રવિના ટંડને ટીવી ઇન્ડસ્ટ્રીમાં મહિલાઓનું શાસન અને પુરૂષો કરતા વધુ પગાર પર આપી પ્રતિક્રિયા

એક જમાનાની ફેમસ અભિનેત્રી રવિના ટંડને ઘણી ફિલ્મોમાં પોતાની શાનદાર એક્ટિંગનો જલવો બતાવ્યો છે. આ સાથે તે દરેક મુદ્દા પર પણ ખુલીને વાત કરવા માટે જાણીતી છે. ત્યારે રવિના ટંડન તાજેતરમાં 26 એપ્રિલ બુધવારે મન કી બાત કાર્યક્રમ પર નેશનલ કોન્કલેવમાં ઉપસ્થિત રહી હતી. આ કાર્યક્રમ અંતર્ગત તેણે મનોરંજન ઉદ્યોગમાં કામ કરતી મહિલાઓ વિશે વાત કરી.

રવિના ટંડને પોતાના નિવેદનમાં કહ્યું હતું કે, 'અમે પગારની અસમાનતા વિશે વાત કરીએ છીએ, પરંતુ આજે ટીવી ઉદ્યોગમાં મહિલાઓને તેમના પુરૂષ સમકક્ષો કરતાં ઘણો વધારે પગાર મળે છે, જે એક મહાન બાબત છે કારણ કે તેઓ આ પ્રકારનું કામ કરી રહી છે. અને હું માનું છું કે આપણામાં મહિલાઓનું શાસન છે. ટીવી ઉદ્યોગ અને OTT પ્લેટફોર્મ પર પણ. જેમાં મોટાભાગની મહિલાઓ લીડ રોલ કરી રહી છે.

વધુમાં રવિના ટંડને કહ્યું કે, 'આપણે ફિલ્મ ઇન્ડસ્ટ્રીમાં ધીમે ધીમે ચોક્કસ વધી રહ્યા છીએ કારણ કે તે શરૂઆતથી જ પુરૂષો દ્વારા સંચાલિત ઉદ્યોગ છે, પરંતુ તેમાં ચોક્કસપણે પરિવર્તન આવ્યું છે. આપણી સ્ત્રીઓએ રૂઢિપ્રથા તોડી નાખી છે અને હવે આપણે પુરુષના ગઢમાં પ્રવેશ્યા છીએ.

રવિના ટંડને આગળ કહ્યું, 'આજે દુનિયામાં બદલાવ આવ્યો છે. તમામ ટોચની પોસ્ટમાં પછી ભલે તે ફોટોગ્રાફીના નિર્દેશક હોય, આપણા કોરિયોગ્રાફર હોય, આપણા દિગ્દર્શક હોય, નિર્માતા હોય, પ્લેટફોર્મ ચીફ હોય કે ચેનલ હોય, દરેક જગ્યાએ વડાઓ માત્ર મહિલાઓ જ હોય ​​છે. અમને જે તકો મળવી જોઈએ તે મળી રહી છે. નિર્માતા તરીકે એક મહિલા આ મુદ્દાઓને સમજે છે. તે સંવેદનશીલતાને સમજે છે. તે આ મુદ્દાઓને સમજે છે. એટલા માટે અમને વધુ તકો મળી રહી છે'.

આ પણ વાંચો: આલિયા ભટ્ટે ખોલ્યા રાજ, દીકરી રાહાને પ્રેમથી બોલાવે છે આ નામથી, જાણો કારણ

રવિના ટંડનના વર્કફ્રન્ટ અંગે વાત કરીએ તો છેલ્લે ફિલ્મ KGF ચેપ્ટર 2 માં જોવા મળી હતી, જેમાં તેણે સુપરસ્ટાર યશ સાથે કામ કર્યું હતું. સંજય દત્ત પણ આ ફિલ્મનો ભાગ હતો. હવે રવિના ટંડન 'ઘુડછડી'માં જોવા મળશે, જે એક રોમેન્ટિક કોમેડી ડ્રામા ફિલ્મ છે.