CNG Car Care in Monsoon: ભારતમાં ચોમાસાની એન્ટ્રી થઈ ગઈ છે. અને આવામાં કારની સાચવણી વધી જાય છે. ચોમાસાની ઋતુમાં CNG કારની વધારે દેખરેખ રાખવી પડે છે. ઈકો-ફ્રેંડલી અને ફાયદામંદ કાર તરીકે પણ સીએનજી ગાડીઓ એક ઉત્તમ વિકલ્પ માનવામાં આવે છે. જો રેગ્યુલર સર્વિસ પર ધ્યાન આપવામાં આવે તો દરેક ઋતુમાં શ્રેષ્ઠ પરફોર્મંસની સાથે સારી એવરેજ ઓફર કરશે. વરસાદની આ સીઝનમાં CNG કારની દેખરેખ કેવી રીતે રાખવી? આવો તેના વિશે જાણીએ…
સીએનજી સિસ્ટમનું નિયમિત ચેકઅપ ખૂબ જ મહત્વપૂર્ણ
સીએનજી કાર નવી હોય કે જૂની નિયમિત ચેકઅપ ખૂબ જ મહત્વપૂર્ણ છે. સીએનજી કારનો સૌથી મહત્વપૂર્ણ ભાગ તેનો ગેસ સિલિન્ડર અને ફ્યુઅલ સિસ્ટમ છે. નિષ્ણાતોના મતે સિલિન્ડર, પાઇપલાઇન અને વાલ્વ દર 3-6 મહિને અધિકૃત સેવા કેન્દ્રમાં જઈને તપાસવા જોઈએ. લીકેજ તપાસવા માટે લીક ડિટેક્ટરનો ઉપયોગ કરવો જરૂરી છે. ત્યાં જ દર 3 વર્ષે સિલિન્ડરનું હાઇડ્રો ટેસ્ટિંગ કરાવવું જરૂરી છે.
એન્જિન ઓઇલથી એર ફિલ્ટર ચેક સુધી
સીએનજી કારમાં નિયમિતપણે એન્જિન ઓઇલ લેવલ ચેક કરતા રહો. સીએનજી એન્જિન વધુ ગરમી ઉત્પન્ન કરે છે, તેથી ઉચ્ચ ગુણવત્તાવાળા એન્જિન ઓઇલનો ઉપયોગ કરો. દર 5,000 થી 7,000 કિલોમીટરે તેલ અને ઓઇલ ફિલ્ટર બદલો. આ ઉપરાંત એર ફિલ્ટરની સફાઈ પણ ખૂબ જ મહત્વપૂર્ણ છે. દર 5,000 કિલોમીટરે તેને સાફ કરો અને જરૂર પડે તો તેને બદલો. જો એર ફિલ્ટર સ્વચ્છ રહે છે, તો માઇલેજમાં વધારો 100% નિશ્ચિત છે. ઉપરાંત વાહનનું પ્રદર્શન સુધરે છે.
આ પણ વાંચો: ચોમાસાની સીઝનમાં ઘરમાં થતા શોર્ટ સર્કિટથી બચવા આ ટિપ્સ ફોલો કરો, દુર્ઘટનાથી બચી જશો
સ્પાર્ક પ્લગથી લઈને કૂલિંગ સિસ્ટમ સુધીની દરેક બાબત પર ધ્યાન આપો
CNG કારમાં સ્પાર્ક પ્લગ ખૂબ જ ઝડપથી ખતમ થવા લાગે છે. તેથી દર 10,000 થી 15,000 કિમી પર સ્પાર્ક પ્લગ તપાસવા અને સાફ કરવા મહત્વપૂર્ણ છે. જો જરૂરી હોય તો તેને બદલો. આ ઉપરાંત નિયમિતપણે ઇગ્નીશન સિસ્ટમ તપાસો. CNG એન્જિન વધુ ગરમી ઉત્પન્ન કરે છે, તેથી કૂલેંટ તપાસવું મહત્વપૂર્ણ છે. કૂલેંટની ગુણવત્તા પણ મહત્વપૂર્ણ છે. એટલું જ નહીં દર 6 મહિને અથવા 10,000 કિમી પર કારની સર્વિસ કરાવો.
