Share Market News: સેન્સેક્સ 270 પોઇન્ટ વધ્યો, નિફ્ટી 2550 ઉપર બંધ, રૂપિયો 26 પૈસા મજબૂત

મંગળવારે સેન્સેક્સના 30 બ્લુચીપ સ્ટોક માંથી 18 શેર વધીને બંધ થયા છે. કોટક 3.6 ટકા, ઝોમેટો 1.9 ટકા, એશિયન પેઇન્ટ્સ 1.7 ટકા, એનટીપીસી 1.5 ટકા અને બીઇએલ 1.20 ટકા વધી સેન્સેક્સના ટોપ 5 ગેઇનર સ્ટોક બન્યા હતા. તો સૌથી વધુ ઘટીને બંધ રહેનાર સ્ટોકમાં ટાયટન 6.2 ટકા, ટ્રેન્ટ 1.1 ટકા, એક્સિસ બેંક, મારૂતિ સુઝુકી અને એચયુએલ પોણા ટકા આસપાસ વધીને બંધ થયા હતા. આજે બીએસઇની માર્કેટકેપ 461.38 લાખ કરોડ રૂપિયા થઇ હતી.

અમેરિકા અને ભારત વચ્ચે ટ્રેડ ડિલ થવાના આશાવાદમાં ડોલર સામે રૂપિયો 26 પૈસા વધી 85.86 બંધ થયો છે. ફોરેક્સ ટ્રેડર્સના મતે વિદેશી મૂડી પ્રવાહ અને મજબૂત સ્થાનિક ઇક્વિટી માર્કેટથી રૂપિયા વધુ મજબૂત થયો છે.

શેરબજાર રેન્જ બાઉન્ડ ટ્રેડિંગ બા સેન્સેક્સ નિફ્ટી વધીને બંધ થયા છે. મંગળવારે સેન્સેક્સ 270 પોઇન્ટ વધીને 83712 અને નિફ્ટી 61 પોઇન્ટ સુધરીને 25520 બંધ થયો છે. બેંક અને આઈટી શેરમાં છેલ્લી ઘડીની લેવાલીથી માર્કેટ નીચા સ્તરેથી વધ્યું હતું. ઉપરાંત ભારત અમેરિકા વચ્ચે ટ્રેડ ડિલ થવાના આશાવાદે માર્કેટ સુધર્યું છે સાથે સાથે ડોલર સામે રૂપિયો વધીને બંધ થયો છે.

શેરબજારમાં નરમાઇ વચ્ચે મિડકેપ અને સ્મોલકેપ ઇન્ડેક્સ તૂટ્યા છે. બીએસઇ મિડકેપ ઇન્ડેક્સ 72 પોઇન્ટ અે સ્મોલકેપ ઇન્ડેક્સ 200 પોઇન્ટથી વધુ ઘટાડે ટ્રેડ કરી રહ્યા છે. પાછલા સપ્તાહે ઉછાળા બાદ હાલ બોર્ડર માર્કેટમાં પ્રોફિટ બુકિંગનો માહોલ છે.

ટાયનટ શેર 5 ટકાથી વધુ તૂટી સેન્સેક્સનો ટોપ લૂઝર સ્ટોક બન્યો છે. ટાયટન 5.5 ટકા તૂટી 3457 રૂપિયા સુધી ઘટ્યો છે. એમ કે ગ્લોબલ બ્રોકરેજ હાઉસનું કહેવું છે કે, ટાયટન કંપનીની જૂન ક્વાર્ટર 2025ની વૃદ્ધિમાં નરમાઇથી શેર તૂટ્યો છે. જેમાં જ્વેલરી બિઝનેસમાં 17 ટકાની વૃદ્ધિ થઇ છે જ્યારે હાલનો ટ્રેન્ડ 25 ટકા ગ્રોથનો દેખાય છે. અમારા મતે સ્થિર માર્જિન પર FY26 માટે 17 થી 19 ટકા જ્વેલરી ગ્રોથની અપેક્ષામાં માર્કેટને જોખમ દેખાય છે, કારણ કે જૂન ક્વાર્ટરમાં 17 ટકાની વૃદ્ધિ ઓછી છે. સોનાના વધતા ભાવના લીધે રિટેલ ઘરાકી પર અસર થઇ છે.

સેન્સેક્સ પાછલા બંધ 83442 સામે નીચા ગેપમાં મંગળવારે 83387 ખુલ્યો હતો. ઓપનિંગ સેશનમાં 83561 ટોચે પહોંચ્યા બાદ સેન્સેક્સ 83400 લેવલ આસપાસ ફ્લેટ ટ્રેડિંગ કરી રહ્યો છે. એનએસઇ નિફ્ટી પાછલા બંધ 25461 સામે આજે 25427 ખુલ્યો હતો. ચલણી શેરમાં વેચવાલીથી મિડકેપ અને સ્મોલકેપ ઇન્ડેક્સ પણ ડાઉન છે.