Share Market News: સેન્સેક્સ નિફ્ટી શાર્પ રિકવરી સાથે બે દિવસ બાદ વધીને બંધ, Trent 12 ટકા તૂટ્યો

શુક્રવારે બીએસઇ પર લિસ્ટેડ તમામ કંપનીઓની કુલ માર્કેટ વેલ્યૂએશન 461.23 લાખ કરોડ રૂપિયા થઇ હતી. જ્યારે ગુરુવારે બીએસઇની માર્કેટકેપ 460.31 લાખ કરોડ રૂપિયા હતી. આમ શુક્રવારે શેરબજારના રોકાણકારોને 92000 કરોડ રૂપિયાની કમાણી થઇ છે. બીએસઇ પર 2259 શેર વધીને જ્યારે 1790 શેર ઘટીને બંધ થતા માર્કેટ બ્રેડ્થ પોઝિટિવ થઇ હતી.

શુક્રવારે ટાટા ગ્રૂપ શેરમાં મંદીનો માહોલ હતો. Trent 12 ટકાના કડાકા સાથે 5448 બંધ થઇ સેન્સેક્સનો ટોપ લૂઝર સ્ટોક બન્યો હતો. તો ટાટા સ્ટીક 1.7 ટકા, ટેક મહિન્દ્રા 1 ટકા, ટાટા મોટર સાધારણ ઘટાડે બંધ થયા હતા. તો બજાજ ગ્રૂપ શેરમાં રિકવરી આવતા બજાજ ફાઈનાન્સ 1.6 ટકા વધીને સેન્સેક્સનો ટોપ ગેઇનર બન્યો હતો. બેંક નિફ્ટી 239 પોઇન્ટ અને નિફ્ટી આઈટી 312 પોઇન્ટ વધ્યા હતા.

શેરબજાર વોલેટાઇલ રેન્જ બાઉન્ડ ટ્રેડિંગ બાદ છેલ્લી ઘડીની લેવાલીથી બે દિવસ બાદ સેન્સેક્સ નિફ્ટી વધીને બંધ થયા છે. સેન્સેક્સ 193 પોઇન્ટ વધી 83432 અને નિફ્ટી 56 પોઇન્ટ વધી 25461 બંધ થયો છે. સેન્સેક્સ પોઝિટિવ ઓપનિંગ બાદ શરૂઆતના સેશનમાં ઇન્ટ્રા-ડે ટોચથી 460 પોઇન્ટ ઘટીને 83015 તળિયે ગયો હતો. જો કે બપોર બાદ નીચા મથાળેથી શાર્પ રિકવરી આવી અને સેન્સેક્સ ઇન્ટ્રા-ડે તળિયેથી ઉછળી 83477ની ટોચે પહોંચ્યો હતો. નિફ્ટીની ઇન્ટ્રા-ડે રેન્જ 25331 થી 25470 હતી. બેંક નિફ્ટી, મિડકેપ, ઓઇલ ગેસ અને આઈટી ઇન્ડેક્સ વધીને બંધ થયા છે. તો પીએસઇ, એફએમસીજી ઇન્ડેકસ તેજી સાથે બંધ થયા હતા. જ્યારે ઓટો અને મેટલ સ્ટોક દબાણ હેઠળ રહ્યા હતા.

રિલાયન્સ જિયોના ગુજરાતમાં મે મહિનામાં 3.17 લાખ મોબાઇલ યુઝર્સ વધ્યા છે. આ સાથે કુલ 30,771,740 સબસ્ક્રાઈબર્સ થયા છે, જે જિયોને ગુજરાતમાં સૌથી મોટા ટેલિકોમ ઓપરેટર બનાવે છે. વાયરલાઇન સેગમેન્ટમાં જિયોએ 97,288 સબ્સ્ક્રાઇબર્સ ઉમેર્યા છે અને તેનો કુલ સબસ્ક્રાઇબર બેઝ 8.86 લાખ થયો છે. ટ્રાઇના આંકડા મુજબ ગુજરાતમાં વાયરલેસ સબસ્ક્રાઇબરની સંખ્યા કુલ 6.62 કરોડ થઇ છે જ્યારે મે 2025ના અંત સુધીમાં વાયરલાઇન સબ્સ્ક્રાઇબરનો આંક વધીને 19.89 લાખ થયો છે.

