Share Market News : ઓટો શેરમાં તેજીથી સેન્સેક્સ 555 પોઇન્ટ વધ્યો, નિફ્ટી 24600 પાર

શેરબજારમાં રિકવરીના પગલે 3 દિવસ બાદ સેન્સેક્સ નિફ્ટી વધીને બંધ થયા છે. ઓટો શેરમાં તેજીથી ઓટો ઇન્ડેક્સ સૌથી વધુ 1497 પોઇન્ટ અને કેપિટલ ગુડ્સ ઇન્ડેક્સ 1,260 પોઇન્ટ અને કન્ઝ્યુમર ગુડ્સ ઇન્ડેક્સ 1,252 પોઇન્ટ ઉછળીને બંધ થયા છે. સાર્વત્રિક તેજીથી તમામ ઇન્ડેકસ વધ્યા છે.

Supreme Court Dismisses PIL Against E20 Fuel In India : સુપ્રીમ કોર્ટે ઇ20 પેટ્રોલ વિરુદ્ધ જાહેર હિતની અરજી અરજી ફગાવી દીધી છે. શું ઇ20 પેટ્રોલ શું છે, તેનાથી વાહનની માઇલેજ ઘટે છે, એન્જિનને નુકસાન થાય છે? ચાલો જાણીયે વિગતવાર …બધું જ વાંચો

સોમવારે સેન્સેક્સના 30 માંથી 27 શેર વધ્યા હતા. જેમા મહિન્દ્રા મહિન્દ્રા 3.6 ટકા, ટાટા મોટર્સ 3.2 ટકા, ટ્રેન્ટ 2.7 ટકા, ઇટરનલ 2.3 ટકા, એશિયન પેઇન્ટ્સ 2.1 ટકા વધી ટોપ 5 ગેઇનર સ્ટોક બન્યા હતા. તો સૌથી વધુ ઘટીને બંધ રહેનાર 5 લુઝર સ્ટોકમાં સન ફાર્મા, આઈટીસી, એસયુએલ, ટાયટન અને રિલાયન્સના શેર સાધારણથી 2 ટકા સુધી ઘટ્યા હતા. સોમવારે બીએસઇની માર્કેટકેપ 448.85 લાખ કરોડ રૂપિયા થઇ હતી.

શેરબજારમાં 3 દિવસ બાદ રિકવરીથી સપ્તાહના પ્રથમ દિવસે સેન્સેક્સ નિફ્ટી નોંધપાત્ર વધીને થયા હતા. સેન્સેક્સ 555 પોઇન્ટ વધીને 80364 બંધ થયો છે. સેશન દરમિયાન સેન્સેક્સ 80400 લેવલ કુદાવી ગયો હતો. તો એનએસઇ નિફ્ટી 198 પોઇન્ટ વધી 24625 બંધ થયો છે. શેરબજારની રિકવરીમાં ઓટો સ્ટોકનું મોટું યોગદાન છે.

શેરબજારમાં તેજી યથાવત રહેતા સેન્સેક્સ 500 પોઇન્ટ ઉછળ્યો હતો. ટ્રેડિંગ સેશન દરમિયાન સેન્સેક્સ 80339 ટોચે પહોંચ્યો હતો. નિફ્ટી 170 પોઇન્ટ વધી 24600 લેવલ ઉપર ટ્રેડ કરી રહ્યો છે. મહિન્દ્રા, ટાટા મોટર્સ, ટ્રેન્ટ, એશિયન પેઇન્ટ્સ અને ઇન્ફોસિસના શેર 2 થી 3 ટકા વધ્યા હતા.

Silver Hallmark Rules : ચાંદી માટે હોલમાર્ક 1 સપ્ટેમ્બરથી લાગુ કરવામાં આવ્યો છે. નવા નિયમથી ખરીદનાર ઘરે બેઠા BIS Care App વડે ચાંદીની શુદ્ધતા ચકાસી શકે છે. …વધુ વાંચો

IPO Open And Share Listing In This Week : 1 સપ્ટેમ્બરથી શરૂ થનાર નવા સપ્તાહે નવા 8 આઈપીઓ ખુલવાના છે જેમા મેઇનબોર્ડ સેગમેન્ટનો અમાન્ટા હેલ્થકેર આઈપીઓ સામેલ છે. ઉપરાંત 13 કંપનીઓના શેર સ્ટોક એક્સચેન્જ પર લિસ્ટિંગ થશે. …અહીં વાંચો

વિદેશી રોકાણકારોની ભારતીય બજારમાં વેચવાલી યથાવત છે. ફોરેન ઇન્સ્ટિટ્યૂશનલ ઇન્વેસ્ટર્સ (FII) એ ઓગસ્ટમાં 34993 કરોડ રૂપિયાની વેચવાલી કરી છે, જે છેલ્લા છ મહિનાનો સૌથી મોટો આંકડો છે. આની અગાઉ ફેબ્રુઆરીમાં 34574 કરોડ રૂપિયાનો FII આઉટફ્લો નોંધાયો હતો. તો ગત જુલાઇમાં વિદેશી રોકાણકારોએ 17741 કરોડ રૂપિયાની વેચવાલી કરી હતી. આ સાથે વર્ષ 2025માં ઓગસ્ટ મહિના સુધી FIIનો આઉટફ્લો રૂ. 1.3 લાખ કરોડે પહોંચ્યો છે.

સપ્તાહના પ્રથમ દિવસે એશિયાના શેરબજારોમાં મિશ્ર વલણ હતું. જાપાનીઝ માર્કેટમાં 850 પોઇન્ટનો કડાકો બોલાયો હતો. તો તાઇવાન 250, જકાર્તા 152 પોઇન્ટ અને કોરિયન શેરબજાર 34 પોઇન્ટના ઘટાડે ટ્રેડ કરી રહ્યા હતા. હોંગકોંગ માર્કેટ 451 પોઇન્ટ વધીને ટ્રેડ કરી રહ્યું હતું. જો કે ભારતનો ગિફ્ટ નિફ્ટી ઇન્ડેક્સ 29 પોઇન્ટના સુધારામાં ફ્લેટ ટ્રેડ કરી રહ્યો હતો.

શેરબજારમાં મજબૂત ટ્રેન્ડ સાથે સપ્તાહના પ્રથમ દિવસે સેન્સેક્સ નિફ્ટી વધીને ખુલ્યા હતા. સેન્સેક્સ પાછલા બંધ 79809 થી ઉંચા ગેપમાં સોમવારે 79828 ખુલ્યો હતો. આઈટી અને બેંક શેરમાં સુધારાથી સેન્સેક્સ 300 પોઇન્ટ વધ્યો અને 80100નું લેવલ કુદાવી ગયો હતો. તો એનએસઇ નિફ્ટી 24432 લેવલ પર ફ્લેટ ખુલ્યો હતો. શેરબજારમાં સુધારા સાથે 80 પોઇન્ટની મજબૂતીમાં 24500 લેવલ ઉપર ટ્રેડિંગ કરી રહ્યો છે.