Gujarat Weather winter updates, winter forecast, ગુજરાત હવામાન ઠંડીની આગાહી : ગુજરાતમાં ઠંડીનો નવો રાઉન્ડ શરુ થઈ ગયો છે. થોડા દિવસની રાહત બાદ ઠંડીનો ચમકારો વધ્યો છે. રાજ્યમાં તાપમાન 2-4 ડિગ્રી જેટલું લઘુતમ તાપમાન ઘટ્યું હતું. રાજ્યમાં ઠંડા પવાનો ફૂંકાતા લોકો ઠુંઠવાયા છે. જોકે, બપોરના સમયે ગરમીનો પણ અહેસાસ થઈ રહ્યો હતો. નલિયામાં તાપમાન ગગડીને 8 ડિગ્રી નજીક પહોંચ્યું હતું.
નલિયામાં તાપમાન ફરી 8 ડિગ્રી નજીક પહોંચ્યું
ગુજરાતમાં અત્યારે ઠંડીનું પ્રમાણ વધી રહ્યું છે ત્યારે હવામાન વિભાગે આપેલા તાપમાનના આંકડા પ્રમાણે રવિવારે ગુજરાતમાં 8.8 ડિગ્રીથી લઈને 19.4 ડિગ્રી વચ્ચે લઘુતમ તાપમાન નોંધાયું હતું. નલિયામાં થોડા દિવસ તાપમાનમાં ચડ ઉતર થયા બાદ તાપમાન ઘટવા લાગ્યું છે ત્યારે રવિવારે નલિયામાં 8.8 ડિગ્રી લધુત્તમ તાપમાન નોંધાયું હતું. જ્યારે ઓખામાં 19.4 ડિગ્રી તાપમાન રહ્યું હતું.
અમદાવાદ અને ગાંધીનગરમાં ઠંડીનો ચમકારો
રાજ્યમાં ચાલી રહેલા ઠંડા પવનોના ફૂંકાવાના કારણે ઠંડીનો ચમકારો નોંધાયો હતો. અમદાવાદ અને ગાંધીનગરમાં પણ બે દિવસથી તાપમાનમાં ઘટાડો નોંધાયો હતો. રવિવારે અમદાવાદમાં 12 ડિગ્રી અને ગાંધીનગરમાં 11.5 ડિગ્રી લઘુતમ તાપમાન નોંધાયું હતું. આ ઉપરાંત વડોદરામાં 13.6 ડિગ્રી અને સુરતમાં 16.6 ડિગ્રી લઘુતમ તાપમાન રહ્યું હતું.
રાજ્યમાં ક્યાં કેટલી ઠંડી નોંધાઈ?
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 29.8 | 12.0 |
| ડીસા | 29.1 | 10.8 |
| ગાંધીનગર | 27.8 | 11.5 |
| વિદ્યાનગર | 28.3 | 15.2 |
| વડોદરા | 30.0 | 13.6 |
| સુરત | 31.8 | 16.6 |
| વલસાડ | – | – |
| દમણ | 29.8 | 16.2 |
| ભૂજ | 28.4 | 13.4 |
| નલિયા | 30.2 | 08.8 |
| કંડલા પોર્ટ | 28.0 | 14.8 |
| કંડલા એરપોર્ટ | 28.8 | 13.4 |
| અમરેલી | 29.8 | 14.3 |
| ભાવનગર | 27.9 | 15.2 |
| દ્વારકા | 28.3 | 16.7 |
| ઓખા | 26.4 | 19.4 |
| પોરબંદર | 29.5 | 13.3 |
| રાજકોટ | 30.3 | 12.3 |
| વેરાવળ | 27.8 | 15.9 |
| દીવ | 28.3 | 13.5 |
| સુરેન્દ્રનગર | 29.8 | 13.6 |
| મહુવા | 30.4 | 13.1 |
| કેશોદ | 28.6 | 11.1 |
ગુજરાતના તમામ સમાચારો વાંચવા માટે અહીં ક્લિક કરો
48 કલાક સુધી ઠંડીનો ચમકારો યથાવત રહેશે
ગુજરાતમાં જાન્યુઆરી મહિનાના છેલ્લા સપ્તાહમાં ઠંડીમાં સાવ ઘટાડો નોંધાયો હતો. જોકે, ઠંડીએ ફરી વાપસી કરી છે. રાજ્યમાં અત્યારે ઠંડીનો જોરદાર ચમકારો અનુભવાઈ રહ્યો છે ત્યારે આગામી 48 કલાક દરમિયાન ઠંડીમાં કોઈ ઘટાડો નહીં થાય અને આવો જ ચમકારો યથાવત રહેવાની શક્યતાઓ હવામાન વિભાગે સેવી છે.
