બટાકા (Potatoes) બધાજ શાકભાજી સાથે ભળે છે, તેથી કોઈપણ શાકભાજી સાથે મિક્સ કરીને ખાઈ શકાય છે આથી બટાકાને શાકભાજીનો રાજા કહેવાય છે પરંતુ શું તમને ખબર છે આજકાલ બજારમાં કેમિકલયુક્ત બટાકા મળતા થઇ ગયા છે. થોડો નફો કરવા માટે બટાકામાં પણ ભેળસેળ શરૂ કરી દેવામાં આવી છે. બગડેલા બટાકાને રસાયણો લગાવીને નવામાં રૂપાંતરિત કરવામાં આવે છે.

જો તમે કેમિકલયુક્ત અને ભેળસેળવાળા બટાકાનું સેવન કરો છો તો સાવધાન થઈ જાવ, કારણ કે તેને ખાવાથી અનેક બીમારીઓ થઈ રહી છે. આવી સ્થિતિમાં એવી કેટલીક ટિપ્સ છે જેના દ્વારા તમે નકલી અને અસલી બટાકાને સરળતાથી ઓળખી શકો છો.

Fake Milk Video: દૂધ નહીં ઝેર! 1 લિટર કેમિકલમાંથી 500 લીટર દૂધ બનાવવાનો લાઇવ વાયરલ વીડિયો

કેમિકલયુક્ત બટાકા ઓળખવાની ટિપ્સ

સ્મેલ દ્વારા ઓળખો : જ્યારે વાસ્તવિક બટાકાની ગંધ આવે છે, ત્યારે તેમાં કુદરતી સુગંધ હોય છે. જ્યારે તમને કેમિકલયુક્ત બટાકાની ગંધ આવે તો તેમાં કેમિકલ જેવી સ્મેલ આવે છે. આ સિવાય કેમિકલયુક્ત બટાકાનો રંગ હાથ પર પડે છે.
માટી દ્વારા ઓળખો : અસલી અને કેમિકલયુક્ત બટાકા વચ્ચેનો તફાવત જાણવા માટે બટાકા પરની માટીને ધ્યાનમાં રાખવી જોઈએ. અસલી બટાકાને સાફ કરવા માટે તેને ઘણી વખત ઘસવા પડે છે અને તો જ માટી સાફ થઈ જાય છે. પરંતુ જ્યારે કેમિકલયુક્ત બટાકાને પાણીમાં નાખવામાં આવે છે, ત્યારે માટી ઓગળી જાય છે.
કાપીને ઓળખો : કેમિકલયુક્ત બટાકાની ઓળખ કરવા માટે તમારે બટાકાને કાપવા પડશે. જો બટેટા અસલી હોય તો તેનો રંગ અંદર અને બહાર લગભગ સરખો જ હશે. પરંતુ જો તે કેમિકલયુક્ત બટેટા હશે તો અંદરનો રંગ અલગ હશે.
પાણીમાં બોળીને ટેસ્ટ કરો : કેમિકલયુક્ત બટાકાને પાણીમાં બોળીને ઓળખી શકાય છે. અસલી બટાકા પાણીમાં ડૂબી જાય છે, પરંતુ કેમિકલયુક્ત બટાકા ક્યારેક રસાયણોની હાજરીને કારણે તરતા રહે છે.
કેમિકલયુક્ત બટેટાથી થતી બીમારી : કેમિકલયુક્ત બટેટા સ્વાસ્થ્ય માટે હાનિકારક છે. આ ખાવાથી કિડની, આંતરડા, લીવર, કાન, નાક અને આંખોને પણ નુકસાન થાય છે. આ સિવાય પેટમાં દુખાવો, કબજિયાત અને ભૂખ ન લાગવી જેવી સમસ્યાઓ થઈ શકે છે.