Raveena Tandon Akshay Kumar Breakup Story : આજે 26 ઓક્ટોબરે બોલિવૂડની હોટ ગર્લ રવીના ટંડનનો જન્મદિવસ છે. તેની અંગત લાઇફથી લઈને વ્યાવસાયિક જીવન સુધીની દરેક બાબતો ચર્ચામાં રહે છે. આજે પણ ચાહકોમાં અભિનેત્રીનો ચાર્મ અકબંધ છે. ઉપરાંત, લોકો હજુ પણ તેના અને અક્ષય કુમારના બ્રેકઅપનું કારણ જાણવા માંગે છે. ઘણા ચાહકોના મનમાં આ પ્રશ્ન વારંવાર ઉઠે છે કે તેમનું બ્રેકઅપ ક્યારે અને કેવી રીતે થયું? તો ચાલો આજે જાણીએ એ પાર્ટી વિશે જેમાં અક્ષયની એક ભૂલને કારણે તે અને રવીના કાયમ માટે અલગ થઇ ગયા .
એક સમય હતો જ્યારે રવીના ટંડન બોલિવૂડના ખેલાડી અક્ષય કુમારના પ્રેમમાં પાગલ હતી. બંનેના લગ્ન થવાના હતા. પરંતુ અક્ષયની એક મોટી ભૂલે બધું બરબાદ કરી નાખ્યું. આ પછી તેમનો સંબંધ પત્તાની જેમ વિખેરાય ગયો. આ 90ના દાયકાની વાત છે જ્યારે અક્ષય અને રવીનાની ફિલ્મ ‘મોહરા’નું શૂટિંગ ચાલી રહ્યું હતું. સાથે કામ કરતી વખતે બંનેનું અફેર શરૂ થયુ હતું. તેમની ફિલ્મો માત્ર સુપરહિટ જ નથી રહી, તેમની જોડીને ચાહકોએ ખૂબ પસંદ પણ કરી હતી. આવી સ્થિતિમાં તેઓ ઘણી વખત સાથે જોવા મળ્યા હતા.
એવું કહેવાય છે કે અક્ષય કુમારે તે સમયે વચન આપ્યું હતું કે તેની ફિલ્મનું શૂટિંગ પૂરું થતાં જ તે રવીના સાથે લગ્ન કરી લેશે. આટલું જ નહીં, એવી અફવા છે કે દંપતીએ કોઈને જાણ કર્યા વિના મંદિરમાં ગુપ્ત રીતે સગાઈ કરી લીધી હતી. ત્યારે અભિનેતા અક્ષય કુમાર ઈચ્છતો હતો કે રવીના ટંડન લગ્ન પછી ફરી ક્યારેય ફિલ્મોમાં કામ ન કરે.
આ સાથે રવીના પણ અક્ષયની આ શરત માટે રાજી થઈ ગઈ હતી. પ્રેમમાં અંધ બનેલી અભિનેત્રીએ તો બધું જ છોડી દેવાનો નિર્ણય પણ કરી લીધો હતો. પરંતુ ત્યારબાદ અક્ષય કુમારની લોકપ્રિય ફિલ્મ ‘ખિલાડીઓ કા ખિલાડી’ રીલિઝ થઈ અને તેનું નામ રેખા સાથે જોડાવા લાગ્યું.
તે દિવસોમાં રેખા અને અક્ષયની કેમેસ્ટ્રીની ચારેબાજુ ચર્ચા થતી હતી. દરમિયાન, એક મોટી પાર્ટી હતી જ્યાં ફક્ત આ ત્રણ જ હાજર હતા. પરંતુ આખી પાર્ટીમાં અક્ષયનું ધ્યાન રેખા પર જ કેન્દ્રિત રહ્યું હતું. તે જ સમયે, રવીના ટંડનને રેખા અને અક્ષયની મોડી રાત સુધી પાર્ટી કરવી બિલકુલ પસંદ નહોતી. આ પછી, અક્ષયની આ ભૂલે તેમના સંબંધોને હંમેશા તોડી નાંખ્યા. ત્યારબાદ રવીના અને અક્ષયનું બ્રેકઅપ થઈ ગયું. જો કે, હવે અભિનેત્રી તેના પતિ અનિલ થડાની સાથે ખૂબ જ ખુશ છે.
