Share Market News: સેન્સેક્સ નિફ્ટી સતત બીજા દિવસે ઘટીને બંધ, કોટક બેંક ટોપ લૂઝર

ગુરુવારેસ બીએસઇ પર 2009 શેર વધીને જ્યારે 2001 સ્ટોક ઘટીને બંધ થયા હતા. આજે બીએસઇની માર્કેટ વેલ્યૂએશન 460.31 લાખ કરોડ રૂપિયા થઇ હતી, જ્યારે બુધવારે માર્કેટકેપ 460.81 લાખ કરોડ રૂપિયા થઇ હતી. આમ રોકાણકારોને 50000 કરોડ રૂપિયાનું નુકસાન થયું છે.

શેરબજારમાં સતત બીજા દિવસે બેંક સ્ટોકમાં ભારે વેચવાલી રહેતા બેંક નિફ્ટી 207 પોઇન્ટ તૂટ્યો હતો. સેન્સેક્સના 30 માંથી 19 અને નિફ્ટી 50 ઇન્ડેક્સના 32 શેર ડાઉન હતા. જેમા કોટક બેંક 1.9 ટકા ઘટી સેન્સેક્સનો ટોપ લુઝર સ્ટોક બન્યો હતો. બજાજ ફિનસર્વ 1.4 ટકા, બજાજ ફિનસર્વ 1.3 ટકા, અદાણી પોર્ટ્સ અને ટાયટન શેર પોણા ટકા ઘટ્યા હતા.

શેરબજાર 3 જુલાઇના રોજ સાપ્તાહિક એક્સપાયરીના દિવેસ તીવ્ર વધઘટ વચ્ચે સેન્સેક્સ નિફ્ટી સતત બીજા દિવસે ઘટીને બંધ થયા હતા. સેન્સેક્સ 170 પોઇન્ટ ઘટી 83239 અને નિફ્ટી 48 પોઇન્ટ ઘટી 25405 બંધ થયો છે. સેન્સેક્સ 83850 ઇન્ટ્રા-ડે ટોચ 600 પોઇન્ટ ઘટ્યો છે. બપોર બાદ બેંક અને ફાઈનાન્સ શેરમાં ભારે વેચવાલીથી માર્કેટ તૂટ્યું છે. બેંક નિફ્ટી 207 પોઇન્ટ અને નિફ્ટી આઈટી ઇન્ડેક્સ 35 પોઇન્ટ ઘટ્યા છે.

શેરબજારમાં ઓપનિંગ સેશનમાં ફ્લેટ ટ્રેડિંગ બાદ સેન્સેક્સ નિફ્ટી વધ્યા હતા. સેન્સેક્સ 350 પોઇન્ટ કરતા વધુ ઉછળી 83781 સુધી ગયો હતો. નિફ્ટી 90 પોઇન્ટ વધી 25550 ઉપર ટ્રેડ થઇ રહ્યો છે. આઈટી અને બેંક શેર તેજીમાં છે.

ગુરુવારે ડોલર સામે રૂપિયો 5 પૈસા વધી 85.65 ખુલ્યો હતો. જ્યારે બુધવારે 85ય.70 બંધ થયો હતો. અમેરિકા સાથે સંભવિત ટ્રેડ ડીલમાં ભારતને ટેરિફ રાહત મળવાની અપેક્ષાએ રૂપિયો મજબૂત થઇ રહ્યો છે. ક્રૂડ ઓઇલ 68.50 ડોલર પ્રતિ બેરલ ઉપર ટ્રેડ કરી રહ્યું છે.

ગુરુવારે સેન્સેક્સ નિફ્ટી પોઝિટિવ ઓપનિંગ બાદ વધ્યા હતા, જો કે ત્યાર પછી તરત જ ફ્લેટ ટ્રેડ કરી રહ્યા હતા. સેન્સેક્સ 131 પોઇન્ટ વધીને 83540 ખુલ્યો હતો. ઓપનિંગ સેશનમાં જ 250 પોઇન્ટ વધી 83689 સુધી ગયો હતો. એનએસઇ નિફ્ટી 50 પોઇન્ટના સુધારામાં 25,505 ખુલ્યા બાદ 80 પોઇન્ટ જેટલો વધીને 25537 સુધી પહોંચ્યો હતો. જો કે ત્યારબાદ ફ્લેટ ટ્રેડ કરી રહ્યા હતા. પસંદગીના બ્લુચીપ સ્ટોકમાં લેવાલી રહેતા એશિયન પેઇન્ટ્સ, ટાટા સ્ટીલ, ઝોમેટો, ઇન્ફોસિસ અને મહિન્દ્રા મહિન્દ્રા 1 થી 2 ટકા આસપાસ વધીને ટ્રેડ કરી રહ્યા હતા.