Aaj Nu Havaman, Gujarat weather Rain Forecast Update: ગુજરાતમાં અત્યારે વરસાદની ગતિ એકદમ ધીમી પડી ગઈ છે. રાજ્યમાં માંડ માંડ વરસાદ પડી રહ્યો છે. રાજ્યમાં પુરો અડધો ઈંચ પણ વરસાદ પડતો નથી. વિસ્તારોમાં પણ ઘટીને 20 તાલુકા નજીક પહોંચી ગયા છે. આવી સ્થિતિ વચ્ચે હવામાન વિભાગે ગુજરાતમાં છૂટો છવાયો વરસાદ પડવાની શક્યતા સેવી છે.
રાજ્યમાં છૂટા છવાયા વરસાદની આગાહી
હવામાન વિભાગે આજે 7 ઓગસ્ટ 2025, ગુરુવારના દિવસ માટે રાજ્યમાં છૂટો છવાયો વરસાદ પડવાની શક્યતા સેવી છે. હવામાન વિભાગ પ્રમાણે ઉત્તર ગુજરાતના બનાસકાઠા, પાટણ, મહેસાણા, બનાસકાંઠા, ગાંધીનગર, અરવલ્લીમાં હળવા વરસાદની આગાહી કરી છે.
હવામાન વિભાગ પ્રમાણે અમદાવાદ, ગાંધીનગર, ખેડા, પંચમહાલ, દાહોદ, મહિસાગર,વડોદરા,છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ અને દાદરા નગર હવેલીમાં વરસાદની આગાહી કરી છે.
તેમજ સૌરાષ્ટ્રના સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, દીવ અને કચ્છમાં છૂટા છવાયા વરસાદની આગાહી કરી છે.
આ પણ વાંચોઃ- અમદાવાદમાં રહે છે PM મોદીની ‘પાકિસ્તાની બહેન’, જે પોતાના હાથે તેમના માટે બનાવે છે રાખડી
આજે ગુરુવારે અમદાવાદમાં કેવુ રહેશે હવામાન?
હવામાનની માહિતી આપતી વેબસાઈટ પ્રમાણે આજે 7 ઓગસ્ટ 2025, ગુરુવારના દિવસે અમદાવાદમાં પવનની ગતિ 13 કિલોમીટર પ્રતિ કલાકની રહેશે. અને આકાશમાં 43 ટકા વાદળો છવાયેલા રહેશે જોકે, વરસાદ પડવાની કોઈ શક્યતાઓ વર્તાતી નથી. બપોરના સમયે ઉનાળા જેવી ગરમીનો અહેસાસ થઈ રહ્યો છે.
