અભિનવ કશ્યપે તાજેતરમાં સલમાન ખાન વિશે અનેક વિવાદાસ્પદ નિવેદનો આપ્યા છે. તેમણે તેને “ગુંડો”, “અસંસ્કારી” અને “ખરાબ વ્યક્તિ” કહ્યો છે. વધુમાં તેમણે સલમાન ખાન પર અભિનયમાં કોઈ રસ ન હોવાનો અને ફક્ત સેલિબ્રિટીની શક્તિનો આનંદ માણવાનો આરોપ લગાવ્યો છે. સલમાન પછી અભિનવે શાહરૂખ ખાન પર પણ પોતાનો ગુસ્સો ઠાલવ્યો છે.
અભિનવે કહ્યું છે કે શાહરૂખ ખાનને ભારત છોડીને દુબઈ જવું જોઈએ. તેમનું કહેવું છે કે શાહરૂખ ખાનના મુંબઈ સ્થિત ઘરને મન્નત કહેવામાં આવે છે, જ્યારે દુબઈ સ્થિત તેમના ઘરને જન્નત કહેવામાં આવે છે. તેમણે વધુમાં કહ્યું કે શાહરૂખ ખાનનો સમુદાય ફક્ત લેવાનું જાણે છે આપવાનું નહીં.
અભિનવે કહ્યું, “આ સમુદાય ફક્ત લેવાનું જાણે છે, આપવાનું નહીં. તેઓ ફક્ત લે છે, લે છે અને લેતા રહે છે. શાહરૂખ ખાનના દુબઈના ઘરનું નામ જન્નત છે, જ્યારે અહીંના ઘરનું નામ મન્નત છે. તેનો અર્થ શું છે? તમારી બધી ઇચ્છાઓ અહીં પૂર્ણ થાય છે. તે વધુ આશીર્વાદ માંગતો રહે છે. મેં સાંભળ્યું છે કે તે તેના બંગલામાં બે માળ ઉમેરી રહ્યો છે. તેની માંગણીઓ વધી રહી છે પરંતુ જો તમારી જન્નત ત્યાં છે તો ત્યાં જ રહો. તમે ભારતમાં શું કરી રહ્યા છો?”
આ પણ વાંચો: ‘તારક મહેતા કા ઉલ્ટા ચશ્મા’ ફેમ ગુરચરણ સિંહનો વીડિયો જોઈને ચાહકો થયા ખુશ, જાણો શું કહ્યું?
અભિનવ ત્યાં અટક્યા નહીં તેમણે આગળ કહ્યું, “પછી તેઓ ફિલ્મોમાં ‘બેટે કો હાથ લગાને સે પહેલે બાપ સે બાત કરો’ જેવા ડાયલોગ્ય બોલે છે. લોકેને આ શું કહી રહ્યા છે? તેમણે દિગ્દર્શકો, નિર્માતાઓ અને સામાન્ય લોકોની પહોંચની બહાર પોતાના મકાનો બનાવ્યા છે. તેમની કુલ સંપત્તિ કેટલી છે તેનાથી મને શું ફરક પડે છે? શું તમે મને ખોરાક આપો છો? શાહરૂખ એક મહાન વક્તા હોઈ શકે છે, પરંતુ તેના ઇરાદા પણ ભ્રષ્ટ છે, ફક્ત સંપત્તિ એકઠી કરવા માટે. તેણે મારા માટે વ્યક્તિગત રીતે કંઈ નુકસાનકારક કર્યું નથી. તેણે આ ઇન્ટરવ્યુ જોવો જોઈએ અને પોતાને સુધારવો જોઈએ, નહીં તો તે સલમાન જેવું જ ભાગ્ય ભોગવશે.”
અભિનવે સલમાન ખાન વિશે કહ્યું હતું કે, “સલમાન ખાન અને તેના પરિવાર વિશે મારો અભિપ્રાય એ જ છે. તે કોઈ સામાન્ય વ્યક્તિ નથી; તે એક દોષિત ગુનેગાર છે. તે જામીન પર બહાર છે. ગુનેગાર ગુનેગાર જ હોય છે અને હું આવી ઘણી બધી બાબતો જાણું છું.” ત્યારબાદ સલમાને બિગ બોસના સ્ટેજ પર તેનું નામ લીધા વિના તેને યોગ્ય જવાબ આપ્યો.
