Indori Poha: ઇન્દોરી પૌવા, સવારે માત્ર 10 મિનિટમાં પૌષ્ટિક નાસ્તો બનાવવાની પરફેક્ટ રીત

How To Make Indori Poha Recipe At Home: સવારનો મંત્ર: સવારનો નાસ્તો આરોગ્યપ્રદ અને ઊર્જાથી ભરપૂર હોવો જોઈએ. જો તમે તમારા દિવસની શરૂઆત સવારે હેલ્ધી બ્રેકફાસ્ટથી કરશો તો તમારો આખો દિવસ સારો જશે અને આખો દિવસ તમારા શરીરમાં એનર્જી રહેશે.

હકીકતમાં સવારે વહેલા ઊઠીને નાસ્તો બનાવવો બહુ આળસુ ભર્યું હોય છે. જો કે, તમે નાસ્તામાં પૌંઆ બનાવી શકો છો. તે તૈયાર કરવામાં પણ ઝડપી અને સરળ હશે. આ લેખમાં અમે તમને ઈન્દોરી સ્ટાઈલમાં પૌવા બનાવવાની રીત વિશે જણાવીશું. ઇન્દોરી પૌવા તેના સ્પેશિયલ સ્વાદ માટે ફેમસ છે. તેમાં એક ખાસ પ્રકારનો નમકીન ઉમેરવામાં આવે છે, જે સ્વાદને વધુ સારો બનાવે છે.

Indori Poha Ingredients : ઇન્ડોરી પૌવા બનાવવા માટે સામગ્રી

પૌવા
ડુંગળી
લીલા મરચાં
સીંગદાણા
રાઇ
વરિયાળી
હળદર
ખાંડ
મીઠું
લીંબનો રસ
તલ
મીઠા લીમડાના પાન
ઇન્દોરની સેવ
દાડમના દાણા

Indori Poha Recipe : ઇન્દોરી પૌવા બનાવવાની રીત

ઈન્દોરી પૌવા બનાવવા માટે સૌ પ્રથમ 2 કપ જાડા પૌવા પાણીમાં પલાળી તરત જ બહાર કાઢી લો. ધ્યાન રાખો કે તેને લાંબા સમય સુધી પાણીમાં પલાળવી રાખવા નહીં. હવે તેમા ખાંડ અને મીઠું નાખીને બરાબર મિક્સ કરી લો અને હવે તેને પાંચથી સાત મિનિટ ઢાંકીને રાખો. તેનાથી પૌંઆ નરમ બનશે.

Indori Poha : ઇન્દૌરી પૌવામાં તડકો લગાવવાની રીત

હવે એક કઢાઇમાં તેલ ગરમ કરી તેમાં સીંગદાણા ઉમેરી સાધારણ ફ્રાય કરી લો. હવે તે જ તેલમાં રાઈ અને વરિયાળી નાંખો. જ્યારે રાઇ તતડવા માંડે, ત્યારે હવે તેમા કડી પત્તા, ઝીણા સમારેલા લીલા મરચા અને ડુંગળી, હળદર પાવડર અને મીઠું ઉમેરો. હવે તેમા પલાળેલા પૌવા ઉમેરો.

હવે એક તપેલામાં પાણી ગરમ કરી તેની ઉપર પૌવાની કડાઇ મૂકો અને તેની વરાળથી પૌવા પકવો. પૌવા બરાબર રંધાઇ જાય ત્યારે તેમા લીલા ધાણા ઉમેરો. હવે એક પ્લેટમાં પૌવા લો, તેના પર ઝીણી તીખી સેવ, ઝીણી સમારેલી ડુંગલી અને લીંબનો રસ ઉમેરી સર્વ કરો. આ રીતે ઇન્દોરી સ્ટાઇલમાં બનેલા પૌવા સ્વાદિષ્ટ લાગશે.