટાલિટી ઇન્ડેક્સમાં ઘટાડો અને સારા કોર્પોરેટ કંપની પરિણામ છે.

OnePlus Pad Lite ભારતમાં લોન્ચ થયું: કંપનીએ OnePlus Pad Lite લોન્ચ કર્યું છે, જેની કિંમત સસ્તા સ્માર્ટફોન જેટલી છે.આ ટેબલેટ 12999 રૂપિયાની શરૂઆતની કિંમતે ખરીદી શકાય છે. …વધુ માહિતી

આજે બુધવારે શેરમાર્કેટ સુધારા સાથે ખુલ્યું હતું. નિફ્ટી 50 25139.30 પોઈન્ટ સાથે ખુલ્યું હતું. જ્યારે સેન્સેક્સ 82,451.90ના સ્તરે ખુલ્યું હતું. આજે બજારો માટે વધુ એક ભારે કમાણી સત્રની રાહ જોવાઈ રહી છે, અને નિફ્ટી પાસે અન્ય ઘણા પરિબળોનો પણ સામનો કરવો પડશે.

ટ્રમ્પ ટેરિફની 1 ઓગસ્ટની હેડલાઇન પહેલા કોમોડિટી બજારમાં તેજીનો માહોલ છે. મંગળવારે એમસીએક્સ વાયદામાં સોનાનો ભાવ 1 લાખ રૂપિયાાની સપાટી કુદાવી ગયા હતા. તો વૈશ્વિક બજારમાં ચાંદી 14 વર્ષની ટોચે પહોંચી હતી. કોપરના ભાવ પણ ઐતિહાસિક ઉંચી સપાટીએ પહોંચ્યા છે. સ્ટીલ સહિત અન્ય બેસ મેટલ્સમાં તેજીનો ટ્રેન્ડ છે.

અમેરિકા જાપાન વચ્ચે ટ્રેડ ડિલ થઇ છે. જાપાન 15 ટકા ટેરિફ ચૂકવશે. કાર, ટ્રક,ચોખા અને અન્ય કૃષિ પેદાશો માટે પણ પોતાના બજાર ખોલશે. અમેરિકામાં 550 અબજ ડોલરનું રોકાણ કરશે. આજે પીએમ નરેન્દ્ર મોદી બે દિવનસા વિદેશ પ્રવાસે બ્રિટન જશે. આ દરમિયાન મુક્ત વેપાર સોદા પર હસ્તાક્ષર થઇ શકે છે.