Share Market News: શેરબજારમાં સાર્વત્રિક મંદી, મિડકેપ સ્મોલકેપમાં મોટો ઘટાડો, રોકાણકારોના 4 લાખ કરોડ સ્વાહા

શેરબજારમાં સાર્વત્રિક વેચવાલીના પગલે માર્કેટ બ્રેડ્થ અત્યંત નેગેટિવ થઇ હતી. બીએસઇ પર 1202 શેર વધીને જ્યારે 3012 શેર ઘટીને બંધ થયા હતા. ગુરુવારે બીએસઇની માર્કેટકેપ 465.83 લાખ કરોડ રૂપિયા થઇ હતી, જે આગલા દિવસે 469.80 લાખ કરોડ રૂપિયા થઇ હતી. આમ આજે શેરબજારના રોકાણકારોને લગભગ 4 લાખ કરોડ રૂપિયાનું નુકસાન થયું છે.

બોર્ડર માર્કેટમાં ભારે વેચવાલીથી મિડકેપ 563 પોઇન્ટ અને સ્મોલકેપ 824 પોઇન્ટ તૂટ્યા હતા. બીએસઇના તમામ સેક્ટોરિયલ ઇન્ડેક્સ ઘટીને બંધ રહેતા શેરબજારમાં સાર્વત્રિક મંદીનો માહોલ હતો. સૌથી વધુ બીએસઇનો કેપિટલ ગુડ્સ 877 પોઇન્ટ, મેટલ 705 પોઇન્ટ, હેલ્થકેર 320 પોઇન્ટ, કન્ઝ્યુમર ડ્યુરેબલ્સ 260 પોઇન્ટ અને બેન્કેક્સ 227 પોઇન્ટ ઘટ્યા હતા.

સેન્સેક્સના 30 માંથી 19 બ્લુચીપ શેર ઘટીને બંધ થયા હતા. ટોપ 5 લુઝર શેરમાં પાવરગ્રીડ 3.2 ટકા, ઇટરનલ 2.5 ટકા, બીઇએલ 1.7 ટકા, બજાજ ફાઈનાન્સ 1.5 ટકા અને આઈસીઆઈસીઆઈ બેંક 1.2 ટકા ઘટીને બંધ થયા હતા. તો બીજી બાજુ સૌથ વધેલા 5 શેરમાં એશિયન પેઇન્ટ 4.7 ટકા, રિલાયન્સ 1.6 ટકા, મહિન્દ્રા, અલ્ટ્રાટેક સિમેન્ટ અને ટીસીએસ 1 ટકા આસપાસ મજબૂત થયા હતા.

શેરબજારમાં અંડર કરંટ નેગેટિવ રહેતા સેન્સેક્સ નિફ્ટી ઘટીને બંધ થયા છે. ગુરુવારે સેન્સેક્સ 148 પોઇન્ટ ઘટી 83311 બંધ થયો છે. સેશન દરમિયાન સેન્સેક્સની ટ્રેડિંગ રેન્જ 83,846 થી 83,237 હતી. એનએસઇ નિફ્ટી 88 પોઇન્ટ ઘટી 25509 બંધ થયો છે. આજે સેન્સેક્સ વધીને ખુલ્યો હતો અને બપોર સુધી વોલેટાઇલ હતો. જો કે બપોર બાદ શેરબજારમાં વેચવાલી નીકળતા સેન્સેક્સ નિફ્ટી પર દબાણ આવ્યું હતું.

LIC Investment In Share Market : એલઆઈસી એ સપ્ટેમ્બર ક્વાર્ટર 2025માં 76 લિસ્ટેડ કંપનીમાં હિસ્સેદારી વધારી છે અને 81 શેરમાં હોલ્ડિંગ ઘટાડ્યું છે. ઉપરાંત 13 કંપનીઓના શેરમાં પહેલીવાર રોકાણ કર્યું છે. …સંપૂર્ણ માહિતી

Apple MacBook Air M4 Price : એપલ મેકબુક એર એમ 4 આકર્ષક ડિલમાં વિજય સેલ્સથી 17000 રૂપિયાથી વધુના ડિસ્કાઉન્ટ પર ખરીદી શકાય છે. જાણો અભૂતપૂર્વ ડિલ ઓફર વિશે …અહીં વાંચો

Royal Enfield Bullet 650 Price And Engine Mileage : રોયલ એનફિલ્ડ બુલેટ 650 એક સેમી ડિજિટલ કોન્સોલ છે, જેમા એનાલોગ સ્પીડોમીટર, ફ્યુઅલ ગેજ, ગિયર પોઝિશન ઇન્ડિકેટર, ઓડોમીટર અને ટ્રિપમીટર સાથે એક ડિજિટલ ઇનસેટ સામેલ છે. …બધું જ વાંચો

Unclaimed Bank Deposits Claim Process : આરબીઆઈ દ્વારા અનક્લેમ્ડ બેંક ડિપોઝિટ પરત કરવા માટે ખાસ અભિયાન શરૂ કર્યું છે. ભારતીય બેંકો પાસે 67000 કરોડ રૂપિયાથી વધુ દાવા વગરની થાપણો પડેલી છે. …સંપૂર્ણ વાંચો

આજે એશિયન શેરબજારોમાં તેજીનો માહોલ જોવા મળ્યો છે. જાપાનીઝ શેરબજારનો નિક્કેઇ 225 ઇન્ડેક્સ 800 પોઇન્ટ જેટલો વધીને ટ્રેડિંગ કરી રહ્યો છે. હોંગકોંગ 450 પોઇન્ટ, તાઇવાન 222 પોઇન્ટ, શાંઘાઇ અને કોરિયાના શેરબજારો પણ પોઝિટિવ ટ્રેડિંગ કરી રહ્યા છે.

બિહાર વિધાનસભા ચૂંટણી 2025 માટેનું આજે પ્રથમ તબક્કાનું મતદાન ચાલી રહ્યું છે. પ્રથમ તબક્કામાં 121 વિધાનસભા બેઠકો પર મતદાન થઇ રહ્યું છે. હવે બીજા તબક્કાનું 11 નવેમ્બર, 2025 સોમવારના રોજ થશે. ત્યાર પછી 14 નવેમ્બર શુક્રવારે વિધાનસભા ચૂંટણીના પરિણામ જાહેર થશે. બિહાર વિધાનસભા ચૂંટણીમાં ભાજપ – એનડીએને કેટલા મત મળે છે તેના પર બજારની નજર રહેશે.

શેરબજાર ગુરુવારે સુધારે ખુલ્યા બાદ નોંધપાત્ર વધ્યા છે. સેન્સેક્સ પાછલા બંધ 83,459 લેવલથી ઉંચા ગેપમાં આજે 83,516 ખુલ્યો હતો. એશિયન પેઇન્ટ્સ, મહિન્દ્રા, રિલાયન્સ, એસબીઆઈ અને લાર્સન જેવા બ્લુચીપ શેર 1 ટકા થી 4.5 ટકા સુધી વધ્યા હતા. ઓપનિંગ સેશનમાં સેન્સેક્સ 400 પોઇન્ટ જેટલો વધીને 83846 સુધી ગયો હતો. હાલ સેન્સેક્સ 200 પોઇન્ટ વધી 83650 આસપાસ ટ્રેડિંગ કરી રહ્યો છે. એનએસઇ નિફ્ટી ફ્લેટ 25,593 ખુલ્યા બાદ 25610 લેવલ આસપાસ ટ્રેડ કરી રહ્યો છે.