Gujarat Weather winter updates, winter forecast, ગુજરાત હવામાન ઠંડીની આગાહી : ગુજરાતમાં બે ત્રણ દિવસથી ઠંડીમાં ઘટાડો થયા બાદ બુધવારે ફરીથી ઠંડીનો પારો ગગડ્યો હતો. બુધવારના દિવસે ઠંડીનો ચમકારો રહ્યો હતો. નલિયામાં ફરીથી ચાર ડિગ્રી જેટલું તાપમાન ગગડ્યું હતું. જોકે, બપોરે ગરમીનો અનુભવ થઈ રહ્યો છે. આગામી દિવસોમાં તાપમાનમાં કોઈ ફેરફાર ન થવાનું હવામાન વિભાગે શક્યતા દર્શાવી છે.
નલિયામાં તાપમાન 4 ડિગ્રી ગગડીને 10 ડિગ્રીએ પહોંચ્યું
ગુજરાતમાં થોડા દિવસ ઠંડીમાં રાહત મળ્યા બાદ ફરીથી ઠંડીએ જોર પકડ્યું છે. હવામાન વિભાગે આપેલા આંકડા પ્રમાણે બુધવારના દિવસે ગુજરાતમાં 10 ડિગ્રીથી લઈને 20.6 ડિગ્રી વચ્ચે લઘુતમ તાપમાન નોંધાયું હતું. નલિયામાં 24 કલાકમાં 4 ડિગ્રી તાપમાન ગગડીને 10 ડિગ્રીએ પહોંચ્યું હતું. જ્યારે ઓખામાં 20.6 ડિગ્રી લઘુતમ તાપમાન નોંધાયું હતું. કેશોદમાં 11.8 ડિગ્રી તાપમાન સાથે રાજ્યનું બીજું સૌથી નીચા તાપમાન વાળું શહેર રહ્યું હતું.
અમદાવાદમાં બે ડિગ્રી ઠંડી વધુ
ગુજરાતમાં ફરીથી ઠંડીનો ચમકારો રહેતા તેની અસર અમદાવાદમાં પણ જોવા મળી હતી. અમદાવાદમાં બે ડિગ્રી જેટલું તાપમાન ગગડીને 14.7 ડિગ્રી પર રહ્યું હતું. જે પહેલા 16.6 ડિગ્રી નોંધાયું હતું. ગાંધીનગરમાં બે ડિગ્રી તાપમાન ઘટીને 12.2 ડિગ્રી રહ્યું હતું. જોકે, બપોરના સમયમાં ગરમીનો અહેસાસ થવા લાગ્યો હતો.
ગુજરાતમાં ક્યાં કેટલી ઠંડી નોંધાઈ?
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 32.5 | 14.7 |
| ડીસા | 32.5 | 16.0 |
| ગાંધીનગર | 31.5 | 12.2 |
| વિદ્યાનગર | 30.7 | 16.6 |
| વડોદરા | 31.6 | 16.2 |
| સુરત | 33.4 | 18.1 |
| વલસાડ | – | – |
| દમણ | 31.0 | 16.8 |
| ભૂજ | 33.5 | 16.4 |
| નલિયા | 29.2 | 10.0 |
| કંડલા પોર્ટ | 32.1 | 15.5 |
| કંડલા એરપોર્ટ | 33.0 | 13.2 |
| અમરેલી | 32.5 | 15.6 |
| ભાવનગર | 31.8 | 16.7 |
| દ્વારકા | 24.8 | 16.0 |
| ઓખા | 27.2 | 20.6 |
| પોરબંદર | 30.6 | 12.9 |
| રાજકોટ | 32.5 | 14.8 |
| વેરાવળ | 31.6 | 18.5 |
| દીવ | 28.0 | 14.4 |
| સુરેન્દ્રનગર | 32.3 | 17.1 |
| મહુવા | 33.0 | 13.6 |
| કેશોદ | 31.7 | 11.8 |
આગામી દિવસોમાં તાપમાનમાં કોઈ ફેરફાર નહીં થાય
ગુજરાતમાં અત્યારે વાતાવરણમાં મીશ્ર વલણ જોવા મળી રહ્યું છે ત્યારે હવામાન વિભાગે આગાહી કરી છે કે આગામી પાંચ દિવસોમાં વાતાવરણણાં કોઈ મોટો ફેરફાર નહીં નોંધાય. આગામી દિવસોમાં તાપમાન યથાવત રહેશે.
