Share Market News Live: સેન્સેક્સ તળિયેથી 400 પોઇન્ટ રિકવર, વોડાફોન આઈડિયા 8 ટકા ઉછળ્યો

શેરબજાર નીચા મથાળેથી રિકવર થયો છે. સેન્સેક્સ ઇન્ટ્રા ડે 83124 તળિયે ગયા બાદ 400 પોઇન્ટ રિકવર થઇ 83630 લેવલ આસપાસ ટ્રેડિંર કરી રહ્યો છે. સેન્સેક્સ હાલ 100 પોઇન્ટથી વધુ વધ્યો છે. તો એનએસઇ નિફ્ટી 43 પોઇન્ટ સુધરીને 25620 લેવલ આસપાસ ટ્રેડિંગ કરી રહ્યો છે. ટેલિકોમ શેરમાં તેજી જોવા મળી છે. વોડાફોન 7.8 ટકા વધી 10.25 રૂપિયા બોલાયો છે.

આજે બજાજ ગ્રૂપના શેર ભારે વેચવાલીથી તૂટ્યા હતા. બજાજ ગ્રૂપનો બ્લુચીપ સ્ટોક બજાજ ફાઈનાન્સ શેર 7 ટકા જેટલો ઘટી 1011 રૂપિયા બોલાતો હતો. તો બજાજ ફિનસર્વ 5.6 ટકા ઘટી 2002 રૂપિયા ટ્રેડ કરી રહ્યો હતો. આ બંને શેર સેન્સેક્સના ટોપ લુઝર શેર હતા. ટાટા મોટર્સ, પાવરગ્રીડ અને ટાટા સ્ટીલ 1 ટકા આસપાસ નરમ હતા.

શેરબજાર મંગળવારે સુધારે ખુલ્યા બાદ વેચવાલીના દબાણથી ઘટ્યા હતા. સેન્સેક્સ પાછલા બંધ 83,535 લેવલથી 135 પોઇન્ટ વધી આજે 83,671 ખુલ્યો હતો. જો કે બેન્ક, ફાઈનાન્સ અને ઓટો શેરમાં વેચવાલીના દબાણથી સેન્સેક્સ 170 પોઇન્ટથી વધુ તૂટ્યો અને 83400 નીચે ગયો હતો. તો એનએસઇ નિફ્ટી પાછલા બંધ 25,574 લેવલથી 43 પોઇન્ટ સુધરી 25,617 ખુલ્યો હતો.