Top 10 Best Selling Car List OF September 2023 : કાર કંપનીઓ માટે સપ્ટેમ્બર મહિનો સારો રહ્યો. આ સમયગાળા દરમિયાન મોટાભાગની કંપનીઓએ તેમના વાહનોના વેચાણમાં વધારો નોંધાવ્યો હતો. સપ્ટેમ્બરમાં ભારતીય બજારમાં ઘણી ટુ-વ્હીલર અને કાર લોન્ચ કરવામાં આવી હતી. સામાન્ય રીતે તહેવારોની મોસમમાં બજારની ચમક વધી જાય છે. વર્ષ 2023ની ફેસ્ટિવલ સિઝન 14 ઓક્ટોબરથી શરૂ થઈ રહી છે.
સપ્ટેમ્બરની બેસ્ટ સેલિંગ કાર (Top 10 Best Selling Car List)
સપ્ટેમ્બરમાં મારુતિ સુઝુકી, ટાટા મોટર્સ અને હ્યુન્ડાઈના વાહનોનો દબદબો રહ્યો હતો. સપ્ટેમ્બરમાં બેસ્ટ સેલિંગ ટોપ-10 કારમાં 6 મોડલ સાથે મારુતિ સુઝુકીના દબદબો રહ્યો છે. તો સપ્ટેમ્બરમાં સૌથી વધારે વેચાયેલી ટોપ-10 કારમાં ટાટા મોટર્સ અને હ્યુન્ડાઈની 2-2 કાર હતી. ગયા વર્ષની સરખામણીએ આ વર્ષે સપ્ટેમ્બરમાં અમુક કાર મોડલના વેચાણમાં ઘટાડો જોવા મળ્યો છે જ્યારે કેટલીક કારના વેચાણમાં સારી વૃદ્ધિ નોંધવામાં આવી છે. ફેસ્ટિવલ સિઝનમાં નવી કાર ખરીદતા પહેલા સપ્ટેમ્બરની બેસ્ટ સેલિંગ કારની યાદી એક વાર જરૂર જોઇ લેવી
સપ્ટેમ્બરમાં કઈ કંપનીની કાર સૌથી વધુ વેચાઈ? (Top 10 Best Selling Car List OF September)
| કાર કંપની | કાર મોડલ | સપ્ટેમ્બર-2023માં વેચાણ | સપ્ટેમ્બર-2022માં વેચાણ | વાર્ષિક વેચાણ વૃદ્ધિ |
|---|---|---|---|---|
| મારુતિ સુઝુકી | બલેનો | 18,417 કાર | 19,369 કાર | -5% |
| મારુતિ સુઝુકી | વેગનર | 16,250 કાર | 20,078 કાર | -19% |
| ટાટા મોટર્સ | નેક્સન | 15,325 કાર | 14,518 કાર | +6% |
| મારુતિ સુઝુકી | બ્રેઝા | 15,001 કાર | 15,445 કાર | -3% |
| મારુતિ સુઝુકી | સ્વિફ્ટ | 14,703 કાર | 11,988 કાર | +23% |
| મારુતિ સુઝુકી | ડિઝાયર | 13,880 કાર | 9601 કાર | +45% |
| મારુતિ સુઝુકી | એર્ટિગા | 13,528 કાર | 9299 કાર | +45% |
| ટાટા મોટર્સ | પંચ | 13,036 કાર | 12,251 કાર | +6% |
| હ્યુન્ડાઈ | ક્રેટા | 12,717 કાર | 12,866 કાર | -1% |
| હ્યુન્ડાઈ | વેન્યૂ | 12,204 કાર | 11,033 કાર | +11% |
સૌથી વધારે વેચાતી કાર – મારુતિ સુઝુકી બલેનો (Top 10 Best Selling Car Maruti Suzuki Baleno)
સપ્ટેમ્બરમાં પણ મારુતિ સુઝુકીએ ભારતીય કાર બજારમાં પોતાનું વર્ચસ્વ જાળવી રાખ્યું હતું અને સૌથી વધારે બલેનો કારનું વેચાણ કરીને ટોચ પર રહી હતી.
સપ્ટેમ્બર 2023માં મારૂતિ સુઝુકી કંપનીએ 18,417 બલેનો કારનું વેચાણ કર્યું હતું. જ્યારે પાછલા વર્ષે સમાન મહિનામાં કંપનીએ 19,369 બલેનો કારનું વેચાણ કર્યું હતું. આ વાર્ષિક ધોરણે વેચાણમાં મારૂતિ બલેનો કારના વેચાણમાં 5%નો ઘટાડો થયો છે.
