how to make multigrain atta at home : શરીરને સ્વસ્થ અને ફિટ રાખવા માટે લોકો વિવિધ પ્રકારનો લોટ ખાય છે. મોટા ભાગના ઘરોમાં લોકો ઘઉં, મકાઈ કે બાજરીના લોટમાંથી બનેલી રોટલી બનાવીને ખાવામાં આવે છે. જો કે આ બધા લોટને એક સાથે મિક્સ કરશો તો તે મલ્ટીગ્રેનનો લોટ બની જશે, જે સ્વાસ્થ્ય માટે ખૂબ જ ફાયદાકારક છે.
આમ તો બજારમાં અનેક પ્રકારના મલ્ટિગ્રેન લોટ મળે છે, પરંતુ ઘરે બનાવેલો આ મલ્ટીગ્રેનનો લોટ બજાર કરતા ઘણો સારો, શુદ્ધ અને તાજો હોય છે. તેને ઘરે બનાવવાથી તેનું પૌષ્ટિક મૂલ્ય જળવાઈ રહે છે. મલ્ટીગ્રેનનો લોટ સરળતાથી કેવી રીતે તૈયાર કરવો તે અમે તમને અહીં જણાવીશું.
મલ્ટિગ્રેનનો લોટ ખાવાના ફાયદા
મલ્ટિગ્રેનનો લોટ ખાવાથી શરીર સ્વસ્થ અને તંદુરસ્ત રહે છે. આ પાચનક્રિયા પણ સારી રહે છે. તેમાં સારી માત્રામાં પ્રોટીન અને મિનરલ્સ હોય છે, જે સ્નાયુઓ અને હાડકાં માટે ફાયદાકારક છે. તે ડાયાબિટીસના દર્દીઓ માટે સારું છે. મલ્ટિગ્રેનનો લોટ વજન ઘટાડવામાં પણ વધુ સારો છે. તેને ખાવાનો સ્વાદ પણ સારો હોય છે.
આ પણ વાંચો – ગરમીમાં જીમ કરવું મોંઘું ના પડી જાય, આ ટિપ્સને કરો ફોલો અને રહો ફિટ
મલ્ટિગ્રેનના લોટમાં શું-શું મિલાવવામાં આવે છે?
- 3 કિગ્રા ઘઉં
- 500 ગ્રામ જુવાર
- 500 ગ્રામ બાજરી
- 250 ગ્રામ રાગી
- 250 ગ્રામ શેકેલા ચણા
- 250 ગ્રામ મકાઈ
- 250 ગ્રામ સોયાબીન
ઘરે મલ્ટીગ્રેનનો લોટ કેવી રીતે બનાવશો?
મલ્ટીગ્રેનના લોટને ઘરે તૈયાર કરવા માટે સૌથી પહેલા અનાજને સારી રીતે સાફ કરી લો. અનાજમાં ભેજ હોય તો તેને થોડો સમય તડકામાં સૂકવો. હવે તેમાંથી ચણા, જુવાર, બાજરી અને મકાઈને હલકા હાથે શેકી લો. તેને શેકવાથી લોટનો સ્વાદ સુધરે છે અને તેનું પોષણ મૂલ્ય વધે છે.
આ રીતે સંગ્રહ કરો
હવે બધા જ અનાજને એક સાથે મિક્સ કરીને ઘંટીમાં પીસી લો. જો તમે તેને ઘરે થોડી માત્રામાં તૈયાર કરવા માંગતા હો, તો તમે તેને મિક્સર ગ્રાઇન્ડરમાં પીસી શકો છો. હવે તેને ગરણી વડે ગાળી લો. ગ્રાઉન્ડ લોટને હવાબંધ કન્ટેનરમાં સંગ્રહિત કરી શકાય છે. આ લોટને તમે એકથી બે મહિના સુધી સરળતાથી સ્ટોર કરી શકો છો.
