Gujarat Weather Update : ગુજરાતમાં નવરાત્રીનો છેલ્લો દિવસ બગાડશે વરસાદ, આ વિસ્તારમાં પડશે વરસાદ, 24 કલાકમાં 77 તાલુકામાં વરસાદ

Gujarat Rain Forecast (ગુજરાતમાં વરસાદની આગાહી): આજે શુક્રવાર 11 ઓક્ટોબ 2024ના રોજ નવરાત્રીનું છેલ્લુ નોરતું છે. આજનો દિવસ ખેલૈયાઓ માટે ચિંતાનો દિવસ છે. કારણ કે આજના દિવસે ગુજરાતમાં મોટા ભાગના વિસ્તારોમાં વરસાદ પડવાની આગાહી હવામાન વિભાગે કરી છે.આજે વરસાદ નવરાત્રીનું છેલ્લું નોરતું બગાડશે. બીજી તરફ છેલ્લા 24 કલાકમાં ગુજરાતના 77 તાલુકામાં વરસાદ નોંધાયો હતો.

છેલ્લા 24 કલાકમાં 77 તાલુકામાં વરસાદ નોંધાયો

નવરાત્રી દરમિયાન વરસાદ પડવાની હવામાન વિભાગની આગાહી વચ્ચે ગુરુવારના દિવસે રાજ્યમાં મેઘરાજાએ આંટો માર્યો હતો. સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે ગુરુવારે સવારે 6 વાગ્યાથી લઈને શુક્રવારે સવારે 6 વાગ્યા 24 કલાકમાં રાજ્યના 77 તાલુકામાં વરસાદ નોંધાયો હતો. જેમાં સૌથી વધારે વરસાદ તાપીના ડોલવાનમાં ત્રણ ઈંચથી વધુ વરસાદ નોંધાયો હતો.

17 તાલુકામાં 1થી 3 ઈંચ વચ્ચે વરસાદ નોંધાયો

સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે ગુરુવારે સવારે 6 વાગ્યાથી લઈને શુક્રવારે સવારે 6 વાગ્યા 24 કલાકમાં રાજ્યના 77 તાલુકામાં વરસાદ નોંધાયો હતો. 17 તાલુકા એવા હતા જ્યાં 1થી 3 ઈંચ વચ્ચે વરસાદ નોંધાયો હતો.

રાજ્યમાં ક્યાં કેટલો વરસાદ નોંધાયો

ગુજરાતમાં આજે ક્યાં વરસાદ પડશે?

હવામાન વિભાગની આગાહી પ્રમાણે આજે 11 ઓક્ટોબર 2024, નવરાત્રીના છેલ્લો દિવસે શુક્રવારે ઉત્તર ગુજરાતના અરવલ્લીમાં તેમજ ખેડા, અમદાવાદ, આણંદ, પંચમહાલ, દાહોદ અને મહિસાગરમાં વરસાદ પડી શકે છે.

આ ઉપરાંત વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલીમાં પવન સાથે વરસાદ પડી શકે છે. સૌરાષ્ટ્રની વાત કરીએ તો સૌરાષ્ટ્રમાં જૂનાગઢ, અમરેલી, ભાવનગર, ગીર સોમનાથ, દીવ ઉપરાંત કચ્છમાં પણ વરસાદ પડી શકે છે.