રાઘવ ચઢ્ઢા અને પરિણીતી ચોપરાએ 13મી મેના રોજ સગાઈ કરીને તેના સંબંધની સત્તાવાર જાહેરાત કરી હતી. આ સેરેમનીની ઘણી ક્લિપ્સ સામે આવી છે જેમાં કપલ પ્રેમમાં ડૂબેલા જોવા મળે છે. આ પાવર કપલની સગાઈમાં દિલ્હીના સીએમ અરવિંદ કેજરીવાલ અને પંજાબના સીએમ ભગવંત માન પણ હાજર રહ્યા હતા. ગ્લોબલ સ્ટાર અને પરીની બહેન પ્રિયંકા ચોપરાએ પણ હાજરી આપી હતી. સગાઇ કર્યા પછી રાઘવ ચઢ્ઢાએ મંગળવારે ઇન્સ્ટાગ્રામ હેન્ડલ પર તસવીરો શેર કરીને કેપ્શનમાં લખ્યું છે કે, પરિણીતીના આવ્યા પછી કેવી રીતે મારું જીવન બદલાઇ ગયું છે.
રાઘવ ચઢ્ઢાએ તસવીરો શેર કરીને લખ્યું છે કે, ‘એક દિવસ, આ સુંદર છોકરીએ મારા જીવનમાં પ્રવેશ કર્યો, હંસી અને ચમકની આભા ઉમેરીને તેને ઉજ્જવળ બનાવી દીધું છે. આશ્વત કરનાર આલિંગન અનંત પ્રેમ અને સમર્થનનું વચન આપે છે. તેમાં કોઇ આશ્વર્ય નથી કે, અમારી સગાઇ એક એવો ખુશીનો અવસર હતો જેમાં ખુશીના આંસુ, સ્મિત અને મસ્તીભર્યા નૃત્યએ અમારા પ્રિયજનોને વધુ નિકટ લાવ્યા. એકદમ પંજાબી રીતે’.
રાઘવ ચઢ્ઢા પહેલા પરિણીતી ચોપરાએ સગાઇની અનસીન તસવીરો શેર કરી હતી અને તેમની પ્રેમગાથી કેવી રીતે શરૂ થઇ હતી તે અંગે જણાવ્યું હતું. પરિણીતીએ જણાવ્યું હતું કે, એક બ્રેકફાસ્ટ સાથે લીધું અને હું જાણી ગઈ હતી કે મને આખરે તે મળી ગયો છે. સૌથી અદ્દભુત માણસ છે, જે શાંત અને પ્રેરણાદાયી છે. તેનો સપોર્ટ, હ્યુમર, સમજણશક્તિ અને મિત્રતા શુદ્ધ છે. તે મારું ઘર છે.
અમારી એન્ગેજમેન્ટ પાર્ટી એક સપનું પુરું થવા સમાન હતી, જે પ્રેમ, હાસ્ય, લાગણી અનો ડાન્સથી ભરેલી હતી. અમે ભેટ્યા ત્યારે અમારા પ્રિયજનોએ તેનું સેલિબ્રેશન કર્યું હતું અને અમે લાગણીઓમાં વહી ગયા હતા.
એક નાનકડી છોકરી, જેને રાજકુમારીની કહાણીઓ પસંદ હતી, મેં મારી પરીકથા કેવી રીતે શરૂ થશે તે ઈમેજિન કર્યું હતું. તે શરૂ થઈ છે અને મેં જે ધાર્યું હતું તેના કરતાં વધારે સારી છે’. સબા પટૌડી, કનિકા કપૂર તેમજ શાહિન ભટ્ટ સહિતના સેલેબ્સ અને ફેન્સે ફરીથી કપલને અભિનંદન પાઠવ્યા છે. તો એક્ટ્રેસના ભાઈ શિવાંગ ચોપરાએ લખ્યું છે ‘દિવસનું સૌથી ખાસ રિમાઈન્ડર’.
રાઘવ ચઢ્ઢા અને પરિણીતી ચોપરા લંડન ઓફ સ્કૂલ ઓફ ઈકોનોમિક્સમાં સાથે ભણતા હતા. ત્યારથી તેઓ સારા મિત્રો હતા. જો કે, તેમની મિત્રતા ગત વર્ષે પ્રેમમાં પરિણમી હતી. જ્યારે એક્ટ્રેસ પંજાબમાં તેની આગામી ફિલ્મ ‘ચમકિલા’નું શૂટિંગ કરી રહી હતી. તે સમયે મિત્ર તરીકે રાઘવ પરિણીતીને મળવા ગયો હતો અને આમ તેમની વચ્ચે પ્રેમ પાંગર્યો હતો.
આ પણ વાંચો: પરિણીતી ચોપરા અને રાઘવ ચઢ્ઢા લવ સ્ટોરી, જુઓ સગાઇની અનસીન તસવીર
આ વાતની ગંધ તેમણે કોઈને આવવા દીધી નહોતી. ગત મહિને જ્યારે બંને ઉપરાઉપરી બે દિવસ લંચ અને ડિનર ડેટ પર જતા દેખાયા ત્યારે તેમની વચ્ચે કંઈક ચાલી રહ્યું હોવાના રિપોર્ટ્સ વહેતા થયા હતા. કપલ ઓક્ટોબરમાં લગ્ન કરશે તેવી શક્યતા છે.
