Salaar Cast Fee : પ્રભાસએ સાલાર માટે લીધી તગડી ફી, જાણો ફિલ્મની સ્ટાક કાસ્ટની ફી

Salaar Cast Fee : સાઉથ સુપરસ્ટાર પ્રભાસ અને શ્રુતિ હાસન અપકમિંગ ફિલ્મ 'સાલાર'ને લઈ ખુબ ચર્ચાઓ ચાલી રહી છે. સાલાર 22 ડિસેમ્બરના રોજ સિનેમાઘરોમાં રિલીઝ થશે. જે શાહરૂખ ખાનની ડંકી સામે ટકરાશે. ડંકી આગામી 21 ડિસેમ્બરે રિલીઝ થઇ રહી છે. ત્યારે આ બંને ફિલ્મનું એડવાન્સ બુકિંગ શરૂ થઇ ગયું છે. જેમાં સાલાર ડંકી પર ભારે પડી રહી હોય તેવું લાગી રહ્યું છે. આજે અમે તમને જણાવી શું કે, આ ફિલ્મ સાથે જોડાયેલી સ્ટારકાસ્ટે આ ફિલ્મ માટે કેટલો ચાર્જ લીધો છે.

ઉલ્લેખનીય છે કે, સાલાર આ ફિલ્મે કરોડોના ખર્ચે બનનારી ફિલ્મ બની છે. સાલારના અભિનેતાએ તો ફિલ્મ માટે મસમોટી ફિલ્મ લીધી છે. રિપોર્ટ અનુસાર સાલાર માટે પ્રભાસે 100 કરોડની ફી લીધી છે અને ફિલ્મના પ્રોફિટનો 10 ટકા ભાગ પણ લીધો છે.

સાલાર ફિલ્મ જોવા મળનારી કમલ હાસનની પુત્રી શ્રુતિ હાસને આ ફિલ્મ માટે 8 કરોડ રુપિયાનો ચાર્જ લીધો છે. શ્રુતિ આ ફિલ્મમાં લીડ અભિનેત્રી તરીકે જોવા મળશે. પૃથ્વીરાજ સુકુમારનનું ફિલ્મનું પાત્ર વર્ધારાજ મન્નાર છે. તેનો લુક અલગ જ છે. ગળામાં ભારે ભરખમ ચોકર પહેર્યો છે. પૃથ્વીરાજનો લુક ડરાવી દેનાર છે. આ ફિલ્મ માટે પૃથ્વીરાજે 4 કરોડ રુપિયાની ફી લીધી છે.

જગપતિ બાબુ સાઉથ ઈન્ડિયન સિનેમામાં એક મોટું નામ છે. તેમણે અનેક ફિલ્મોમાં શાનદાર રોલ પ્લે કર્યો છે. ફિલ્મ સાલાર માટે તેમણે કરોડો રુપિયા મળ્યા છે.

આ પણ વાંચો : Year Ender 2023 : આ વર્ષે બોલિવૂડની આ સુપરહિટ મુવીના ફેમસ ડાયલોગ્સ લોકમુખે રમતા થયા, એક નજર કરો

થોડા સમય પહેલા એવા સમાચાર આવ્યા હતા કે પ્રશાંત નીલે ફિલ્મ 'KGF' પછી પોતાની ફી વધારી દીધી છે. પ્રશાંતે 'KGF' માટે લગભગ 25 કરોડ રૂપિયા ચાર્જ કર્યા હતા, એવો અંદાજ લગાવવામાં આવી રહ્યો છે કે 'KGF' ડિરેક્ટરે આ ફિલ્મ માટે 50 કરોડ રૂપિયાની ફી લીધી છે.