આ નવું સ્કૂટર બધાની બોલતી કરી દેશે બંધ, વિશેષતાઓ જાણી તમે પણ થઈ જશો આશ્ચર્યચકિત!

VLF Mobster 135 Scooter Price in India: ભારતીય સ્કૂટર બજાર હવે ફક્ત માઇલેજ સુધી મર્યાદિત નથી રહ્યું પરંતુ સ્ટાઇલ અને પ્રદર્શન પર પણ ધ્યાન કેન્દ્રિત કરવાનું શરૂ કરી દીધું છે. આ ટ્રેન્ડને ચાલુ રાખતા VLF એ ભારતમાં તેનું પહેલું ICE (ઈન્ટરનલ કમ્બશન એન્જિન) પર્ફોર્મન્સ સ્કૂટર, VLF મોબસ્ટર (VLF Mobster) લોન્ચ કર્યું છે, જેની શરૂઆતની કિંમત ₹1.30 લાખ (એક્સ-શોરૂમ) રાખી છે. તે 5-ઇંચ TFT ડિસ્પ્લે (બ્લુટુથ કનેક્ટિવિટી સાથે), કીલેસ ઇગ્નીશન અને ઓટો સ્ટાર્ટ/સ્ટોપ સહિત અનેક ગજબના ફિચર્સ પ્રદાન કરે છે. તે એપ્રિલિયા SR 175 અને TVS NTorq 150 જેવા પ્રીમિયમ સ્કૂટરો સાથે સીધી સ્પર્ધા કરશે.

ડિઝાઇન – આક્રમક બાઇક જેવો દેખાવ

VLF Mobster પ્રખ્યાત ઇટાલિયન ડિઝાઇનર એલેસાન્ડ્રો ટાર્ટારિની દ્વારા ડિઝાઇન કરવામાં આવ્યું હતું. તેના આગળના ભાગમાં ટ્વીન LED હેડલેમ્પ અને DRL છે. તેમાં ઊંચી ફ્લાયસ્ક્રીન અને ખુલ્લા હેન્ડલબાર છે. તેની ડિઝાઇન કોમ્પેક્ટ છે, છતાં સ્પોર્ટી સીટ ડિઝાઇન ધરાવે છે. તે 12-ઇંચના એલોય વ્હીલ્સ પર ચાલે છે, જેમાં આગળના ભાગમાં 120-સેક્શન ટાયર અને પાછળના ભાગમાં 130-સેક્શન ટાયર છે.

બે કલર ઓપ્શન: લાલ અને ગ્રે

ડિઝાઇન સ્પષ્ટપણે દર્શાવે છે કે આ સ્કૂટર સ્ટ્રીટફાઇટર બાઇક્સથી પ્રેરિત છે અને યુવાનોને ટાર્ગેટ બનાવે છે. તેથી તે બે રંગના વિકલ્પોમાં આવે છે: લાલ અને ગ્રે, જે યુવાનોને આકર્ષિત કરશે.

45 કિમીની માઇલેજ

VLF મોબસ્ટર માત્ર દેખાવમાં જ નહીં પરંતુ સુવિધાઓની દ્રષ્ટિએ પણ શક્તિશાળી પેકેજ ધરાવે છે. તેમાં 5-ઇંચનો TFT ડિસ્પ્લે (બ્લુટુથ કનેક્ટિવિટી સાથે), ઈલ્યુમિનેટેડ સ્વિચગિયર, કીલેસ ઇગ્નીશન અને ઓટો સ્ટાર્ટ/સ્ટોપ અને ઓલ-LED લાઇટિંગ છે. સૌથી નોંધપાત્ર વાત એ છે કે તે તેની સિરીઝમાં પહેલું 125સીસી સ્કૂટર છે જેમાં સ્વિચેબલ ડ્યુઅલ-ચેનલ ABS અને ટ્રેક્શન કંટ્રોલ છે. તેની 8-લિટરની ઇંધણ ટાંકી લગભગ 45 કિમીનું માઇલેજ આપે છે

આ પણ વાંચો: Honda એક્ટિવા કે TVS જ્યુપિટર, GST ઘટાડા બાદ ક્યું સ્કૂટર વધુ સસ્તુ થયું?

એન્જિન અને પ્રદર્શન

VLF મોબસ્ટર (VLF Mobster) 1125cc સિંગલ-સિલિન્ડર એન્જિન આપવામાં આવ્યું છે જે 12 bhp અને 11.7 Nm ટોર્ક ઉત્પન્ન કરે છે. સસ્પેન્શન ડ્યુટીમાં આગળના ભાગમાં ટેલિસ્કોપિક ફોર્ક અને પાછળના ભાગમાં ડ્યુઅલ ગેસ-ચાર્જ્ડ શોક એબ્ઝોર્બર્સનો સમાવેશ થાય છે. આનો અર્થ એ છે કે કંપનીએ સ્કૂટરના પ્રદર્શનની સાથે સ્થિરતા અને સલામતી પર પણ સમાન ધ્યાન કેન્દ્રિત કર્યું છે.

VLF મોબસ્ટર ભારતીય સ્કૂટર બજારમાં એક મજબૂત પ્રવેશ છે. ₹1.30 લાખની શરૂઆતની કિંમતે તેની સુવિધાઓ અને સલામતી ટેકનોલોજીની શ્રેણી તેને પ્રીમિયમ સ્કૂટર સેગમેન્ટમાં મજબૂત દાવેદાર બનાવે છે.