શું તમે ક્યારેય તમારા બાળક માટે પુખ્ત વયના લોકો યુઝ કરતા સ્કિનકૅર અને હેયરકેર પ્રોડક્ટસનો ઉપયોગ શરૂ કરવા યોગ્ય ઉંમર વિશે વિચાર્યું છે? ચિંતા કરશો નહીં, તમે કદાચ એકલા માતાપિતા નથી જે આ પ્રશ્નનો જવાબ શોધી રહ્યાં છે. કદાચ આ જ કારણ છે, ડૉક્ટર (મેજર) ગુરવીન વારૈચ, એક ત્વચારોગ વિજ્ઞાની, તમારા માટે તે પ્રશ્નનો જવાબ આપવા માટે Instagram પર આ વિષે પોસ્ટ કરી હતી.
તેમણે તેની પોસ્ટને કેપ્શન આપ્યું હતું કે, “12-13 વર્ષ એ બાળપણથી પુખ્તાવસ્થા નો સમય ગાળો છે. આ ઉંમર દરમિયાન જોવા મળતો મુખ્ય ફેરફાર હોર્મોનલ ફેરફારોને કારણે સીબુમ અને પરસેવાના ઉત્પાદનમાં વધારો છે. ચિલ્ડ્રન સ્કિન અને હેર કેર પ્રોડક્ટ્સ આ બધી ચિંતાઓનું ધ્યાન રાખવા માટે બનાવવામાં આવી નથી.”
પરસેવો અને સીબમના ઉત્પાદનમાં વધારો થવાને કારણે ત્વચા અને ખોપરી ઉપરની ચામડીની સમસ્યાઓમાં નીચેનાનો સમાવેશ થાય છે:
- ખીલ
- ડેન્ડ્રફ
- ફંગલ ચેપ
- ફોલિક્યુલાટીસ
- બ્રોમ્હિડ્રોસિસ (દુર્ગંધયુક્ત બગલ)
ડો. વારૈચે તમારા બાળકને નિવારક ત્વચા અને વાળની સંભાળની આદતોથી પરિચિત કરાવવાની સલાહ પણ આપી. તેઓ છે:
- દિવસમાં બે વાર ફેસ વૉશ:
એક્સપેર્ટે કહ્યું કે, “ઓઈલી, ખીલ વાળી ત્વચા માટે અઠવાડિયામાં બે વાર સેલિસિલિક આધારિત વૉશનો ઉપયોગ કરો. “શિયાળા દરમિયાન સાવચેત રહો કારણ કે સ્કિન ખૂબ ડ્રાય થઇ શકે છે.”
આ પણ વાંચો: શું કાજુનું દૂઘ ડાયટમાં સામેલ કરવું જોઈએ? જાણો આ પાંચ કારણો
- અઠવાડિયામાં ઓછામાં ઓછા 3 વખત શેમ્પૂ કરવું:
ડેન્ડ્રફ હોઈ તો અઠવાડિયામાં એક વખત એન્ટિ-ડેન્ડ્રફ અથવા એન્ટિફંગલ શેમ્પૂનો ઉપયોગ કરો (તેને માથાની ચામડી પર 2-3 મિનિટ માટે અપ્લાય કરો અને પછી તેને ધોઈ નાખો).
- રોજ સ્નાન: જો બાળકને અતિશય પરસેવો થતો હોય અથવા અંડરઆર્મ્સની દુર્ગંધ આવતી હોય તો એન્ટીબેક્ટેરિયલ સાબુ અથવા બેન્ઝોઈલ પેરોક્સાઇડ આધારિત ધોવા અથવા સાબુનો ઉપયોગ કરો.
- સનસ્ક્રીન:
12-13 વર્ષનાં બાળકો તમારી સનસ્ક્રીન યુઝ કરવાનું શરૂ કરી શકે છે. રોજ ઉપયોગ કરી શકે છે.
- મોઇશ્ચરાઇઝર:
ચહેરો ધોયા પછી મોઇશ્ચરાઇઝ કરવાની ટેવ પાડો. તે તેલયુક્ત અને શુષ્ક ત્વચા બંને માટે મહત્વપૂર્ણ છે.
જો કે, નાણાવટી મેક્સ સુપર સ્પેશિયાલિટી હોસ્પિટલના સિનિયર કન્સલ્ટન્ટ, ડર્મેટોલોજી, ડૉ. વંદના પંજાબીએ ઇન્ડિયન એક્સપ્રેસને જણાવ્યા અનુસાર, બાળપણથી જ ત્વચા અને વાળની કેર માટેની પ્રોડક્ટસનો રજૂ કરવી જોઈએ. “શરૂઆતમાં, બોડી વોશ, બોડી લોશન અને શેમ્પૂ જેવા ઉત્પાદનોનો ઉપયોગ કરી શકાય જે ખાસ કરીને બાળકો માટે બનાવવામાં આવે છે. જેમ જેમ તેઓ રમતગમત અથવા સ્વિમિંગ માટે બહાર જવાનું શરૂ કરે છે, ત્યારે 5-6 વર્ષની ઉંમરે બાળકો માટે અનુકૂળ સનબ્લોકની ભલામણ કરવામાં આવે છે.”
આ પણ વાંચો: ઇન્ટરનેશનલ મીલેટ્સ યર 2023: સૈન્ય ટુકડીના રાશનમાં ‘દેશી ડાયટ’ માટે મીલેટ્સનો સમાવેશ
આ ઉપરાંત કહ્યું કે, “જેમ જેમ બાળકો કિશોરાવસ્થામાં પ્રવેશે છે, લગભગ 10-11 વર્ષની ઉંમરે, તેમના શરીરમાં ફેરફાર થવા લાગે છે અને હોર્મોનલ ફેરફારોને કારણે તેલ ગ્રંથીઓ સક્રિય થવા લાગે છે. આ સમયે, તૈલીથી કોમ્બિનેશન ત્વચા માટે ફેસવોશ અને ડેન્ડ્રફ વિરોધી શેમ્પૂ રજૂ કરી શકાય છે પરંતુ તે સૌમ્ય હોવા જોઈએ કારણ કે તેમની ત્વચા હજી પણ સંવેદનશીલ છે.”
ડો. વારૈચ સાથે સંમત થતા, ડૉ. પંજાબીએ ઉમેર્યું હતું કે , “પરંતુ, તેઓ તરુણાવસ્થામાં પ્રવેશે છે, તેઓ પુખ્ત વયના ત્વચા અને વાળની કેરની પ્રોડક્ટસ તરફ સ્વિચ કરી શકે છે કારણ કે ત્યાં સુધીમાં તેઓ હોર્મોનલ ફેરફારોના રોલર કોસ્ટરમાંથી પસાર થઈ રહ્યા છે. સફાઈ, મોઇશ્ચરાઇઝિંગ અને સૂર્ય રક્ષણ. બઘી પ્રોડક્ટસ તેલ મુક્ત, પાણી આધારિત અને નોન કોમેડોજેનિક હોવા જોઈએ.
જો કે તેમણે તારણ કાઢ્યું કે, કોઈપણ સમયે, જો ખીલ અથવા ડેન્ડ્રફ વધે છે અને તેને નિયંત્રિત કરી શકાતા નથી પરંતુ OTC પ્રોડક્ટસ, તો ટ્રાયલ અને ભૂલને બદલે ત્વચારોગ એક્સપર્ટનો સંપર્ક કરવો વધુ સારું છે.”
