delhi Assembly Election Schedule 2025

દિલ્હી વિધાનસભા ચૂંટણી 2025 જાહેર થઇ છે. દિલ્હીની 70 બેઠકો માટે 5 ફેબ્રુઆરીએ મતદાન થશે અને 8 ફેબ્રુઆરીએ મત ગણતરી બાદ પરિણામ જાહેર કરાશે. દિલ્હી વિધાનસભાનો કાર્યકાળ 23 ફેબ્રુઆરીએ પૂર્ણ થાય છે. દિલ્હીની 70 બેઠકો પૈકી 58 સામાન્ય અને 12 બેઠકો અનુસૂચિત જાતિ માટે અનામત છે. દિલ્હી ચૂંટણી માટે 1.55 કરોડ મતદારો છે. જેમાં 83.49 લાખ પુરુષ અને 71.74 લાખ મહિલા મતદારો છે. 20થી 21 વર્ષના યુવા મતદારો 28.89 લાખ છે જ્યારે પ્રથમ વખત મતાધિકારનો ઉપયોગ કરવા જઇ રહેલા 2.08 લાખ મતદારો છે. રાજ્યમાં 2697 મતદાન સ્થળો પર 13,033 મતદાન કેન્દ્ર પર મતદાન થશે જે પૈકી 210 મોડલ મતદાન કેન્દ્ર હશે.