પૂર્વ IPS ઓફિસર સંજીવ ભટ્ટને કોર્ટે આપી મોટી રાહત, 27 વર્ષ જૂના કેસમાં નિર્દોષ જાહેર

Former IPS officer Sanjiv Bhatt: ભૂતપૂર્વ IPS અધિકારી સંજીવ ભટ્ટને 27 વર્ષ જૂના કસ્ટોડિયલ ટોર્ચર કેસ (1997)માં નિર્દોષ જાહેર કરવામાં આવ્યા છે. ગુજરાતના પોરબંદરની એક કોર્ટે આ નિર્ણય આપ્યો છે. કોર્ટે કહ્યું કે ફરિયાદ પક્ષ 'ચાર્જ સાબિત' કરી શક્યું નથી. એડિશનલ ચીફ જ્યુડિશિયલ મેજિસ્ટ્રેટ મુકેશ પંડ્યાએ શનિવારે પોરબંદરના તત્કાલિન પોલીસ અધિક્ષક (એસપી) ભટ્ટને ભારતીય દંડ સંહિતાની કલમો હેઠળ તેમની સામે નોંધાયેલા કેસમાં પુરાવાના અભાવે નિર્દોષ જાહેર કર્યા હતા.

રાજસ્થાનના એક વકીલને ફસાવવાનો મામલો

અગાઉ સંજીવ ભટ્ટને 1990માં જામનગરમાં કસ્ટોડિયલ ડેથના કેસમાં આજીવન કેદની અને 1996ના પાલનપુરમાં રાજસ્થાનના વકીલને ફસાવવા માટે ડ્રગ્સ રાખવાના કેસમાં 20 વર્ષની જેલની સજા ફટકારવામાં આવી હતી. હાલમાં તે રાજકોટ સેન્ટ્રલ જેલમાં બંધ છે.

ગુનો કબૂલ કરવા દબાણ કરાયું

કોર્ટે જણાવ્યું હતું કે ફરિયાદી 'આરોપોને સાબિત કરી શક્યું નથી' કે ફરિયાદીને ગુનાની કબૂલાત કરવાની ફરજ પાડવામાં આવી હતી અને ખતરનાક હથિયારોનો ઉપયોગ કરીને અને ધમકીઓ આપીને તેને આત્મસમર્પણ કરવાની ફરજ પાડવામાં આવી હતી. આ સાથે કોર્ટે એ હકીકતની પણ નોંધ લીધી હતી કે, તે સમયે જાહેર સેવક એવા આરોપીઓ સામે કાર્યવાહી કરવા માટે કેસમાં જરૂરી મંજૂરી લેવામાં આવી ન હતી.

આ પણ વાંચો: ધો-10 પાસ ચાવાળો KBC-16 માં જીત્યો મોટી રકમ

ખતરનાક હથિયારોથી ઇજા પહોંચાડી

સંજીવ ભટ્ટ અને કોન્સ્ટેબલ વજુભાઈ ચાઉ સામે ભારતીય દંડ સંહિતાની કલમ 330 (કબૂલાત માટે ઈજા પહોંચાડવી) અને 324 (ખતરનાક હથિયારોથી ઈજા પહોંચાડવી) હેઠળ ગુનો નોંધવામાં આવ્યો હતો. કોન્સ્ટેબલ વજુભાઈના મૃત્યુ બાદ તેમની સામેનો કેસ પડતો મૂકવામાં આવ્યો હતો.

શારીરિક અને માનસિક ત્રાસ આપવામાં આવ્યો

નારણ જાદવ નામની વ્યક્તિની ફરિયાદના આધારે બંને વિરુદ્ધ કેસ નોંધવામાં આવ્યો હતો. જેમણે આરોપ લગાવ્યો હતો કે આતંકવાદી અને વિક્ષેપકારક પ્રવૃત્તિઓ (નિવારણ) અધિનિયમ (ટાડા) અને આર્મ્સ એક્ટ હેઠળ કબૂલાત કરવા માટે પોલીસ કસ્ટડીમાં તેમને શારીરિક અને માનસિક ત્રાસ આપવામાં આવ્યો હતો. માનસિક ત્રાસ આપવામાં આવ્યો હતો.