Share Market News : સેન્સેક્સ 567 પોઇન્ટ ઉછળ્યો, ઇન્ટ્ર-ડેમાં નિફ્ટી 26,000 લેવલ ક્રોસ કર્યું

શેરબજારમાં સુધારા વચ્ચે માર્કેટ બ્રેડ્થ એકંદરે ન્યુટ્રલ રહી હતી. આજે બીએસઇ પર 2178 શેર વધીને જ્યારે 2114 શેર ઘટીને બંધ થયા હતા. બીએસઇ પર તમામ લિસ્ટેડ કંપનીઓની કૂલ માર્કેટ વેલ્યૂએશન 471.92 લાખ કરોડ રૂપિયા થઇ હતી, જે અગાઉ 468.92 લાખ કરોડ રૂપિયા હતી. આમ સોમવારે શેરબજારના રોકાણકારોને 3 લાખ કરોડ રૂપિયાની કમાણી થઇ છે.

સેન્સેક્સના 30 બ્લુચીપ શેરમાંથી 22 શેર વધ્યા હતા. જેમા ટોપ 5 ગેઇનર શેરમાં ભારતી એરટેલ 2.6 ટકા, રિલાયન્સ સવા બે ટકા, ઇટરનલ 2.2 ટકા, એસબીઆઈ 2 ટકા અને ટાટા મોટર્સ 1.7 ટકા વધીને બંધ થયા હતા. તો સૌથી વધુ ઘટેલા શેરમાં કોટક બેંક 1.7 ટકા, બીઇએલ 1.7 ટકા, ઇન્ફોસિસ 1.4 ટકા, અદાણી પોર્ટ્સ અને બજાજ ફાઈનાન્સ અડધા ટકા ઘટ્યા હતા.

આજે બેંક શેરમાં તેજીનો માહોલ હતો. બેંક નિફ્ટી 414 પોઇન્ટ અને બીએસઇ બેંક્સેસ 422 પોઇન્ટ વધ્યો હતો. બેંક્સેસના 10 માંથી 8 બેંક શેર વધ્યા હતા. જેમા ફેડરેલ બેંક 2.9 ટકા, બરોડા બેંક 2.9 ટકા, એસબીઆઈ 2.1 ટકા, ઇન્ડ્સઇન્ડ બેંક 2 ટકા, એક્સિસ બેંક અને એચડીએફસી બેંક 1 -1 ટકા વધ્યા હતા. ચલણી શેરમાં પણ તેજી રહેતા સ્મોલકેપ 272 પોઇન્ટ અને મિડકેપ 335 પોઇન્ટ વધ્યા હતા.

શેરબજારમાં સોમવારે તેજી યથાવત રહેતા સેન્સેક્સ નિફ્ટી નોંધપાત્ર વધીને બંધ થયા હતા. સેન્સેક્સ 567 પોઇન્ટ વધી 84779 અને નિફ્ટી 171 પોઇન્ટ સુધરી 25966 બંધ થયો હતો. ઇન્ટ્રા-ડેમાં સેન્સેક્સ 84932 સુધી વધ્યો હતો. તો ઇન્ટ્રા ડેમાં નિફ્ટીએ 26000 લેવલ ક્રોસ કર્યું હતું. નિફ્ટીનું ઓલટાઇમ હાઇ લેવલ 26,104 છે.

Vodafone Idea AGR Case : વોડાફોન આઈડિયાનો શેર છેલ્લા 2 મહિનામાં 40 ટકા વધ્યો છે. વોડાફોન આઈડિયાના એજીઆર કેસ મામલે સુપ્રીમ કોર્ટમાં સુનાવણી ચાલી રહી છે. …વધુ વાંચો

Lava Shark 2 Price And Features : લાવા શાર્ક 2 સ્માર્ટફોનમાં 5000 5000mAh બેટરી, 50 એમપી રિયર કેમેરા અને 6.75 ઇંચની મોટી જેવા ફીચર્સ સાથે લોન્ચ કરવામાં આવ્યો છે. જાણો કિંમત અને ફીચર્સ …વધુ વાંચો

શેરબજાર સકારાત્મક ખુલ્યા બાદ સેન્સેક્સ નિફ્ટીમાં તેજીનો માહોલ છે. સેન્સેક્સ 500 પોઇન્ટ ઉછળી 84700 લેવલ કુદાવી ગયો છે. તો નિફ્ટી 150 પોઇન્ટ જેટલો વધ્યો અને 25940 લેવલ આસપાસ ટ્રેડિંગ કરી રહ્યો છે. બ્લુચીપ શેરમાં રિલાયન્સ અને ભારતી એરટેલ 2 ટકા, ટાટા સ્ટીલ 1.8વટકા, ટાટા મોટર્સ 1.4 ટકા અને એચડીએફસી બેંક, એસબીઆઈ, એચસીએલ ટેક 1 ટકા આસપાસ વધ્યા હતા.

Upcoming IPO This Week : લેન્સકાર્ટ આઈપીઓ સહિત નવા 4 IPO આ અઠવાડિયે ખુલી રહ્યા છે, જેમા રોકાણકારોને કમાણી થઇ શકે છે. અહીં આવનાર આઈપીઓની તારીખ, શેર લિસ્ટિંગ સહિત તમામ વિગત આપી છે. …વધુ વાંચો

મલ્ટિ કોમોડિટી એક્સચેન્જ (MCX) એ 27 ઓક્ટોબર, 2025થી MCX ICOMDEX બુલિયન ઇન્ડેક્સ પર માસિક ઓપ્શન કોન્ટ્રાક્ટ લોન્ચ કર્યું છે. MCX BULLDEX@ કિંમતી ધાતુના સેમગેન્ટનું એક ગતિશિલ પ્રતિનિધિત્વ કરે છે, જે એમસીએક્સ ગોલ્ડ અને સિલ્વર ફ્યૂચર કોન્ટ્રાક્ટ છે.

શેરબજારમાં ચલણી સ્ટોકમાં તેજી રહેતા સ્મોલકેપ અને મિડકેપ ઇન્ડેક્સ 250 પોઇન્ટથી વધુ ઉછળ્યા હતા. બેંક શેરમાં સુધારાથી બેંક નિફ્ટી 272 પોઇન્ટ વધીને ટ્રેડ કરી રહ્યો હતો.

શેરબજારના બેન્ચમાર્ક સેન્સેક્સ નિફ્ટી સોમવારે સુધારા સાથે ખુલ્યા હતા. સેન્સેક્સ પાછલા બંધ 84211 લેવલથી 86 પોઇન્ટ વધી 84297 ખુલ્યો હતો. પસંદગીના બ્લુચીપ શેરમાં તેજીથી ઓપનિંગ સેશનમાં જ સેન્સેક્સ 300 પોઇન્ટ વધીને 84500 ઉપર ટ્રેડ કરી રહ્યો છે. એનએસઇ નિફ્ટી 48 પોઇન્ટ વધી 25,843 ખુલ્યો હતો.