સેબીએ અમેરિકાની ટ્રેડિંગ કંપની જેન સ્ટ્રીટ મૂડીબજારમાં કામકાજ કરવા પર પ્રતિબંધિત કરી દીધી છે. ઉપરાંત કંપનીને રૂ. 4,843.57 કરોડનો ગેરકાયદેસર નફો પરત કરવાનો નિર્દેશ આપ્યો છે. કંપની પર ઇન્ડેક્સ ઓપ્શન્સમાં મોટો નફો કમાવવા માટે એક્સપાયરીના દિવસે ઇન્ડેક્સ લેવલમાં કથિત રીતે ગેરરીતિ કરવાનો આરોપ છે. 25 વર્ષ જુની જેન સ્ટ્રીટ ગ્રૂપની ભારતમા ચાર કંપનીઓ કાર્યરત છે. સેબીએ આ ચારેય ગ્રૂપ કંપનીઓ પર પ્રતિબંધ મૂક્યો છે. જેમા જેએસઆઈ ઇન્વેસ્ટમેન્ટ્સ, જેએસઆઈ2 ઇન્વેસ્ટમેન્ટ્સ પ્રાઇવેટ લિમિટેડ, જેન સ્ટ્રીટ સિંગાપોર પ્રાઇવેટ લિમિટેડ અને જેન સ્ટ્રીટ એશિયા ટ્રેડિંગ (ઓનલાઇન ટ્રેડિંગ) સામેલ છે. સેબી દ્વારા પસાર કરાયેલા વચગાળાના આદેશ અનુસાર, જેએસ ગ્રુપની એન્ટિટીઓએ 1 જાન્યુઆરી, 2023 થી 31 માર્ચ, 2025 દરમિયાન NSE પર ઇન્ડેક્સ ઓપ્શન્સમાંથી રૂ. 43,289 કરોડથી વધુનો નફો કમાયો હતો.

શેરબજાર વોલેટાઇલ મોડમાં છે. સેન્સેક્સ 83441 ઇન્ટ્રા-ડે ટોચ થયા બાદ ટાટા ગ્રૂપ અને ઓટો શેરમાં વેચવાલીથી માર્કેટ 350 પોઇન્ટથી વધુ તૂટી નીચામાં 83015 થયું હતું. હાલ સેન્સેક્સ 90 પોઇન્ટના ઘટાડે 83150 આસપાસ ટ્રેડ કરી રહ્યું છે. નિફ્ટી 30 પોઇન્ટ ઘટી 25375 લેવલ આસપાસ છે. ટાટા ગ્રૂપનો ટ્રે્ન્ટ શેર 11 ટકા તૂટ્યો હતો. ટાટા સ્ટીલ 2.2 ટકા, ટેક મહિન્દ્રા 1 ટકા, અદાણી પોર્ટ્સ, મહિન્દ્રા, મારૂતિ સુઝુકીના શેર 1 ટકાથી ઓછા ડાઉના હતા.

RBI New Rules On Prepayment Penalty : RBI એ લોનના પ્રી પેમેન્ટ ચાર્જ નાબૂદ કર્યો છે. તેનાથી કરોડો લોન ધારકોને રાહત મળશે. જાણો કઇ કઇ લોન પર પ્રી પેમેન્ટ ચાર્જ નાબૂદ થયા છે અને ક્યારથી નિયમ લાગુ થશે …સંપૂર્ણ માહિતી

અમેરિકામાં જોબ ક્લેમ 2.36 લાખથી ઘટીને 2.33 લાખ થયો છે. જે અપેક્ષા કરતા ઘણા સારા આંકડા છે. સર્વિસિસ PMI ફરી અંદાજ મુજબ 50.8 આવ્યો છે. અમેરિકાની મે મહિનામાં વેપાર ખાધ 7.15 અબજ ડોલર થઇ છે, જેનું કારણ આયાત અને નિકાસ બંનેમાં ઘટાડો છે.

સેન્સેક્સ નિફ્ટી શુક્રવારે વધીને ખુલ્યા હતા. સેન્સેક્સ પાછલા બંધ 83239 સામે સહેજ વધીને શુક્રવારે 83306 ખુલ્યો હતો. જો કે ટાટા ગ્રૂપ શેરમાં નરમાઇના દબાણથી માર્કેટ દબાણ હેઠળ હતું. તો બીજી બાજુ બજાજ ફાઈનાન્સ શેર આજે સવા બે ટકા સુધી વધ્યા હતા. એનએસઇ નિફ્ટી પાછલા બંધ 25405 સામે શુક્રવારે 25428 ખુલ્યો હતો.