Celebrity Birthday | આ એકટ્રેસ બોલીવુડની ટોપ એકટ્રેસમાંથી એક છે. ફિલ્મી પરિવારમાંથી આવતી કાજોલે 17 વર્ષની ઉંમરે બોલિવૂડમાં પ્રવેશ કર્યો હતો.6 ફિલ્મફેર એવોર્ડ્સ સહિત 40 થી વધુ વિવિધ એવોર્ડ્સ જીતનાર કાજોલ ત્રણ દાયકાથી વધુ સમયથી ઇન્ડસ્ટ્રીમાં સક્રિય છે. કાજોલે તેની કારકિર્દીમાં રોમેન્ટિક ભૂમિકાઓ,નેગેટિવ ભૂમિકાઓ અને તાજતેરમાં માતાની ભૂમિકા ભજવી છે.
આ એકટ્રેસ હજુ પણ ઇન્ડસ્ટ્રીમાં સક્રિય છે અને મુખ્ય ભૂમિકાઓવાળી ફિલ્મો કરી રહી છે. આજે તેનો 51 મો જન્મદિવસ ઉજવી રહી છે. અહીં સેલિબ્રિટી બર્થ ડે સિરીઝમાં જાણો તેની જાણી અજાણી વાતો
કાજોલ બર્થ ડે (Kajol Birthday)
કાજોલનો જન્મ 5 ઓગસ્ટ 1974 ના રોજ મુંબઈમાં થયો હતો. કાજોલ એક મોટા ફિલ્મી પરિવારમાંથી આવે છે. તે પીઢ અભિનેત્રી તનુજા અને દિગ્દર્શક-નિર્માતા શોમુ મુખર્જીની પુત્રી છે. સુપ્રસિદ્ધ અભિનેત્રી નૂતન તેની કાકી છે. તેના મામા શોભના સમર્થ અને મામા રતન બાઈ પણ ફિલ્મી દુનિયામાંથી આવ્યા હતા. તેના કાકા જોય મુખર્જી અને દેવ મુખર્જી ફિલ્મ અભિનેતા હતા.
કાજોલના દાદા શશધર મુખર્જી અને મામા કુમારસેન સમર્થ ફિલ્મ નિર્માતા હતા. જ્યારે અભિનેત્રી રાની મુખર્જી, અભિનેતા મોહનીશ બહલ અને દિગ્દર્શક અયાન મુખર્જી કાજોલના પિતરાઈ ભાઈ-બહેન છે. કાજોલે 1999 માં અભિનેતા અજય દેવગન સાથે લગ્ન કર્યા હતા.
કાજોલ મુવી કરિયર (Kajol Movie Career)
કાજોલએ 17 વર્ષની ઉંમરે તેણે પોતાની કારકિર્દીની શરૂઆત 1992 માં ફિલ્મ ‘બેખુદી’ થી કરી હતી. કાજોલ તેની પહેલી ફિલ્મ દરમિયાન શાળામાં હતી. તેની કારકિર્દીની બીજી ફિલ્મ શાહરૂખ ખાનની ‘બાઝીગર’ હતી. ‘બાઝીગર’ બોક્સ ઓફિસ પર સફળ રહી હતી અને તે વર્ષની સૌથી વધુ કમાણી કરનાર ફિલ્મોમાં તેનો સમાવેશ થતો હતો. આ પછી તે ‘ઉધર કી ઝિંદગી’, ‘યે દિલ્લગી’, ‘હલચુલ’ અને ‘ગુંડારાજ’ જેવી ફિલ્મોમાં જોવા મળી હતી.
દિલવાલે દુલ્હનિયા લે જાયેંગે (Dilwale Dulhania Le Jayenge)
કાજોલના કરિયર માટે વર્ષ 1995 ખૂબ જ ખાસ હતું, કારણ કે આ વર્ષે કાજોલને તેના કરિયરની સૌથી મોટી અને યાદગાર ફિલ્મ મળી હતી. આ તે વર્ષ હતું જ્યારે ‘દિલવાલે દુલ્હનિયા લે જાયેંગે’ રિલીઝ થઈ હતી. આ ફિલ્મ માત્ર તે વર્ષની જ નહીં પરંતુ હિન્દી સિનેમાના ઇતિહાસમાં સૌથી યાદગાર ફિલ્મ બની હતી. આ ફિલ્મ માટે કાજોલને બેસ્ટ અભિનેત્રીનો પહેલો ફિલ્મફેર એવોર્ડ પણ મળ્યો હતો. તે જ વર્ષે, સલમાન ખાન અને શાહરૂખ ખાનની ‘કરણ અર્જુન’ પણ કાજોલના ખાતામાં એક હિટ ફિલ્મ બની હતી.
કાજોલ કુછ કુછ હોતા હૈ (Kajol Kuch Kuch Hota Hai)
કાજોલના કરિયર માટે 1998 નું વર્ષ ખૂબ જ સફળ રહ્યું. આ વર્ષે કાજોલે ઘણી હિટ ફિલ્મો આપી હતી. જેમાં ‘પ્યાર કિયા તો ડરના ક્યા’, ‘પ્યાર તો હોના હી થા’, ‘કુછ કુછ હોતા હૈ’ અને ‘દુશ્મન’નો સમાવેશ થાય છે. ‘કુછ કુછ હોતા હૈ’ માટે, કાજોલને બેસ્ટ એકટ્રેસનો બીજો ફિલ્મફેર એવોર્ડ પણ મળ્યો હતો.
કાજોલ અજય દેવગણ લગ્ન (Kajol Ajay Devgan Marriage)
કાજોલ અને અજય દેવગણ સાથેના લગ્નના બે વર્ષ પછી કાજોલને એક હિટ ફિલ્મ મળી હતી. કાજોલે 1999 માં અભિનેતા અજય દેવગન સાથે લગ્ન કર્યા હતા. લગ્ન પછી કાજોલની પહેલી રિલીઝ થયેલી ફિલ્મ અજય દેવગન સાથે ‘દિલ ક્યા કરે’ હતી. આ ફિલ્મ બોક્સ ઓફિસ પર ફ્લોપ રહી હતી. આ પછી કાજોલની કેટલીક વધુ ફિલ્મો પણ ફ્લોપ રહી હતી. લગ્ન બાદ કાજોલને 2001 માં રિલીઝ થયેલી કરણ જોહરની ‘કભી ખુશી કભી ગમ’ના રૂપમાં તેની પહેલી હિટ ફિલ્મ મળી હતી.
કાજોલ ઓટીટી ડેબ્યૂ
કાજોલે વર્ષ 2021 માં ફિલ્મ ‘ત્રિભંગા’ થી પણ ઓટીટી માં ડેબ્યૂ કર્યું હતું. આ પછી કાજોલ ‘લસ્ટ સ્ટોરીઝ 2’, ‘ધ ટ્રાયલ’, ‘દો પટ્ટી’ અને તાજેતરમાં ઓટીટી પર રિલીઝ થયેલી ‘સરઝમીન’ જેવા પ્રોજેક્ટ્સમાં જોવા મળી છે. આ ઉપરાંત કાજોલ આ વર્ષે ફિલ્મ ‘મા’ માં મુખ્ય ભૂમિકામાં પણ જોવા મળી છે.
