Share Market News: સેન્સેક્સ 331 પોઇન્ટ ઘટી 84900 બંધ, નિફ્ટી 108 પોઇન્ટ તૂટ્યો, IT સિવાય તમામ ઇન્ડેક્સ ઘટ્યા

સોમવારે બીએસઇની કુલ માર્કેટકેપ 469.43 લાખ કરોડ રૂપિયા થઇ હતી, જે અગાઉ 472.22 લાખ કરોડ રૂપિયા થઇ હતી. આમ સોમવારે શેરબજારમાં ઘટાડાથી રોકાણકારોને 2.79 લાખ કરોડ રૂપિયાનું નુકસાન થયું છે. સાર્વત્રિક વેચવાલીથી શેરબજારની માર્કેટબ્રેડ્થ નેગેટિવ થઇ છે. બીએસઇ પર 1207 શેર વધીને જ્યારે 3036 શેર ઘટીને બંધ થયા છે.

બોર્ડર માર્કેટમાં વેચવાલી રહેતા મિડકેપ 156 પોઇન્ટ અને સ્મોલકેપ 432 પોઇન્ટ તૂટ્યા હતા. આઈટી ઇન્ડેક્સના 124 પોઇન્ટના સુધારાને બાદ કરતા તમામ સેક્ટોરિયલ ઇન્ડાઇસિસ ઘટ્યા હતા. જેમા સૌથી વધુ કેપિટલ ગુડ્સ ઇન્ડેક્સ 929 પોઇન્ટ, કન્ઝ્યુમર ડ્યુરેબલ્સ 583 પોઇન્ટ, મેટલ 408 પોઇન્ટ, ઓઇલ ગેસ 285 પોઇન્ટ ઘટ્યા હતા.

સેન્સેક્સના 30 બ્લુચીપ શેર માંથી 26 શેર ઘટ્યા હતા. ટોપ 5 લુઝર શેરમા બીઇએલ 3 ટકા, મહિન્દ્રા 2 ટકા, ટાટા સ્ટીલ 1.6 ટકા, અલ્ટ્રાટેક સિમેન્ટ 1.2 ટકા અને બજાજ ફિનસર્વ 1.1 ટકા ઘટ્યા હતા. તો જે 5 શેર વધીને બંધ થયા છે તેમા ટેક મહિન્દ્રા 2.5 ટકા, એશિયન પેઇન્ટ 2.5 ટકા, ઇન્ફોસિસ, અદાણી પોર્ટ્સ અને સન ફાર્માના શેર નામ માત્ર વધ્યા હતા.

શેરબજારમાં નવેમ્બર એક્સપાયરી પહેલા જ નરમાઇનો માહોલ છે. સેન્સેક્સ 331 પોઇન્ટ ઘટી 84900 બંધ થયો છે. એનએસઇ નિફ્ટી 108 પોઇન્ટ ઘટી 25959 બંધ થયો છે. સેન્સેક્સ ટ્રેડિંગ રેન્જ 85,473 થી 84,710 હતી.

Upcoming IPO And Share Listing This Week: આઈપીઓ માર્કેટ આ અઠવાડિયે સુસ્ત રહેવાનું છે. નવા 3 આઈપીઓ ખુલી રહ્યા છે, જે તમામ SME IPO છે. ઉપરાંત નવી 3 કંપનીના શેર લિસ્ટિંગ થવાના છે. …અહીં વાંચો

આજે આઈટી શેરમાં તેજીથી નિફ્ટી IT ઇન્ડેક્સ 580 પોઇન્ટ ઉછળીને ઉંચા મથાળે ટ્રેડ કરી રહ્યો છે. સેન્સેક્સના બ્લુચીપ શેર ટેક મહિન્દ્રા 2.7 ટકા, ઇન્ફોસિસ 2.2 ટકા, એચસીએલ ટેક 1.5 ટકા, ટીસીએસ અડધા ટકા મજબૂત છે.

સેન્સેક્સ નિફ્ટી વૈશ્વિક બજારોના સકારાત્મક સંકેતો વચ્ચે સોમવારે સુધારા સાથે ખુલ્યા છે. સેન્સેક્સ 89 પોઇન્ટ વધીને 85320 ખુલ્યો હતો. તો એનએસઇ નિફ્ટી 60 પોઇન્ટની મજબૂતીમાં 26,122 ખુલ્યો હતો. આઈટી શેરમાં તેજીથી નિફ્ટી આઈટી ઇન્ડેક્સ 580 પોઇન્ટથી વધુ ઉછળ્યો છે.