CBSE 12th result 2023 LIVE : સીબીએસસીએ ધોરણ 12નું પરિણામ જાહેર કર્યું છે. સીબીએસસીએ ધોરણ 12નું 87.33 ટકા પરિણામ જાહેર કર્યું છે. આ પરિણામમાં પાસ થવાની ટકાવારી ગત વર્ષની સરખામણીમાં ઘટી છે. સાથે જ આ પરિણામમાં ગત વર્ષોની જેમ વિદ્યાર્થિનીઓએ વિદ્યાર્થીઓને પાછળ છોડી દીધા છે. એટલું જ નહીં થર્ડ જેન્ડર કેટેગરમાં 60 ટકા વિદ્યાર્થીઓએ પરીક્ષા પાસ કરી હતી.ત્રિવેન્દ્રમ, બેંગલુરુ અને ચેન્નાઈએ શ્રેષ્ઠ પ્રદર્શન કરનારા પ્રદેશોની સ્થિતિ જાળવી રાખી છે. વિદ્યાર્થીઓ પરિણામ માટે સત્તાવાર વેબસાઈની cbse.gov.in, results.nic.in, results.digilocker.gov.in, umang.gov.in. મુલાકાત લઇ શકે છે.
છોકરાઓને પાછળ પાડીને છોકરીઓએ ફરી આગળ નીકળી
છોકરીઓએ 90.68 ટકાની પાસ થવાની ટકાવારી સાથે વધુ સારું પ્રદર્શન કરવાનું ચાલુ રાખ્યું છે જ્યારે 84.67 ટકા છોકરાઓ CBSE ધોરણ 12 ની પરીક્ષા પાસ કરવામાં સફળ રહ્યા છે.
સીબીએસસી ધો.12ના પરિણામમાં પાસની ટકાવારી 5.38% ઘટી
આ વર્ષે એકંદરે પાસિંગ ટકાવારીમાં 5.38%નો ઘટાડો જોવા મળ્યો છે. આ વર્ષે, ધોરણ 12 માટે એકંદરે પાસની ટકાવારી 87.33 ટકા છે, જે ગયા વર્ષના પ્રદર્શન કરતા ઘટાડો છે પરંતુ રોગચાળા પહેલાના વર્ષોથી વધ્યો છે. 2022 માં, એકંદર પાસ ટકાવારી 2020 માં 88.78 ટકા અને 2019 માં 83.40 ટકાની સરખામણીમાં 92.71 ટકા હતી.
22000 થી વધુ વિદ્યાર્થીઓનું 95% થી ઉપર પરિણામ
CBSE 12માના 2023ના પરિણામમાં 22,622 વિદ્યાર્થીઓએ 95 ટકાથી વધુ ગુણ મેળવ્યા છે. આ સિવાય કુલ 1,12.838 વિદ્યાર્થીઓએ 90%થી વધુ ગુણ મેળવ્યા છે.
JNV તમામ શાળાઓનું શ્રેષ્ઠ પ્રદર્શન
ધોરણ 12 માટે શાળાવાર પરિણામમાં JNV એ આ વર્ષે KV શાળાઓ કરતાં વધુ સારું પ્રદર્શન કર્યું છે. JNVs ની એકંદર પાસ ટકાવારી 97.51 ટકા છે. ત્યારબાદ CTSA શાળાઓ 96.77 ટકા સાથે અને KVs 92.51 ટકા સાથે ત્રીજા સ્થાને છે.
