Gujarat Weather winter updates, winter forecast, ગુજરાત હવામાન ઠંડીની આગાહી : ગુજરાતમાં શિયાળો ધીમે ધીમે અંત તરફ આગળ વધી રહ્યો છે ત્યારે રાજ્યમાં ઠંડીનો છેલ્લો રાઉન્ડ શરૂ થઈ ગયો છે. જાન્યુઆરીના છેલ્લા સપ્તાહમાં ઠંડીમાં એકદમ ઘટાડો નોંધાયા બાદ ફેબ્રુઆરીની શરુઆતથી ઠંડીનું જોર વધવા લાગ્યું હતું. ત્યારે રાજ્યમાં અત્યારે 15 ડિગ્રીની આસપાસ લઘુતમ તાપમાન જોવા મળી રહ્યું છે. અને આગામી 24 કલાક બાદ હજી પણ બે ત્રણ ડિગ્રી તાપમાન ઘટવાની શક્યતા હવામાન વિભાગે સેવી છે.
અમદાવાદ અને ગાંધીનગરમાં માં 5 ડિગ્રી જેટલું તાપમાન ઉચકાયું
એક તરફ રાજ્યમાં ઠંડીનો ચમકારો અનુભવાઈ રહ્યો છે ત્યારે બીજી તરફ અમદાવાદ જેવા મેટ્રો શહેરમાં તાપમાનમાં એકાએક વધારો નોંધાયો હતો. અમદાવાદ શહેરમાં 24 કલાકમાં 5 ડિગ્રી જેટલું તાપમાન ઉંચકાયું હતું. સોમવારે શહેરમાં 17 ડિગ્રી લઘુતમ તાપમાન નોંધાયું હતું. જે આગલા દિવસે 12 ડિગ્રી રહ્યું હતું. આ ઉપરાંત રાજ્યના પાટનગરમાં પણ ઠંડીનો પારો ઉચકાતો દેખાયો હતો. ગાંધીનગરમાં 15.5 ડિગ્રી લઘુતમ તાપમાન નોંધાયું હતું.
નલિયામાં 8.6 ડિગ્રી લઘુતમ તાપમાન સાથે રાજ્યનું સૌથી ઠંડું શહેર રહ્યું
ગુજરાતમાં અત્યારે ઠંડીનું પ્રમાણ વધી રહ્યું છે ત્યારે હવામાન વિભાગે આપેલા તાપમાનના આંકડા પ્રમાણે રવિવારે ગુજરાતમાં 8.6 ડિગ્રીથી લઈને 20.8 ડિગ્રી વચ્ચે લઘુતમ તાપમાન નોંધાયું હતું. નલિયામાં થોડા દિવસ તાપમાનમાં ચડ ઉતર થયા બાદ તાપમાન ઘટવા લાગ્યું છે ત્યારે સોમવારે નલિયામાં 8.6 ડિગ્રી લધુત્તમ તાપમાન નોંધાયું હતું. જ્યારે ઓખામાં 20.8 ડિગ્રી તાપમાન રહ્યું હતું.
ગુજરાતમાં ક્યાં કેટલી ઠંડી નોંધાઈ?
| શહેર | મહત્તમ તાપમાન (ડિગ્રીમાં) | લઘુતમ તાપમાન (ડિગ્રીમાં) |
| અમદાવાદ | 31.8 | 17.0 |
| ડીસા | 28.6 | 15.2 |
| ગાંધીનગર | 30.2 | 15.5 |
| વિદ્યાનગર | 29.1 | 15.6 |
| વડોદરા | 32.0 | 16.8 |
| સુરત | 31.6 | 17.2 |
| વલસાડ | – | – |
| દમણ | 29.0 | 16.4 |
| ભૂજ | 28.8 | 13.8 |
| નલિયા | 29.2 | 08.6 |
| કંડલા પોર્ટ | 28.2 | 15.0 |
| કંડલા એરપોર્ટ | 28.2 | 15.0 |
| અમરેલી | 30.0 | 15.8 |
| ભાવનગર | 32.0 | 17.4 |
| દ્વારકા | 29.2 | 19.8 |
| ઓખા | 25.0 | 20.8 |
| પોરબંદર | 29.1 | 14.9 |
| રાજકોટ | 29.7 | 15.4 |
| વેરાવળ | 27.1 | 17.8 |
| દીવ | 29.8 | 15.5 |
| સુરેન્દ્રનગર | 30.0 | 17.3 |
| મહુવા | 31.2 | 15.1 |
| કેશોદ | 29.5 | 12.9 |
ગુજરાતના તમામ સમાચારો વાંચવા માટે અહીં ક્લિક કરો
રાજ્યમાં આગામી 24 કલાક બાદ ઠંડીનું જોર વધશે
ગુજરાતમાં શિયાળો વિદાય તરફ આગળ વધી રહ્યો છે પરંતુ અત્યારે ઠંડીનો ચમકારો યથાવત રહ્યો છે. આગામી 24 કલાકમાં રાજ્યના તાપમાનમાં કોઈ ફેરફાર નહીં થાય અને ત્યારબાદ તાપમાનમાં 2-3 ડિગ્રી જેટલું તાપમાન ઘટવાની શક્યાત હવામાન વિભાગે કરી છે. એટલે 24 કલાક બાદ રાજ્યમાં ઠંડીનું જોર વધશે.
