scorecardresearch

ગુજરાતમાં ભાજપ-કોંગ્રેસને પતિ-પત્ની ગણાવી આપને ‘વો’ બતાવી એન્કરે કહ્યું, કેટલી મુશ્કેલી રહી? જેપી નડ્ડાએ આપ્યો આવો જવાબ

Gujarat Election 2022 : ગુજરાત વિધાનસભા ચૂંટણી પરિણામને લઈ એક એન્કરે (anchor) જેપી નડ્ડા (JP Nadda) ને કહ્યું ગુજરાતમાં ભાજપ-કોંગ્રેસ (BJP-Congress) પતિ-પત્ની (husband and wife) જેવા તો આપ વો, તો કેવી મુશ્કેલી રહી.

ગુજરાતમાં ભાજપ-કોંગ્રેસને પતિ-પત્ની ગણાવી આપને ‘વો’ બતાવી એન્કરે કહ્યું, કેટલી મુશ્કેલી રહી? જેપી નડ્ડાએ આપ્યો આવો જવાબ
જે પી નડ્ડા (ફોટો – એક્સપ્રેસ)

Gujarat Election 2022 : ગુજરાત ચૂંટણી (Gujarat Election) ના પરિણામો સામે આવી ગયા છે. ભાજપે (BJP) ફરી એકવાર ઐતિહાસિક જીત મેળવીને ગુજરાતમાં સત્તા જાળવી રાખી છે. એક ટીવી એન્કરે ભારતીય જનતા પાર્ટીના પ્રમુખ જેપી નડ્ડા (J P Nadda) ને તેમની જીત પર પૂછ્યું કે, તમે બંને (ભાજપ-કોંગ્રેસ) ગુજરાતમાં (Gujarat) પતિ-પત્નીની જેમ ખુશીથી જીવો છો. પરંતુ આ વખતે વો (આમ આદમી પાર્ટી) પણ મેદાનમાં આવી. તમારા માટે આ કેટલું મુશ્કેલ હતું? તેના જવાબમાં ભાજપ અધ્યક્ષ જેપી નડ્ડાએ કહ્યું કે અમે (BJP-Congress) પતિ-પત્ની નથી.

જેપી નડ્ડાનો સંપૂર્ણ જવાબ

ભારતીય જનતા પાર્ટી (BJP)ના અધ્યક્ષ જેપી નડ્ડાએ એન્કરના આ સવાલનો જવાબ આપતાં કહ્યું કે, પતિ-પત્ની કહેવું યોગ્ય નથી કારણ કે આવો ખ્યાલ આપણી વિચારસરણી બદલી નાખે છે. તેઓ વિરોધ પક્ષ હતા અને અમે સત્તામાં હતા. અમે મુદ્દાઓ પર લડવાના હતા. અમે કોંગ્રેસને કોઈ સૂચન આપવાના નથી. કોંગ્રેસ પોતાના ભાગ્ય પર જ્યાં જવા માંગે ત્યાં જાય. તેમણે વધુમાં કહ્યું કે જ્યાં સુધી ‘વો’નો સંબંધ છે, તે શબ્દ સાચો છે કારણ કે વો (AAP) છે.

બનારસ અને ઉત્તરાખંડ પર કટાક્ષ

આ સવાલના જવાબમાં જેપી નડ્ડાએ આમ આદમી પાર્ટી વિશે કહ્યું કે, પાર્ટીની પ્રતિષ્ઠા હોવી જોઈએ. તે પહેલા (AAP) બનારસ ગઈ, હારીને પાછા આવ્યા અને માફી માંગી, પછી ઉત્તર પ્રદેશ ગયા અને 350 બેઠકો પર ચૂંટણી લડ્યા, જેમાંથી 349 પર જમાનત જપ્ત થઈ, ઉત્તરાખંડમાં ડિપોઝીટ જપ્ત થઈ.

આ અંગે ચર્ચા થવી જોઈએ. આ દરમિયાન જેપી નડ્ડાએ આમ આદમી પાર્ટીના પ્રચારની રીત પર પણ પ્રહારો કર્યા અને કહ્યું કે, મોટા પોસ્ટર લગાવવાથી ચૂંટણી જીતવામાં આવતી નથી.

કેજરીવાલના IB રિપોર્ટના દાવા પર નડ્ડાએ કહ્યું

દિલ્હીના મુખ્યમંત્રી અરવિંદ કેજરીવાલે દાવો કર્યો હતો કે, ઈન્ટેલિજન્સ બ્યુરો (IB)ના રિપોર્ટમાં કહેવામાં આવ્યું છે કે ગુજરાતમાં આમ આદમી પાર્ટી ઓછા માર્જિન સાથે સરકાર બનાવશે.

આ પણ વાંચોગુજરાત વિધાનસભા ચૂંટણી પરિણામ 2022: તમારા જિલ્લાની કઈ બેઠક પર કયા ઉમેદવારની જીત થઈ

આ અંગે બીજેપી અધ્યક્ષ જેપી નડ્ડાએ કહ્યું કે, એક શપથ લઈને મુખ્યમંત્રી બનેલા વ્યક્તિએ આવા ખોટા દાવા ન કરવા જોઈએ. આ કેવો પક્ષ અને નેતા છે જે આવા ખોટા દાવા કરે છે. જો તેમની પાસે રિપોર્ટ હોય તો તેમણે તે સાર્વજનિક કેમ ન કર્યો?

Web Title: Bjp congress husband and wife in gujarat and aap wo anchor said how much trouble jp nadda answer

Best of Express