Share Market News: સેન્સેક્સ 595 પોઇન્ટ વધ્યો, રોકાણકારોને 3 લાખ કરોડની કમાણી

મંગળવારે બીએસઇ માર્કેટકેપ 462.87 લાખ કરોડ રૂપિયા થઇ હતી, જે આગલા દિવસે 460.05 લાખ કરોડ રૂપિયા થઇ હતી. આમ મંગળવારે શેરબજારના રોકાણકારોની સંપત્તિમાં 2.82 લાખ કરોડ રૂપિયાનો વધારો થયો છે. બીએસઇના 1606 શેર ઘટીને જ્યારે 2507 શેર વધીને બંધ થતા માર્કેટ બ્રેડ્થ પોઝિટિવ રહી હતી.

ચલણી શેરમાં લેવાલીથી મિડકેપ અને સ્મોલકેપમાં સુધારો ચાલુ રહ્યો હતો. મિડકેપ ઇન્ડેક્સ 287 પોઇન્ટ અને સ્મોલકેપ 356 પોઇન્ટ વધ્યા હતા. તો સેક્ટોરિયલ ઇન્ડેક્સમાં ઓટો ઇન્ડેક્સ 855 પોઇન્ટ, કેપિટલ ગુડ્સ 622 પોઇન્ટ અને બેંકેક્સ 474 પોઇન્ટ વધ્યા હતા.

સેન્સેક્સના 30 બ્લુચીપ શેરમાંથી 28 શેર વધીને બંધ થયા હતા. જેમા કોટક બેંક 2.5 ટકા, લાર્સન 2.3 ટકા, મહિન્દ્રા 2.2 ટકા, મારૂતિ સુઝુકી 2 ટકા અને ભારતી એરટેલ 1.9 ટકા વધીને બંધ થતા સેન્સેક્સના ટોપ 5 ગેઇનર સ્ટોક બન્યા હતા. તો બજાજ ફાઈનાન્સ અને એશિયન પેઇન્ટ્સ પોણા ટકા ઘટીને બંધ થયા હતા.

સેન્સેક્સ 595 પોઇન્ટ વધી 82380 બંધ થયો છે. તો એનએસઇ નિફ્ટી 170 પોઇન્ટ વધી 25239 બંધ થયો છે. ઇન્ટ્રા ડેમાં સેન્સેક્સ 82443 સુધી વધ્યો હતો. આજે ઓટો, રિયલ્ટી અને ટેલિકોમ ઇન્ડેક્સમાં 1 ટકા સુધી જોવા મળી હતી.

શેરબજારમાં પોઝિટિવ ટ્રેન્ડના પગલે સેન્સેક્સ 400 પોઇન્ટ વધી 82100 લેવલ ઉપર ટ્રેડ કરી રહ્યો છે. કોટક બેંક, લાર્સન, એક્સિસ બેંક, ટાટા સ્ટીલ અને ભારતી એરટેલના શેર દોઢ થી 3 ટકા સુધી વધ્યા છે. એનએસઇ નિફ્ટી 100 પોઇન્ટના સુધારામાં 25170 લેવલ ઉપર મજબૂત ટ્રેડ કરી રહ્યો છે.

Mother Dairy Milk Price Cut : મધર ડેરીએ દૂધ સહિત વિવિધ ડેરી પેદાશોના ભાવમાં ઘટાડો કરવાની જાહેરાત કરી છે. દૂધ ઘી માખણ ચીઝની કિંમત ઘટતા ગૃહિણોને રાહત મળશે. …બધું જ વાંચો

US India Trade Deal Talks : ટ્રમ્પ ટેરિફ વિવાદ વચ્ચે અમેરિકાનું પ્રતિનિધિમંડળ ભારત આવ્યું છે. અમેરિકાએ રશિયા પાસેથી ઓઈલ ખરીદવા બાબતે વાંધો ઉઠાવ્યા બાદ બંને દેશો વચ્ચે વેપાર વાટાઘાટો અટકી ગઇ હતી. …અહીં વાંચો

ઈન્કમ ટેક્સ રિટર્ન ફાઈલ કરવા માટે કરદાતાને વધુ એક દિવસ મળ્યો છે. કરદાતાની સુવિધા માટે આવકવેરા વિભાગ દ્વારા આઈટી રિટર્ન ફાઈલ કરવાની અંતિમ તારીખ લંબાવીને 16 સપ્ટેમ્બર કરી છે, જે અગાઉ 15 સપ્ટેમ્બર હતી. આ અંગે સત્તાવાર જાહેરાત કરતા CBDT એ કહ્યું કે કરદાતાઓ માટે અંતિમ તારીખ લંબાવવાનો આ નિર્ણય ટેકનિકલ અને અન્ય કારણોને ધ્યાનમાં રાખીને લેવામાં આવ્યો છે. રિટર્ન ફાઇલ કરવા માંગતા કરદાતાઓ હવે 16 સપ્ટેમ્બરની સાંજ સુધી તેમના રિટર્ન સબમિટ કરી શકે છે.

શેરબજાર મંગળવારે સકારાત્મક ખુલયા હતા. સેન્સેક્સ પાછલા બંધ 81785 સામે સાધારણ વધીને મંગળવારે 81852 ખુલ્યો હતો. ઓપનિંગ સેશનમાં જ સેન્સેક્સ 200 પોઇન્ટ જેટલો વધી 81987સુધી પહોંચ્યો હતો. એનએસઇ નિફ્ટી 25,073 લેવલ પર ફ્લેટ ખુલ્યા બાદ 25100 લેવલ ઉપર ટ્રેડિંગ કરી રહ્યો છે. આજે બેંક શેર મજબૂત ટ્રેડ કરી રહ્યા છે.