Astrology: જ્યોતિષ શાસ્ત્રમાં અનેક યોગ, નક્ષત્ર અને શુભ મુહૂર્ત અંગે જણાવવામાં આવ્યું છે. જેમાં કોઈપણ કાર્ય કરવું ફળદાયી માનવામાં આવે છે. માન્યતા છે કે આ યોગ અને મુહૂર્તમાં નવા કાર્યો શરુ કરવાથી એ લાભ થાય છે. આવા જ બે યોગ છે રવિ પુષ્ય યોગ અને ગુરુ પુષ્ય યોગ. તો ચાલો જાણીએ આ યોગ શું છે અને આ યોગનું જ્યોતિષમાં શું મહત્વ છે.
શું છે રવિ પુષ્ય યોગ (What is Ravi Pushya Yoga)
વૈદિક જ્યોતિષ અનુસાર દરેક 27 નક્ષત્રોમાં 8માં સ્થાન પર પુષ્ય નક્ષત્ર આવે છે. તે ખુબ જ શુભ નક્ષત્ર માનવામાં આવ્યું છે. જ્યારે આ નક્ષત્ર રવિવારના દિવસે આવે છે તો વાર અને નક્ષત્રના સંયોગથી જે યોગ બને છે તે રવિ પુષ્ય યોગ કહેવાય છે.
રવિ પુષ્ય યોગનું મહત્વ (Importance of Ravi Pushya Yoga)
કોઈપણ શુભ કાર્યો માટે આ યોગ સૌથી સારો માનવામાં આવે છે. મુહૂર્ત હોય કે ન હોય નક્ષત્રોની સ્થિતિ પ્રતિકૂળ હોય અથવા અનુકૂળ હોય. આ યોગ માટે કરવામાં આવેલું કાર્ય ખુબ જ લાભપ્રદ માનવામાં આવે છે. આ યોગમાં વિવાહ કરવામાં આવતા નથી.
આ પણ વાંચોઃ- Grah Gochar 2022: અત્યારે વૃશ્ચિક રાશિમાં છે શુક્રદેવ, જાણો આ પાંચ રાશિ ઉપર પડી રહ્યો છે પ્રભાવ
આ યોગ યંત્રની સિદ્ધિ માટે ખુબ જ શુભ માનવામાં આવે છે. આ યોગમાં પૂજા – અર્ચના કરવી પણ ખુબ જ લાભદાયી માનવામાં આવે છે. આ યોગમાં આર્થિક સમૃદ્ધિ પણ આવવાની પણ માન્યતા છે.
ગુરુ પુષ્ય યોગ (Guru Pushya Yoga)
જ્યોતિષ શાસ્ત્ર અનુસાર દરેક યોગમાં ગુરુ પુષ્ય યોગને સૌથી વધારે શ્રેષ્ઠ માનવામાં આવે છે. આ યોગમાં કોઈ કાર્ય શરૂ કરવા પર પૂર્ણ અને સફળ થવાની માન્યા છે. પુષ્ય નક્ષત્ર જ્યારે રવિવાર અને ગુરુવારના દિવસે આવે છે તો આને ગુરુ પુષ્યામૃત યોગ અને રવિ પુષ્યામૃત યોગ કહેવાય છે. આ બંને યોગમાં ધનતેરસનું પડવું ખૂબ જ શુભ માનવામાં આવે છે.
આ પણ વાંચોઃ- જ્યોતિષમાં કેતુ ગ્રહનું શું મહત્ત્વ છે? જાણો કેતુ ગ્રહથી થતા રોગો અને તેના ઉપાય
શાસ્ત્રો પ્રમાણે આ નક્ષત્રમાં ધનની દેવી માતા લક્ષ્મીનો જન્મ થયો હતો. આ યોગમાં પણ વિવાહ કરવો નિષેધ છે. આ યોગમાં શરુ કરવામાં આવેલા નવા કાર્ય સફળ થવાની માન્યતા છે. આ યોગમાં નવા કાર્યની શરુઆત માટે મુહૂર્ત જોવાની જરૂરિયાત પડતી નથી.
