સુનિતા વિલિયમ્સ વિશે જાણવા જેવું

Sunita Williams Return: નાસા અવકાશયાત્રી સુનિતા વિલિયમ્સ પૃથ્વી પર પરત ફરી રહી છે. તેઓ તેમના સાથી મુસાફર બુચ વિલ્મોર સાથે સ્પેસએક્સના એરક્રાફ્ટમાં આંતરરાષ્ટ્રીય અવકાશ મથકને અલવિદા કહી દીધુ છે. તે બંને છેલ્લા 9 મહિનાથી ત્યાં અટવાયેલા હતા. જો હવામાન સારું રહેશે તો તેમનું વિમાન સાંજ સુધીમાં ફ્લોરિડાના કિનારે ઉતરાણ કરી શકે છે. તેમના સુરક્ષિત વાપસી માટે ભારતમાં પણ પ્રાર્થનાઓ થઈ રહી છે. તેમનો પરિવાર પણ ગુજરાતના તેમના પૈતૃક ગામ ઝુલાસણમાં તેમની રાહ જોઈ રહ્યો છે. તેના પિતરાઈ ભાઈ દિનેશ રાવલે તેની બહેનના પાછા ફરવાના સમાચાર પર ખુશી વ્યક્ત કરી છે.

ગુજરાતમાં સુનિતા વિલિયમ્સના પિતરાઈ ભાઈ દિનેશ રાવલે ખુશી વ્યક્ત કરી અને કહ્યું કે તે રાષ્ટ્રનું ગૌરવ છે. દિનેશ રાવે સમાચાર એજન્સી ANI સાથે વાત કરતા કહ્યું, “તેની માતા, ભાઈ અને બહેન સહિત પરિવારના દરેક વ્યક્તિ ખુશ છે કે તે ઘરે પાછી આવી રહી છે. અમારો આખો પરિવાર ખુશ છે અને તેના પાછા ફરવાની આતુરતાથી રાહ જોઈ રહ્યો છે.”

પરિવાર સુનિતાના પાછા ફરવા માટે પ્રાર્થના કરી રહ્યો છે

સુનિતા વિલિયમ્સ વિશે તેમના ભાઈ દિનેશ રાવલે કહ્યું કે અમે તેમની સલામતી માટે પ્રાર્થના કરવાનું શરૂ કર્યું છે અને ઘણા મંદિરોમાં ગયા છીએ. આ આપણા માટે ખૂબ જ મોટો દિવસ છે. તે દેશનું ગૌરવ છે. અમે તેમના પાછા ફરવા માટે ‘યજ્ઞ’ કરી રહ્યા છીએ અને તેમના પાછા ફરવા પર મીઠાઈઓનું વિતરણ કરીશું.

સુનિયા વિલિયમ્સનું પૈતૃક ગામ ઝુલાસણ

મહેસાણા અમદાવાદ હાઇવે પર રાજપુર નજીક આવેલું નાનકડું ઝુલાસણ ગામ સુનિતા વિલિયમ્સનું પૈતૃક ગામ છે. સુનિતાના પિતા ડો.દિપકભાઇ પંડ્યાએ પોતાનું બાળપણ અહીં વિતાવ્યું હતું. સુનિતા ભલે ગામમાં મોટી થઇ નથી પરંતુ ગામલોકો પોતાની દિકરી કરતાં પણ વધુ સ્નેહ વરસાવે છે.